Грчкиот национализам и неонацизам опасен за глобалната демократија

Не нарекуваа циганоскопјани, уринираат пред телевизии, палат знамиња, од имигрантите ќе прават сапуни, тепаат пратенички во емисии - не не станува збор за непознати хулигани туку за пратеници од третата политичка сила во Грција. Канал 5 на тема неонацистите и национализмот кој го шират разговараше со пратеничката од Демократската левица и со новинарот од весникот Вима.


 И Јанакаки и Атанасопулос, согласни дека овој феномен е опасен не само за Грција туку и за целиот регион.

Не е феномен опасен за Грција,за општеството,за соседите, за сите, за цела Европа, туку е опасен феномен за самата суштина на демократијата и на парламентаризмот. Сметам дека Златна зора не е политичка партија, морам тоа да го кажам, тоа е криминална организација, гледаме на колку пратеници им е одземен пратеничкиот имунитет за да можат да излезат пред лицето на правдата и да одговараат за прекршоци., изјави Мариа Јанакаки – пратеник во Демократска левица


Постојат конкретни области од кои се засилува златна зора, едната е разочарување, другата е ксенофобија, една друга е неможноста на традиционалните партии да одговорат на многу од прашањата.
Да не заборавиме дека Златна зора сега за сега нема предложено нешто и не изгледа дека ќе го стори тоа, и во главно обвинува. Обвинува за она што не им се допаѓа на граѓаните, порача Ангелос Атанасоупулос – новинар во Вима .


Но, како неонацистите би реагирале на договор меѓу Македонија и Грција? За нив Македонија е една и исклучиво грчка.

Ова навистина е нешто што ме загрижува, бидејќи во случај да стигнеме до еден договор, навистина во рамките на еден јалов национализам ќе се обидат да го искористат и да го злоупотребат, изјави Мариа Јанакаки – пратеник во Демократска левица

Очигледно златна зора нема да поддржи решение кое ќе го вклучува и терминот Македонија во врска со Скопје. Но ова не кажува ништо,бидејќи во сите останати силе на политичката сцена ова веќе е прифатено од 2007. Што значи дека јас лично сметам дека не постои причина зошто треба да се занимаваме со тоа што вели Златна зора особено во однос на прашањето за името на Скопје, рече Ангелос Атанасоупулос – новинар во Вима



Веќе повеќе од 6 месеци, на сите истражувања на јавното мислење, Златна зора е стабилна на третата позиција, со поддршка од околу 10%. Многумина сметаат дека незадоволните поддржувачи на централно десничарската Неа Димократија сега се насочуваат кон неонацистичката партија.
притисни ентер