Бела куќа: Заканите ја туркаат Северна Кореја во се поголема изолација

Заканите на Пјонгјанг дека ќе лансира ракет на САД само ја туркаат Северна Кореја во уште поголема изолација, соопшти Белата куќа.



- Воената реторика на Северна Кореја само ја продлабочува изолацијата на земјата, изјави синоќа портпаролот на Белата куќа Џош Ернест.

Тој додаде дека САД остануваат „посветени на одбраната на сојузниците во регионот и своите интереси што таму се наоѓаат“.

Ернест на брифингот повтори кои се условите на Вашингтон Северна Кореја „да се врати во меѓународната заедница“.

- Треба да престанат со провокациите и воената реторика. Треба да се откажат од својата нуклеарна програма. Треба да ги исполнат своите меѓународни обврски, рече портпаролот на Белата куќа.

Два американски бомбардери Б-2 стелт технологија, кои можат да носат и конвенционално и нуклеарно оружје, во четвртокот го прелетаа Корејскиот полуостров во рамки на воена вежба.

извор: МИА
притисни ентер