На Мушараф му е забрането да ја напушта државата

Пакистанските власти забранија денеска поранешниот претседател Первез Мушараф да ја напушти државата, јавија локални медиуми.


Министерството за внатрешни работи издаде директива до имиграциските власти да го стават Мушараф на листата за контрола при излез. Министерството исто така упати известување до Федералната истражна агенција која се занимава со имиграциски прашања на аеродромите.

Мушараф кој првпат дојде на власт по воен удар во 1999 година се врати во неделата на 24 март, во Пакистан почетири години поминати во егзил во Лондон и Дубаи за да ја предводи својата партија на парламентарните избори на 11 мај.

Тој се соочува со неколку судски процеси од кои еден е за обвинувања за пропуст на владата да и даде обезбедување на поранешната премиерка Беназир Буто која беше убиена во 2007 година. Суд во Карачи продолжи престој на Мушараф на слобода со кауција по барање на неговата одбрана за да може тој да учествува на изборите. Нему сепак, му е забрането да ја напушти државата без дозвола на Судот. 

извор: МИА

Пендаровски присуствуваше на средба на Стопанските комори од Македонија и Србија

Претседателот на Република Македонија, Стево Пендаровски, којшто е во официјална посета на Република Србија, денеска во Белград присуствуваше на средбата на Стопанските комори од Република Македонија и од Република Србија.

На средбата се разговараше за продлабочување на надворешно трговската размена при што беше оценето дека постои голем потенцијал за интензивирање на соработката за полесен пристап до трети пазари.

Претседателот Пендаровски истакна дека од големо значење е зајакнувањето на регионалната соработка за зголемување на економскиот развој, намалување на невработеноста, подобрување на социјалната благосостојба на граѓаните, како и зголемувањето на трговската размена и инвестициите. Воспоставувањето на заедничко гранично управување на Табановце/Прешево, како што рече претседателот Пендаровски, е одличен, прв чекор за олеснување на протокот на стоки за компаниите, а со унапредување на неговото работење ќе се забрза протокот на стоки.

Во однос на новата иницијатива за идно слободно движење на стоки и услуги, но и работна сила, како и меѓусебно признавање на професионалните квалификации, Претседателот истакна дека основна цел на оваа иницијатива треба да биде зголемување на регионалната соработка и понатамошна интеграција на државите во Европската Унија преку имплементација на европските правила и стандарди на регионално ниво. Тој изрази надеж дека сите западнобалкански држави ќе се приклучат на оваа иницијатива.

На средбата меѓу коморите се разговараше и за мерките коишто може да се преземат за понатамошно олеснување на условите за бизнисот во смисла на укинувањето на тарифните бариери, сведување на царинските мерки на минимум во регионот, елиминирање на сите барања на податоци коишто не се во согласност со меѓународните препораки и договори, како и на намалување на трошоците за обезбедување на истите и усогласување на работното време на органите во двете земји кои се надлежни за спроведување на увозно-извозните постапки.

Во таа насока, на средбата помеѓу стопанските комори од Македонија и од Србија беше констатирано дека има простор за интензивирање на соработката меѓу стопанските комори од двете земји со цел да се придонесе кон остварување на овие цели.

Претходно, претседателот на Стопанската комора на Македонија, Бранко Азески беше дел од делегацијата која го придружуваше претседателот Пендаровски на средбата со српската премиерка Брнабиќ.

Јункер излезе од болница , следната недела се враќа на работа

Претседателот на Европската Комисија во заминување , Жан Клод Јункер , кој пред десетина дена беше опериран , денеска ја напушти болницата.

Јункер би требало да се врати на работа во седиштето на ЕУ во Брисел. На 11 ноември, Јункер беше подложен на операција на аортна аневризма во абдоминалната празнина.

Аневризмата е трајно проширување на аорта. Главната опасност била пукање на аневризмата, што може да резултира со внатрешно крварење. Доколку не се интервенира итно, пукањето на аневризмата обично завршува со смрт.

Изминатите десет дена тој беше заменет во Комисијата од првиот потпретседател Франс Тимерманс.

Комисијата на Јункер во моментов е ангажирана само со тековните работи, бидејќи на 1. ноември истече нејзиниот мандат. Новата Комисија, предводена од германката Урсула фон дер Лејен, треба да ја преземе функцијата на 1 декември.

Путин : На Русија и требаат борбени роботи , дронови и ласери

Руската војска има потреба од борбени роботи, беспилотни летала и ласери како приоритет во следната деценија, тврди претседателот Владимир Путин.

„Ние треба да го прошириме арсеналот на беспилотни извидувања и напади на авиони, ласерски и хиперсонични системи, како и роботски системи способни за извршување на разни задачи на бојното поле“, изјави Путин.

Во следните неколку години, 70 проценти од оружјето на Русија треба да биде современо, изјави Путин на состанокот на Рускиот Национален совет за безбедност, пренесува Кремљ.

Путин вчера изјави дека нуклеарната несреќа што се случи пред три месеци во северозападна Русија вклучува уникатно оружје во развој, пренесува Интерфакс.

Неколку луѓе тогаш загинаа во, како што соопшти  владата, експлозија на експериментална опрема на терен за воена обука во Северодвинск во близина на границата со Финска.

Руската влада првично негираше дека има зголемено зрачење на местото, но подоцна владата објави дека гама зрачењето е 16 пати поголемо од вообичаеното.

притисни ентер