Арсовски: Кога ЈО ќе отвори случај за сведоштвото на благајничката од Националната агенција?

Како што можете да забележите огромна е ароганцијата и дрскоста кај функционерите на СДСМ.

Покрај ароганцијата и дрскоста, Лидија Димова и Љупчо Николовски прават театар пред граѓаните, преку медиумите со кој ги замајуваат граѓаните неколку денови, дали треба да си даде оставка Лидија Димова од директор на агенцијата или не треба да си даде.

Сето ова се прави медиумски за да се дефокусира јавноста од криминалот кој што се случувал во агенцијата.

Имаме јавно сведоштво од благајник кој работел во Националната агенција дека фалат 20.000 евра, односно нема покритие за таа сума на пари, кои се подигнати од благајната на Националната агенција со факсимил на Лидија Димова.

За ова сеуште нема отворено никој случај, се уште не е влезено Јавното обвинителство, се уште државниот завод за ревизија нема влезено да направи ревизија на работењето и најважното, се уште Лидија Димова е на функцијата директор на Националната агенција.

Почитувани,

Уште колку пари треба да фалат во благајната за да си даде оставка Лидија Димова?

Се уште Лидија Димова не го објавува рангирањето на проектите, односно бодувањето на проектите, кој проект колку бодови имал на рангирањето во Агенцијата. Тука вклучително говориме за оние проекти на фризерницата која што доби над 270.000 евра.

Се уште братот на пратеникот од СДСМ, Диме Велковски не го објавува јавно финалниот извештај кој што го побаравме и ние и граѓаните, да го објави од проектите за магариња и сирење, на кој начин и каде завршиле над 200.000 евра.

Лидија Димова е влезена во скандали за кои што слушаме само последнава недела, во висина од над 600.000 евра, а Заев се уште плаши да ја смени.

Зошто се плаши Зоран Заев да ја смени Лидија Димова од позицијата директор на Националната агенција?

Дали парите од дел од проектите завршувале кај блиски луѓе од СДСМ наменети за предизборната кампања на СДСМ?

Ова се прашањата на кои треба да одговорат од Владата, СДСМ, но и од Јавното обвинителство доколку се разбуди од зимскиот сон.

До тогаш, Лидија Димова воопшто да не чека, да не прави театар низ медиумите со Љупчо Николовски, туку веднаш да си даде оставка од позицијата директор на Националната агенција.

Прашање: Гледаме огромни бројки во однос на КОВИД заразата, кој е вашиот став и коментари во однос на овие бројки?

Одговор: Како што неколку пати имаме напоменато и заклучено на оваа тема, оваа влада на СДСМ, Зоран Заев и Венко Филипче буквално ништо не прават во врска со справувањето со КОВИД пандемијата. Зошто го велиме ова, најпрво гледаме дека бројките растат пребрзо, веќе имаме над 600тини заразени секој ден, по десетина починати и тоа е навистина жално. Од друга страна имаме македонски Вухан, тоа е градот Струмица, од каде што доаѓа премиерот, на кој воопшто не му е гајле за целата ситуација која што се случува таму. Да сумирам во однос на сите мерки кои што се предлагаат во моментот за цело она парадирање на Венко Филипче и сите останати околу КОВИД пандемијата на медиумите мораме да заклучиме дека оваа Комисија за заразни болести во моментов треба да биде променета. Зошто го велиме ова? Треба непартиска Комисија составена од професионалци, која што нема да работи согласно барањата на Зоран Заев и Венко Филипче. Треба Комисија која што навистина ќе донесе мерки, ќе побара мерки кои што ќе влијаат на намалување на бројката на новозаразени. Дополнително истата Комисија доколку не биде променета ќе треба да понесе одговорност за целава оваа ситуација. Бидејќи како што можеме да видиме деновиве, а и претходно откако се зголемија значително бројките Венко Филипче, Зоран Заев, Комисијава си прават пинг – понг со целата ситуација. Венко вели Комисијата така рече, Зоран Заев вели министерот Венко и Комисијата така, Комисијава вели ние препорачавме на Владата и таа е договорна што ќе направи. Така, да со тој пинг – понг додека се случува низ медиумите помеѓу овие три институции во државата, умираат луѓе од корона заразата. Секој ден десетина починати, и над 600 заразени. Ова е навистина алармантно и во најбрз можен рок треба да биде променета најпрвин Комисијата за заразни болести, да се состави Комисија од професионалци, а веднаш потоа да почне да функционира и да се работи на справување со кризата, бидејќи во моментот не се прави ништо.

Прашање: Претседателот на ВМРО-ДПМНЕ, Христијан Мицкоски побара лидерска на која ќе се зборува за односите со Бугарија, економијата во Македонија, пописот и други теми, дали има некаква најава власта да прифати ваква средба? Дополнително според изјавите на власта и луѓето кој што ја работат проблематиката со надворешна политика, кои се или кој треба да бидат црвените линии во Договорот со Бугарија?

