Русија со повик до Пјонгјанг за максимална воздржаност, реaкции на Франција и Германија

Русија ги повика денеска Северна и Јужна Кореја како и САД да пројават максимална воздржаност откако Пјонгјанг објави дека е во „состојба на војна“ со Југот.


– Очекуваме двете страни да пројават одговорност и максимална воздржаност и никој да не ја помине границата од која нема враќање назад, изјави Григориј Логвинов пратеник со специјална задача на руското МНР, да ја предводи руската делегација на шестстраните преговори.

– Не можеме да останеме нечувствителни на она што се случува крај нашите источни граници каде речиси секојдневно се упатуваат закани, изјави дипломатот. 3

– Одржуваме постојанат врска со партнерите во тие преговори. Сите се стремат да не се дозволи состојбата да излезе вон политичко-дипломатски рамки, додаде тој.

Според дипломатски извор на кој се повикуваат руски медиуми, Вашингтон и Сеул имаат засега примерни и мирни реакции.

Париз исто така повика Пјонгјанг да се воздржи од какви било провокации.

– Ја повикуваме Северна Кореја да се воздржи од нови провокации и да почитува резолуции на ОН и да се врати на масата за дијалог, изјави Филип Лалио, портпарол на француското МНР.

Германскиот министер за надворешни работи Гидо Вестервеле ја повика Северна Кореја да прекине да си игра со оган оценувајќи ја како сериозна заканата за регионот. 

извор: МИА

Едмонд Адеми: На Самитот на ЕПП Мицкоски доби две силни шлаканици на клучни стратешки теми

Самитот на Европската народна партија во Загреб, каде што е членка ВМРО-ДПМНЕ целосно ги порази лицемерните и лажни политики на Христијан Мицкоски.

Освен што се покажа дека едно зборува дома, а друго надвор, Мицкоски доживеа дебакл на клучните стратешки теми.

Со првата резолуција ЕПП заклучи дека ЕУ со неносењето одлука за почеток на преговорите, направила историска, геостратешка грешка.

Тоа е потврда дека од наша страна е направено се, но дека одлуката на ЕУ е поради внатрешни проблеми во самата Унија. Тоа е првата шлаканица за Мицкоски и ВМРО-ДПМНЕ кои виновници бараа внатре во земјата.

Втората шлаканица дојде со втората Резолуција каде ЕПП даде поддршка на сестринската Демократска партија од Албанија, но никаде не споменува поддршка за ВМРО-ДПМНЕ на Мицкоски.

Мицкоски на Самитот пред бугарскиот премиер Бојко Борисов, јавно пред камери кажа дека го поддржува Договорот за добрососедство со Бугарија иако две години зборува токму против тој Договор.

Мицкоски дома зборува дека не го признава уставното име, но на Самитот на ЕПП нема проблем неговата партија да биде претставничка од Република Македонија.

Мицкоски остана заглавен во матрицата на Груевски. Нема програма, нема идеја, нема план, нема став.

Само деструктивно однесување, блокади и обиди за кочење на евроинтегративните процеси.

Со таква понуда Мицкоски и ВМРО-ДПМНЕ може да очекуваат само пораз на предвремените парламентарни избори.

Граѓаните знаат какви последици донесоа овие политики на ВМРО-ДПМНЕ. Цели 11 години евроинтеграциите беа закочени, државата изолирана, скарана со соседите, без перспектива и со неизвесна иднина.

За само 2.5 години сето тоа е променето благодарение на СДСМ.

На 12 април граѓаните ќе потврдат дека државата треба да продолжи на прав пат.

Тоа е патот на интеграцијата во НАТО и ЕУ, во градење на пријателство со соседите, напредок и сигурна иднина.

Едмонд Адеми, претседател на Комисија за надворешни работи на СДСМ

ДОМ: Сеопфатни судски реформи, а не само ветинг

Зелената партија ДОМ поддржува процес на ветинг на судии и обвинители, кој би го спроведувала Комисија во чиј состав би биле вклучени меѓународни правни експерти.

Со цел вклучување на искусни правници и зголемување на бројот на обвинители и судии, кој очекувано би се намалил со ветингот, ДОМ предлага поедноставување и забрзување на постапката за прием и завршување на Академијата за судии и јавни обвинители.

Дополнително ДОМ предлага трошоците во случаите на застарување на кривичните дела, да бидат на товар на обвинителите и судиите кои учествувале во постапката. Неправедно е од средствата на граѓаните-даночни обврзници да се плаќаат трошоците настанати поради неефикасно работење на одредени судии и обвинители.

ДОМ смета дека овие предложени реформи ќе овозможат ефикасно реализирање на принципите на владеење на правото, неселективна правда и борба со корупцијата. Со тоа ќе се зголеми и довербата на граѓаните во правосудниот систем.

Сектор за односи со јавноста на Демократска обнова на Македонија (ДОМ)

Ахмети: Не сметам дека ќе има поместување на датумот за предвремените избори

Лидерот на ДУИ, Али Ахмети денеска изјави дека не смета оти ќе има поместување на веќе договорениот датум за предвремени парламентарни избори 12 април.

– Не сметам дека ќе има поместување на датумот за организирање на предвремените избори на 12 април. Овој датум е консензуално донесен од страна на сите политички партии. Сите веќе ги имаме отпочнато подготовките за одржување на избори на 12 април, изјави Ахмети.

ДУИ и Ахмети остануваат на ставот дека изборниот модел не треба да се менува на само неколку месеци пред изборите и оти за ова прашање треба да се постигне поширок политички консензус.

– Времето не дозволува да влеземе во вакви измени на Изборниот законик, бидејќи имаме многу големи разлики како политички партии што ќе ја комплицира ситуацијата, а тоа не би било во полза ниту за партиите, ниту за државата, вели лидерот на ДУИ.

Тој не кажа кога би можеле измените на Изборниот законик на кои работат работните групи да бидат доставени во Собранието.

Лидерот на ДУИ денеска во Собранието присуствуваше на доделувањето на државната награда 22 Ноември, што се доделува по повод Денот на албанската азбука. /МИА

притисни ентер