Попоски: Македонија своевиден гуру на трпеливоста, ЕУ да остане доследна на правилата

Перспективата на Балканот во голема мера зависи од силна Европа, која е подготвена и во состојба да шири просперитет, а балканските земји мора не само до зборуваат европски туку и да дејствуваат европски, спроведувајќи вистински реформи особено во владеење на правото.

Македонија, пак, на својот пат кон ЕУ е „гуру на трпеливоста“.

Ова го истакна министерот за надворешни работи на Република Македонија Никола Попоски, во своето обраќање на панелот на тема „Ре-енергизација на проширувањето на ЕУ во Западниот Балкан“ на годинешната безбедносна Конференција Глобсец, што од 18 до 20 април, се одржува во Братислава, Словачка.

По обраќањето на еврокомесарот за проширување Штефан Филе, кој истакна дека Европската комисија ги подготвува земјите кандидати за ЕУ на иднината, а не на минатото, министерот Попоски, во воведното обраќање, истакна дека Република Македонија претставува своевидно гуру на трпеливоста, како и дека и земјите членки на ЕУ треба да останат доследни на почитувањето на правилата на кои се основа клубот.

- Носиме и спроведуваме суштински реформи. Од голема помош ни е дијалогот што го водиме со Европската комисија. Имаме одговорност тоа да продолжиме да го правиме. Секако, очекуваме подеднакво ниво на одговорност и посветеност и од земјите членки. Проширувањето треба да создава динамика и просперитет, не фрустрации и пасивност. Корисно е секогаш да се присетиме што имале на ум основачите на унијата, истакна министерот.

Според шефот на македонската дипломатија, перспективите се сосема различни во зависност од тоа каде се наоѓате, притоа, вели, потребно е да се најде соодветната рамнотежа.

- Во политиките на ЕУ треба да им се придаде поголема важност на мерките со кои се поддржуваат растот, подобрувањето на инфраструктурата, зголемувањето на економските можности и подобрување на животниот стандард на граѓаните, рече министерот Попоски.

Како што информира МНР, на маргините на годинешната конференција „Глобсец“ Попоски реализира одвоени средби со вицепремиерот и министер за надворешни работи на Словачката Република Мирослав Лајчак.

- Притоа, тој информираше за преземените активности од страна на Република Македонија, во контекст на нејзината евроинтегративна агенда. Воедно, министерот Попоски и во оваа прилика уште еднаш се заблагодари за помошта што Словачка и ја дава на Македонија на овој план, изразувајќи уверување за продолжување на истата и во наредниот период, се наведува во соопштението.

Мицкоски од Берово: На 15-ти јули конечно ќе ја победиме сите заедно оваа ненародна и криминална власт

Мицкоски од Берово ги повика и досегашните поддржувачи на СДСМ за да се обедини целиот народ против проектот на СДСМ и БЕСА за федерализација на Македонија и нејзино крајно уништување.

Претседателот на најголемата политичка опција во државата ВМРО-ДПМНЕ Христијан Мицкоски од Берово ги повика сите граѓани да се обединат, и оние неопределените, па и оние досегашните поддржувачи на СДСМ, против проектот на СДСМ и БЕСА за федерализација на Македонија се до нејзино крајно уништување.

-Кога човек делува навидум разочарано треба да застане цврсто на нозе и да продолжи да се бори за она во кое верува. А тоа што во кое сите ние веруваме е онаа Македонија за која што сите сонуваме. Онаа нашата Македонија. И тоа не е лесна едноставна цел. Таа е многу голема цел. И повозрасните велат, колку што целта е поголема толку се искушенијата на патот за реализација на таа цел се поголеми. И кога ќе ви речат попусто се борите се а завршено, тоа не треба да ве обесхрабрува, а ќе има и такви. Тукутоа треба дополнително да ве мотивира да продолжите да се борите во остварувањето на вашата крајна цел. Но, јас чувствувам, една чудна енергија се обединува за обновата. Народот се сплотува како многупати во историјата, и кога било и потешко. Затоа и овој пат, заедно сите на 15-ти јули ќе победиме. Тука никој не треба да има дилема, порача Мицкоски.

Мицкоски од Берово ги повика и досегашните поддржувачи на СДСМ за да се обедини целиот народ против проектот на СДСМ и БЕСА за федерализација на Македонија и нејзино крајно уништување.

-Најпрвин да си ја ослободиме државата, а после ние ќе ви помогнеме да си ја ослободите партијата од овие кои што ви ја заробија. Нас после 15-ти јули ќе ни треба конструктивна опозиција. Опозиција која заедно со владата која ќе ја предводи ВМРО-ДПМНЕ ќе работи за интересите на Македонија. Ова не е само борба на два спротивни концепта, туку и борба помеѓу различни вредности. Ние нема да владееме со народот како што правеше СДСМ, туку ние ВМРО-ДПМНЕ заедно со народот ќе си ја обновуваме Македонија нашата татковина, рече Мицкоски.

Центар за комуникации на ВМРО-ДПМНЕ

Трамп за Кина: Нашите односи се нарушени, можеа да ја спречат епидемијата

Американскиот претседател Доналд Трамп денес оцени дека односите помеѓу САД  и Кина се „сериозно нарушени“, наведувајќи ја кризата со коронавирусот.

Тој рекол дека за сега не планира втора фаза од економскиот договор потпишан во јануари помеѓу двете светски сили.

Трамп повторно во изјава го обвини Пекинг за кризата со коронавирусот.

„Кина можеше да ја запре епидемијата со коронавирусот“.

Прашан за втората фаза од комерцијалниот договор потпишан после две години трговска војна тој одговорил:

„Не размислувам околу тоа за сега. Искрено, имам многу други работи за кои треба да мислам“.

Велешкиот суд му одреди притвор на Панчевски

Судот во Велес денеска му одреди притвор на поранешниот претседател на кривичниот суд, Владимир Панчевски.

Информацијата за Канал 5 ја потврдија извори од велешкиот суд, појаснувајќи дека притворот му е одреден затоа што тој не се појавил на денешното рочиште, а не бил присутен ниту неговиот бранител.

Пред една година скопското обвинителство поднесе обвинителен предлог против Панчевски за злоупотреба на службената положба во врска со АКМИС-от, системот за управување со судските предмети во кривичниот суд. Предметот се суди во Велес за да се избегне евентуална пристрасност во Скопје поради тоа што Панчевски беше претседател на кривичниот суд.

притисни ентер