Култура

Сенатот и Инспекторатот во клинч околу функцијата на ректорот Марина

Ректорот ан Универзитетот за информатички технолигии ја нарече одлуката на Сенатот за негово разрешување „неовластен упад“.


Членовите на Сенатот на Универзитетот за информатички технологии „Св. Апостол Павле“ од Охрид кои ја донесоа одлуката за разрешување на Нинослав Марина од функцијата ректор, денеска соопштија дека неофицијално се информирани за одлуката на Државниот просветен инспекторат за поништување на седницата на Сенатот на одржана пред две дена, како и донесените одлуки на таа седница.

- Како академски граѓани ќе ги почитуваме сите одлуки на овластените државни органи, но и ќе ги користиме сите законски средства за да победи правдата, загарантираната академска слобода и автономијата на универзитетот, стои во соопштението од Сенатот на УИТ, од каде истовремено се најавува дека таквото решение ќе биде обжалено.

Најверојатно членовите на Сенатот ќе побараат од соодветните органи на државата да се спроведе и истрага кон инспекторите што го потпишале решението и записникот, поради несоодветна констатирана состојба и неточни наводи констатирани во записникот, за кој членовите на Сенатот тврдат дека го добиле од други извори.

- Исто така ги повикуваме инспекторите што поскоро донесат решение и во врска со претставките што се поднесени за укинување на одлуките за избор на Нинослав Марина во редовен професор и избор во ректор, се додава во соопштението од Сенатот на Универзитетот за информатички технологии „Св. Апостол Павле“.

Сенатот на Универзитетот за информатички технологии „Свети Апостол Павле“ од Охрид вчера свика прес-конференција на која беше соопштена нивната одлука донесена на вонредна седница за разрешување на Марина од функцијата ректор.

На информациите реагираше ректорот на Универзитетот за информатички технологии „Свети Апостол Павле“ Нинослав Марина со соопштение дека состојбата во образовната институција е редовна, а за одлуката на Сенатот дека се работи за неовластен упад во работењето на Универзитетот, за што бил информиран Државниот просветен инспекторат, кој по извршениот вонреден надзор со одлука ги поништил таквите како што беше наведено „незаконски дејства“.

Регион

Маж од Подгорица исфрлил гола проститутка на улица, полицајците шокирани од полот (ФОТО)

Случајни минувачи кои пред неколку ноќи се нашле во елитната населба Мастер кварт во Подгорица биле сведоци на крајно бизарна сцена - на улица имало сосема гола проститутка.

Како што дознава Телеграф.рс., неименуван маж исфрлил целосно гола проститутка од станот на улица.

Околу 3 часот и 25 минути, случајни минувачи пријавиле во полиција дека преку Блажов мост кон Собранието на Црна Гора се движела сосема гола жена.

Се покажало дека е транс девојка.

Како што дознава Телеграф.рс, претходно дошло до расправија.

Предметната девојка била од Шпанија и работела како деловна придружба.

Била со партнерот и не сакала да соработува со полицијата. Таа била пренесена во Ургентниот центар за да се провери дали е повредена, но таа одбила помош.

Инаку, дотичната има профили на сајтови за придружба, на кои јасно се посочува дека е транс и дека сè уште не направила операција за промена на полот, објави Телеграф заедно со ВИДЕО.

Живот

Старателка призна дека убила дете и го фрлила во шахта: Имав син, му го одзедов животот (ВИДЕО)

Старателката Пами Меј (48) од Колумбус, Охајо, признала дека го убила момчето Дарнел Тејлор (5), а потоа го фрлила неговото тело во шахта.

Таа на 13 февруари годинава збеснала кога го видела како јаде грицки во креветот, а потоа решила да го казни, објави Ен-Би-Си.

Почнала да го дави со рацете, а кога сфатила дека момчето не е живо, телото го фрлила во шахта во близина на куќата во која живееле.

Телото на момчето било пронајдено неколку дена подоцна.

Пеми веднаш била уапсена и во полиција го признала убиството, а нејзиното признание е снимено на камера.

„Барем имаш деца. Имав син, но му го одзедов животот“, се слуша како Пем му кажува на еден од полицајците.

Во видеото таа открила дека решила да го убие Дарнел откако претходно во текот на денот го видела како се прикрадува со грицки во креветот.

Тоа толку ја налутило што точно планирала како да го убие момчето.

Во еден момент влегла во собата и почнала да го гуши. Таа рече дека момчето се обидело да се одбрани, но во еден момент престанало да се движи.

„Тогаш сфатив дека повеќе не е жив“, рече таа.

За време на полицискиот разговор, Пеми не покажала никакви емоции или знаци на каење.

Судењето на Пеми се очекува да започне на 25 април.

Свет

Аргентина бара партнерски статус во НАТО

Аргентина побара од НАТО да стане еден од глобалните партнери на тој безбедносен сојуз, изјави денеска министерот за одбрана Луис Петри во време кога неговата земја бара начин да ги зајакне врските со САД и Европската унија.

Аргентина во вторникот објави дека купува 24 американски борбени авиони Ф-16 од Данска, договор поддржан од Вашингтон.

Министерот Петри се сретна со заменик генералниот секретар на НАТО, Мирчеа Џоана и му врачи писмо во кое се изразува интересот на Аргентина да стане партнер на западната воена алијанса, објави министерот на X.

Според НАТО, глобалните партнери работат со членките на алијансата за споделување разузнавачки информации и учество во воени вежби.

Глобалните партнери на НАТО ги вклучуваат, меѓу другите, Австралија, Колумбија, Ирак, Јапонија, Јужна Кореја, Монголија, Нов Зеланд и Пакистан.

притисни ентер