Македонија и БиХ потпишаа три договори од правосудната област

Министрите за правда на Република Македонија и на Босна и Херцеговина, Блерим Беџери и Бериша Чолак, денеска во Скопје потпишаа договори за изменување и дополнување на три договори од правосудната област.

Министрите за правда на Република Македонија и на Босна и Херцеговина, Блерим Беџети и Бериша Чолак, денеска во Скопје потпишаа договори за изменување и дополнување на три договори од правосудната област.

Станува збор за договорите за изменување и дополнување на Договорот за правна помош во граѓанските и кривичните предмети, на Договорот за меѓусебно извршување судски одлуки во кривичните дела и на Договорот за екстрадиција.

Потребата од измените и дополнувањата на овие три договори, како што рече министерот Беџети, се укажа поради новите видови правна помош од областа на кривичното и граѓанското право.

Тој посочи дека во досегашната пракса од примената на Договорот за правна помош во граѓанските и кривичните предмети немало проблеми меѓу двете држави кои се обврзаа за пружање правна помош во овие предмети, гарантирајќи еднакви права и слободен пристап на граѓаните пред судовите.

- Но, со текот на времето се воочи потребата за унапредување на соработката во поглед на директна комуникација на надлежните органи на двете држави кои се поврзани со давање на податоци од кривичната евиденција, како и можност за упис на основните лични податоци за државјаните во соодветните матични книги и формирање заеднички истражни тимови заради преземање истражни дејствија, особено за потешки облици криминал, истакна Беџети.

Во практичната примена Договорот за меѓусебно извршување судски одлуки во кривичните дела, како што рече министерот Беџети, покажа одредени недостатоци во ситуација кога осуденото лице ќе ја напушти државата која му ја изрекла кривичната санкција и ќе замине во државата чиј е државјанин или каде има постојано живеалиште, при што ќе го избегне давањето согласност за извршување на изречената кривична санкција. - Со измените се предвидува дадената согласност на осуденото лице да е неотповиклива, појасни тој.

Македонија во постапките по предметите за екстрадиција покрај билатералниот договор со БиХ постапува согласно одредбите од Европската конвенција за екстрадиција со два дополнителни протоколи.

Договорот за изменување и дополнување на Договорот за екстрадиција меѓу Македонија и БиХ, како што појасни Беџети, е значаен не само за двете држави и граѓаните, туку и за регионот бидејќи со него ќе се овозможи поефикасна борба против криминалот.

- Договорот го стеснува просторот за криминалците кои со нивните криминални активности повеќе нема да можат да се штитат со државјанството, ниту пак ќе бидат заштитени од своите национални законодавства, додаде министерот Беџети.

Босанскиот министер за правда посочи дека потпишувањето на договорите за изменување и дополнување на трите договори ќе придонесе за уште подобра соработка меѓу правосудните органи на двете земји во корист на граѓаните.

- На овој начин покажуваме дека сакаме да ги следиме европските стандарди не само поради нив, туку пред се за доброто на нашите граѓани, рече министерот Чолак.

Тој изрази уверување дека потпишувањето на овие договори ќе придонесе кон намалување на организираниот криминал што е заедничка цел на двете држави.

Џакарта повеќе нема да биде главен град на Индонезија

Парламентот на Индонезија денеска одлучи дека поранешната метропола Џакарта ќе остане економски центар на земјата, како дел од планот за преместување на главниот град на островот Борнео.

Индонезија планира да го пресели својот главен град од преполната, Џакарта чија надморска височина е се попониска, во Нусантара, град вреден 32 милијарди долари кој се гради во џунглите на Источен Калимантан на Борнео.

Градот е водечки проект на претседателот во заминување Јоко Видодо, кој вети подобра дистрибуција на богатството и развој низ архипелагот, не само на островот Јава.

Според новиот закон од 18 март, ќе се формира совет за „агломерација“ за да ги координира развојните планови меѓу Џакарта и нејзините сателитски градови.

Министерот за внатрешни работи Тито Карнавијан по дебатата во парламентот рече дека Џакарта сè уште ќе треба да се развива понатаму за да се натпреварува со другите „градови од светска класа“ откако седиштето на владата ќе се пресели во Нусантара.

- Откако ќе престане да биде главен град, Џакарта сепак мора да има печат на посебен град за да може да го забрза економскиот раст и да го зголеми својот придонес во БДП на земјата, рече тој.

Според сегашните правила, Џакарта ќе остане главен град на Индонезија додека претседателот не издаде декрет за официјално именување на Нусантара за нов главен град, кој е планиран за оваа година.

Се очекува владата годинава да одржи церемонија на Денот на независноста на 17 август во Нусантара, а до крајот на оваа година е планирано преместување на илјадници државни службеници.

Светски берзи: Скок на цената на нафтата, пад на цената на златото и пченицата

 Европските и американските берзански индекси денеска се во пораст, како и цените на нафтата, додека цените на златото и пченицата паѓаат.

Индексот DAX на Франкфуртската берза денеска во 9:10 часот порасна на 18.492,46 поени, лондонски FTSE 100 на 7.957,12 поени, францускиот CAC 40 на 8.225,07 поени, а московскиот MOEX на 3.308,14 поени.

Вредноста на американскиот берзански индекс се искачи на 39.760,08 поени, индексот S&P 500 на 5.248,49 поени, а вредноста на индексот Nasdaq на 16.399,52 поени.

Според податоците од берзите, цената на суровата нафта се искачи на 81.768 долари, а на нафтата од типот „брент“ на 85.756 долари.

Европските фјучерси на гас на отворањето на берзата ТТФ се продаваа по цена од 27.435 евра за мегават-час.

Цената на златото падна на 2.192,16 долари за унца (една унца е 28,35 грама), а цената на пченицата падна на 5,4668 долари за бушел (еден бушел е 27,216 килограми).

Вредноста на еврото во однос на доларот изнесуваше 1,07974, што е за 0,26 отсто помалку од вчера.

Герасимовски: Не е целта да се конфискуваат тераси, или доградби за социјално загрозени лица

Не е целта да се конфискуваат тераси, или доградби за социјално загрозени лица, туку оние кои оставруваат профит.

Со законско решение за конфискација на дивоградбите, ќе се одземат нелегалните објекти кои оставруваат профит и ке се пренаменат во непророфитни објекти или во места каде ќе се одржуваат културни манифестации, ова утринава го соопшти градоначалникот на Општина Центар, Горан Герасимовски, по повод новото законско решение за регулирање, конфискација и ре-употреба на бесправно изградени објекти.

Според градоначалникот со законот ќе се реши урбанистичкиот хаос

притисни ентер