Вучиќ: Србија е подготвена на компромис, но нема да прифати сопствено укинување

Првиот вицепремиер во српската Влада Александар Вучиќ порача денеска дека Србија е подготвена на компромис во дијалогот за Косово, но дека нема да го прифати сопственото укинување и понижување, јави Танјуг.


Вицепремиерот прес-конференција истакна дека на Белград на последната рунда преговори му е понудено „апсолутно ништо“.

Како што рече, Србија не може да прифаќа ништо, веќе да бара нешто за да има иднина и оти е подготвена и на тешки одлуки и да ја плати цената.

- Србија во поновата историја не се нашла во посложена ситуација кога станува збор за Косово, и порача дека Србија ќе прави компромиси, но дека ЕУ, САД и други мораат да покажат дека не сакаат понижување за Србија, рече Вучиќ.

Тој рече дека е подготвен, ако треба и „пеш да замине за Брисел за преговорите на 2 април“, но додаде дека за составот на српската делегација државното раководство ќе решава во понеделник.

- Бараме од ЕУ, без тешки зборови кон Приштина, да води сметка за Србија, за интересите на нашиот народ на Косово. Притисоците дека нечии политички кариери ќе бидат завршени - не водат кон ништо, рече Вучиќ.

извор: МИА

ВМРО-ДПМНЕ: Заев доби силен шамар од ЕУ

По неуспехот да стане преговарач за влез во ЕУ, Бојан Маричиќ мора да ја преземе улогата на мегафон на измамникот Заев за ширење лажни вести, се наведува во реакцијата на ВМРО- ДПМНЕ на прес конференција на Бојан Маричиќ од СДСМ .

ЕУ ја прочита корумпираноста и неспособноста на Зоран Заев и неговиот тим затоа сега Маричиќ мора да се сврти кон лажењето.

Зоран Заев потроши три години од животот на граѓаните, распродавајќи ги државните и национални интереси за на крај да добие силен шамар од ЕУ. Заев лажеше дека проблемот кој Грција го има е единствената пречка за добивање на датум, но реалноста го демантираше и целата јавност се увери дека ЕУ не сака да преговара со криминалци.

Криминалот, корупцијата и рекетот не се и неможат да бидат европска вредност.

Со Заев на чело на државата Македонија е пример за криминал, корупција и рекет. Заев сака да остане на власт за да го продолжи криминалниот начин на владеење. Затоа се сите лажни вести и манипулации.

Залудно е колку и да се труди СДСМ да ја лаже јавноста. Никој повеќе не им верува. Во тоа ќе се уверат и самите кога а 12 април ќе ги изгубат изборите.

 Центар за комуникации на ВМРО-ДПМНЕ

Премиерот Заев е добитник на Меѓународната награда „Иса-бег Исхаковиќ" за 2019 година

Премиерот Зоран Заев е овогодишен добитник на Меѓународната награда „Иса-бег Исхаковиќ", што ќе му биде врачена на Свечена академија која ќе се одржи на 27 ноември во Народниот театар во Сараево.

– Господинот Зоран Заев не само што значително ги унапреди односите во регионот на Западен Балкан, туку покажа и силно политичко лидерство во контекст на порешително приближување на регионот кон Европската Унија и НАТО, се наведува во образложението на Комитетот за доделување на наградата.

Во текстот се посочува дека Комитетот на може да знае како ќе изгледа политичката биографија на премиерот Заев во текот на следната година, но неговите „напори, иницијативи и резултати во 2019 година несомнено ќе останат забележани како позитивни и ќе бидат историски ценети".

Претседател на Комитетот за доделување на наградата „Иса-бег Исхаковиќ" за 2019 година е потпретседателката на Академијата за науки и уметности на Босна и Херцеговина, Адила Пашалиќ-Кресо, а меѓу неговите членови се и академиците Мирјана Вуковиќ, Владимир Беус, Мирсада Хукиќ, Лидија Лицендер-Цвијетиќ, Марина Катниќ-Бакаршиќ, Абдулах Шарчевиќ, Дејан Милошевиќ, Бранислава Раѓеновиќ, Слободан Лога и Џевад Јузбашиќ.

Минатогодишен лауреат на оваа награда е поранешниот шеф на хрватската држава Иво Јосиповиќ, а меѓу добитниците во претходните години се и поранешниот австриски претседател Хајнц Фишер и актуелните претседатели на Словенија, Борут Пахор, на Турција, Реџеп Тајип Ердоган и на Хрватска, Колинда Грабар-Киртаровиќ и на Македонија, Ѓорѓе Иванов. 

Mинистерството за одбрана има нулта толеранција за сексуално вознемирување на припаднички на АРМ

Сексуалното вознемирување во Армијата е апсолутно недозволиво. 

Случајот се испитува и доколку се докаже, Министерството ќе има нулта толеранција, се вели во реакцијата на Министерството за одбрана во врска со наводите за сексуално вознемирување на припадничка на Армијата во касарната во Куманово.

Министерството за одбрана најстрого осудува секаков обид за сексуално вознемирување. Сексуалното вознемирување во Армијата е апсолутно недозволиво.

Случајот се испитува и доколку се докаже Министерството ќе има нулта толеранција. Никој не смее да помисли да ги вознемирува припадничките на Армијата и да го намалува угледот на Армијата, се вели во реакцијата од Министерството.

притисни ентер