Италијанскиот претседател разгледува оставка поради новите избори

Италијанскиот претседател Џорџо Наполитано ја разгледува можноста да поднесе оставка за да овозможи одржување нови парламентарни избори, откако оваа недела пропаднаа обидите за формирање влада, изјави извор запознаен со ситуацијата.


- Таа идеја се разгледува заедно со многу други, рече изворот, додавајќи дека претседателот веројатно подоцна ќе објави соопштение околу тоа.

Сите водечки италијански весници пишуваат дека Наполитано (87), чиј мандат се завршува на 15 мај, размислува за оставка поради тоа што претседателот според Уставот нема право да го распушти Парламентот во последните месеци од мандатот.

Наполитано вчера разговараше со лидерите на водечките партии во обид да пронајде начин за излез од политичката блокада во која земјата се најде од февруари и која внесе страв од долготрајна неизвесност во третата економија по сила во еврозоната.

Доколку Наполитано би поднел оставка, новиот претседател би морал да биде избран на заедничка седница на Парламентот со претставниците на регионите. Ако новоизбраниот претседател би го распуштил Парламентот, новите избори би биле одржани 45 до 70 дена подоцна. 

извор: МИА

Истражување: Еден процент од граѓаните можат да купат стан, 12 немаат ниту за храна

Само еден процент од граѓаните во земјава може да си дозволат да купат стан или викендичка, 57 отсто имаат доволно за храна и облека, 12 проценти немаат доволно средства ниту за храна, 44 проценти немаат средства за штедење.

Ова се резултатите од истражувањето за финансиска писменост кое е спроведено од Истражувачкиоит институт – Тим институт, а денеска беа претсавени од Асоцијацијата на финансиски друштва, која е барател на истражувањето.

Филип Димитровска, претседател на Асоцијацијата потенцира дека иако голем дел од населението немаат средства, истражувањето покажува дека мал дел од нив ги користат расположливите финансиски услуги, но во исто време и не располагаат со информации за можнсотите што им се нудат.

-Тоа е евидентно во резултатите дека само шест отсто земале кредит од небанкарско финансиско друштво во изминатите 12 месеци и високи 52 отсто не користеле ниту една финансиска услуга од понудените во изминатите три години.

Димитровски посочи на растот на финансиските друштва, кои пак учествуваат само со 0,44 отсто од финансискиот сектор. Го наведе податокот од истражувањето дека две третини од оние кои зеле кредит од финансиско друшто се изјасниле дека доколку тоа не постоеле ќе позајмеле од роднини или пријатели.

Корисници на услугите од финансиските друштва се шест проценти од кредитоспособното население. Најчесто, како што рече Димитровски, ги одбираат услугите на финансиските друштва заради брзината на работењето, полесни поразбирливи услуги, подобра вредност за парите и желбата да пробуваат нови иновативни финансиски услуги. Најчеста причина заради која ги земаат средствата се поправки во домот, итни поправки и слично, различни поважни набавки како мобилен, апарата за домаќиснтва, домаќинство, мебел. итн и сервисирање на други обврски./МИА

„Катимерини": Ќе се формира меѓународна комисија на експерти за трговските ознаки

Формирање меѓународна комисија на експерти е предвидено со Договорот од Преспа и како таква ќе се промовира, пишува денешното издание на грчкиот весник „Катимерини".

Весникот се повикува на надлежни извори, во однос на отворената дискусија откако Грција го промовираше слоганот и логото за производите од северниот дел на земјата под етикетата „Macedonia the Great", јави дописничката на МИА од Атина.

Истите извори посочија дека премиерот Киријакос Мицотакис јавно најави формирање на  меѓународна комисија за оваа цел. Во секој случај, прашањето за трговските имиња е особено сложени прашање и ќе биде потребно време, но и активно вклучување компаниите, пишува „Катимерини".

Весникот објаснува дека дискусијата почнала во неделата кога, „Министерството за надворешни работи на Македонија издаде соопштение во кое ја обвини грчката влада за еднострани активности" за кампањата „Macedonia the Great".

Паралелно, „Катимерини" пренесува и дел од ставот на нашето МНР за Радио Слободна Европа, но и дел од вчерашната изјава на премиерот Зоран Заев./МИА

Зголемување на капацитетот на Охридскиот аеродром и Стратегијата за транспарентност на владина седница

Владата на Република Македонија денеска ќе ја одржи редовната 166-та седница со повеќе точки на дневен ред од својата програма за работа и од интерес за граѓаните.

На оваа седница Владата ќе ја разгледа информацијата во врска со барањето за согласност на ТАВ Македонија за зголемување на капацитетот на аеродромот „Св. Апостол Павле" Охрид.

Владата на Македонија за оваа седница на дневен ред ја има точката Информација со текст на Предлог-закон за стратешки инвестиции во Република Македонија, како и Предлог-стратегијата за транспарентност на Владата на Република Македонија за што Владата треба да донесе мислење.

На предлог на Министерство за труд и социјална политика на оваа седница ќе биде разгледана Предлог-уредбата за методологијата за утврдување на критериумите за распределба на блок дотации за јавните установи за деца-детски градинки и центри за ран детски развој во состав на јавни детски градинки по општини за 2020 година, а Министерството за здравство ќе ја презентира информацијата со барање за отпочнување постапка за доделување на повеќегодишен договор за јавна набавка и акционен план за Реализација на проект за изградба на два нови болнички објекта за потребите на ЈЗУ Психијатриска болница во Демир Хисар.

На агендата за оваа 166-та седница е и информацијата за добивање на одобрение за отпочнување на постапка за јавна набавка за склучување на повеќегодишен договор за продолжување со изградба на ООУ „Димитар Македонски", Општина Аеродром, Скопје, на Министерството за образование и наука.

Министерството за надворешни работи за оваа седница ги става точките Предлог-одлука за давање согласност за отворање Генерален конзулат на Република Албанија во Република Македонија, со седиште во Струга, и Предлог-одлука за отворање Генерален конзулат на Република Косово во Република Македонија, исто така во Струга./МИА

притисни ентер