Петар Горко актер на годината!

Редакцијата на весникот „Дневник“ го избра Петар Горко за Актер на годината во 2012-та, за улогата на Хенри Шести во истоимената претстава на Народниот театар-Битола.

 Наградата (статуетка и вредносен чек од 60.000 денари) на Горко свечено ќе му биде врачена задутре во  20 часот во Македонскиот народен театар, а во негова чест ќе биде изведена претставата „Декамерон“ во режија на Боњо Лунгов.

Петар Горко играше во третиот дел од трилогијата на Шекспир „Хенри Шести“ со која неговиот матичен, Битолски  театар, во мај 2012 настапи на фестивалот „Светот за Глоуб“ на кој,  во рамки на Културната олимпијада во Лондон, беа изведени сите 37 драми на Шекспир на исто толку различни јазици.

Горко ја оживеа насловната улога на добриот и нерешителен крал-верник, кому му пресудува подмолниот мечтател за круната Ричард. Во обновениот Шекспиров театар Глоуб, но со автентичен лик и конструкција како  оригиналниот од 16/17 век, битолските актери го раскажаа на македонски јазик третиот дел од историската драма за граѓанската или Војна на розите (црвените и белите) во средновековна Англија и за борбите за превласт меѓу династиите Ланкастар и Јорк.

Првите два дела од трилогијата, режирана од Американецот Џон Блондел, ги одиграа театрите од Белград и Тирана. Македонскиот дел беше највисоко оценет од рецензијата на британски „Гардијан“.

- Претставата ги освои срцата и на критиката. Беше именувана како „инспиративна“, „бистра“, „стилска“ и „жизнерадосно инвентивна“. Нашиот Горко предизвика универзално одушевување и одобрување. Сцените на Хенри кон крајот на првиот чин беа изведени мудро и елоквентно донесени. Со тоа се согласи и престижниот „Гардијан“. Во својата анализа на настапот на битолчани, рецензентот вели тоа е „храбра продукција, со убави режисерски решенија и со добра глума на сите актери, каде што со стихот се владее суверено и  прецизно, со до милилитар пресметана доза на хумор и иронија во мрачниот текст“, наведува „Дневник“ во образложението за наградата „Актер на годината“.

До настапот на Битолски, драмата „Хенри Шести“, која е од раното творештво на Шекспир,  не била изведена во Лондон дури ни на англиски јазик. По повод гостувањето, ова дело на Шекспир првпат беше преведено на македонски јазик од проф. Драги Михајловски.

„Дневник“ ја востанови наградата „Актер на годината“ пред две години и ја доделува за најдобро актерско остварување. Прв лауреат, за 2010-та, беше актерот Дејан Лилиќ за улогата на „Хамлет“ во истоимената претстава на Драмски театар-Скопје. Награден за „Актер на годината“ во 2011-та беше Рубенс Муратовски за улогата на кралот Агамемнон во претставата „Геноцид 21“.

Во Абиџан запленети 200 тони фалсификувани лекови

Властите на Брегот на Слоновата коска соопштиле дека во текот на неделата заплениле рекордни 200 тони фалсификувани лекови и привеле четири лица.

Лековите, фалсификувани и со погрешно наведени дози се наоѓале во една двокатна куќа.

„Имаше 200 тони. Четири лица се приведени, од кои еден е кинески државјанин“, велат од полицијата.

„Во сите простории на куќата имаше лекови“, додаваат тие наведувајќи дека некои од кутиите биле и со кинески натписи.

Светската здравствена организација наведува дека во Африка годишно умираат околу 100.000 луѓе заради употреба на фалсификувани лекови.

СРАМНО: Екс новинарот „блуе“ говор на омраза и закани, и никој во Македонија не се потресува!

Екс новинарот кој веќе подолг период користи тешки форми на говор на и од омраза, се надмина себе си во еден во своите последни FB коментари !

Бранко Тричковски врши сериозна алузија на убиство, при што сечењето на цреша во дворот на актерката Моника Белучи ( дрво кое може да е биде фиктивно ) го споредува со сечење на главата на прославениот македонски режисер Владе Милчин.

Страшно и загрижувачки е што Јавното Обвинителство изгледа не ни помислува да реагира на вакви бестијални изрази на говор на омраза, каков што е и примерот на кривичната пријава токму за серијал на говор на и од омраза на едно лице познато како Саше Ивановски а поднесена од Канал 5 ТВ!

Треба ли да бидеме сведоци на „реализација“ на тие сериозни облици на говор на и од омраза на разни Бранковци и Сашевци, па дури тогаш тимот на Јовески да го придвижи својот обвинителски „мастодонт“?

Како е можно тимот на тој истиот Јовески да биде брз и ефикасен кога стануваше збор за исто така оправдани тужби за говор на омраза за актерот Тони Михајловски од ВМРО-ДПМНЕ или пак екс спортскиот водител, Миленко Неделковски?

Дали ОЈО повторно ќе ги отфрли пријавите и т.н. допрен глас, на многу наши сограѓани против овој лик Бранко Тричковски,како што направија лани во Декември, или пак ОЈО реагира само на видео материјали објавени во странски медиуми?

Вучиќ на Твитер: Благодарност до лекарите, од понеделник ќе бидам во полн работен погон

Здравстената состојба на српскиот претседател Александар Вучиќ е стабилна, и тој како што порача на Твитер од понеделник  веќе ќе биде во полн работен погон. 

Вучиќ им се заблагодари и на вработените на Воено медицинската академија во Белград каде вчера беше хоститализиран поради кардиоваскуларни проблеми.

притисни ентер