Арсовски: Светот се движи кон десни идеологии

"Политичката левица и на Балканот и во светот е во егзистенцијална криза"

Не мислам дека затоа што СДСМ загубиле многу пратеници, тоа значи нивна пропаст, се губи идеолошката разлика меѓу левицата и десницата. Се губи енергијата во левиот политички спектар, тоа е една од најглавните причини. Ние зборуваме дека Африм Гаши и покрај тоа што ја дал заклетвата на Македонски јазик, нам ни пречи што претходно ја дал на Албански јазик. Ние стануваме општество на десни конзервативни идеологии. Наместо да се бориме утре во Грција некој Македонски пратеник да биде избран во Собрание и да може изјавата прво да ја даде на Македонски потоа и на Грчки, нам ни пречи што овде дома прво е дадена на Албански, потоа на Македонски, рече Петар Арсовски во Само Вистина.

Почина француската глумица Анук Еме

На 93-годишна возраст, денеска во Париз, почина француската глумица Анук Еме. Веста за смртта ја соопшти претставник на агенцијата „Тајмарт“ (TimeArt), а ја потврди нејзината ќерка Мануела Папатакис на Инстаграм.

Анук Еме е позната по улогите во филмот на Клод Лелуш - „Еден маж и една жена“ (1967) и „Долче вита“ (1960) на Федерико Фелини.

Зад себе има 92 филмски и ТВ-проекти, номинација за „Оскар“ за главна женска улога во „Еден маж и една жена“, како и 20-на други одличја и номинации. Последен филм каде што таа глуми е „Најдобрите години од еден живот“ од 2019 година. /МИА

За време на четиридневниот топлотен бран во Грција избувнале околу 200 пожари

Кикиљас посочи дека од денеска и за време на викендот, постои зголемена опасност од пожари во земјата.

Минатата седмица за време на четиридневниот топлотен бран избувнаа околу 200 пожари со кои навремено се справивме пред да се прошират, благодарение на огромните напори на пожарникарите и сите сили на цивилната заштита, истакна министерот за климатски кризи и цивилна заштита на Грција Василис Кикиљас, јави дописничката на МИА од Атина.

Кикиљас посочи дека од денеска и за време на викендот, постои зголемена опасност од пожари во земјата, односно како што рече „картата на опасност ќе биде чекор пред црвеното ниво на тревога“, поради сувата вегетација од високите температури во изминатиот период, во комбинација со новото зголемување на температурата и силниот ветер.

-Станува збор за најопасниот коктел за појава на пожари кој за неколку минути може да достигне неконтролирани размери, истакна Кикиљас.

Порача дека сè што во овој период може да предизвика дури и најмала искра, како што е горењето или скарата е забрането со закон за време на сезоната на пожари и истакна дека целиот државен механизам ќе биде во состојба на готовност со зголемени патроли на копно и со помош на дронови од воздух./МИА

Министер за полиција на Косово: Владата на Србија го финансира тероризмот

Министерот за внатрешни работи на Косово, Џелал Свечља денеска изјави дека во време кога српската влада го финансира тероризмот, неопходно е да се инвестира во безбедна иднина на Косово, пренесе Бета.

Свечља на Фејсбук објави дека заедно со високи претставници на Министерството за одбрана на Косово и на косовската полиција го посетил најголемиот саем на безбедносната индустрија „Евросатор“ во Париз.

„Ќе го посетиме саемот со цел да ја подобриме нашата армија и полиција. Во овие тешки времиња со многу предизвици за демократијата и безбедноста ширум светот и со влада како што е српската, која го поддржува и финансира тероризмот, потребно е инвестирање во сигурна иднина“, напиша тој. /МИА

притисни ентер