Одговор: Најпрвин, до моментот кога се одржува оваа прес конференција нема никаква, ама буквално никаква комуникација да прифати власта лидерска средба, како што спомена и вчера Претседателот е неопходна за се ова што се случува во државата. Бидејќи целата ситуација, економска, политичка, здравствена, на надворешен план е се премногу важно, а како што гледаме се оди во надолна линија. Затоа ги охрабруваме уште еднаш, иако јавно покажуваат дека се арогантни, сметаме дека треба да се охрабрат и да прифатат една лидерска средба каде што ќе се говори отворено на сите прашања, вклучително и запознавање на јавноста со сите прашања.

Во однос на изјавите од страна на функционерите на власта кои што преговараат со нашиот источен сосед во однос на надворешните прашања, мораме да потенцираме дека ако ги погледнеме изјавите, конкретно на Никола Димитров кој што претходно беше министер за надворешни, но и на сегашниот министер за надворешни работи се фокусираат на македонскиот јазик. Каде е тука историјата и идентитетот, никаде не ги споменуваат, со тоа што сериозно треба да излезат и на јавноста да и одговорат за сите овие прашања. За сите оние прашања кои се поставени како ултиматум од владата во Бугарија, но и кои се нивните црвени линии. За ВМРО-ДПМНЕ во однос на црвените линии, бидејќи се фокусираат на една точка и никаде не ги споменуваат идентитетот и историјата, односно не гарантираат дека со овој Договор ќе бидат заштитени, еве би го прашал конкретно господинот Димитров, бидејќи неговиот татко е роден пред 1945-та година, дали тој ќе прифати неговиот татко да не биде Македонец, бидејќи сега живее во Македонија се декларира како Македонец, но со Договорот, како што можеме да видеме дека се фокусираат само на јазикот, дали господинот Димитров може да прифати дека неговиот татко може да биде нешто друго, освен Македонец. Дополнително нашиот идентитет се темели на настаните пред 1945 година, кога македонскиот народ се борел за независна држава. За овие прашања треба да говори и Владата на Република Македонија каде што ќе и ги каже јавно на граѓаните сите позиции и се она за што се преговара и што се договора за Договорот кој што треба да биде потпишан помеѓу двете држави.

Димче Арсовски, портпарол на ВМРО-ДПМНЕ

Макрон на погребот на обезглавениот професор :Убиен е зашто ја претставуваше Рапубликата(ВИДЕО)

Францускиот претседател Емануел Макрон денеска му оддаде почит на наставникот по историја обезглавен од исламист, нарекувајќи го „тивок херој“ посветен на вметнување на вредностите на Републиката кај неговите ученици.

Напаѓачот на Самуел Пети е тинејџер со чеченско потекло кој сакал да се одмазди затоа што професор на час по слободен говор покажал карикатури на пророкот Мухамед на 13-годишни деца.

Комеморацијата на Пети беше телевизиски емитувана , а церемонијата ја водеше Макрон. Ковчегот на наставникот беше донесен во дворот на универзитетот Сорбона во Париз во придружба на песната One од U2.

На ковчегот беше поставен Орденот на легијата на честа, највисокото одликување во Франција, кој му беше постхумно доделен на Пети.

„Тој беше убиен токму затоа што ја претставуваше Република“, рече видно емоционално потресениот Макрон.

"Тој беше убиен затоа што исламистите ја сакаат нашата иднина. Тие знаат дека нема да ја добијат со тивките херои како него."

Абдулах Анзоров го обезглави Пети во петокот на улица во Париз среде бел ден, а полицијата потоа го уби 18-годишното момче. Официјалните лица убиството го нарекоа напад врз француските вредности.

Франција е шокирана од овој чин, кој ја потсети на исламистичкиот напад во 2015 година во канцелариите на сатиричното списание „Шарли Ебдо“, кое објави карикатура на Мухамед.

Во акт на солидарност, регионалните власти на Окситанија проектираа политички и верски карикатури од списанието врз јавните згради на Тулуз и Монпелје, вклучувајќи го и Мухамед.

Макрон рече дека Пети во петокот „стана заштитно лице на Републиката“ и сака Франција да биде „заедница на слободни граѓани во својата држава“.


Претставен е првиот електричен Хамер со над 1000 КС (ВИДЕО)

Малку заборавениот џип со воени корени се врати, но во сосема ново пакување.

Поминаа скоро десет години од прекинот на цивилното производство на Хамер и нешто помалку откако беше напуштен од новопросветлените екологисти, особено оние од Холивуд. Сега може да се врати на тоа затоа што е електричен и затоа е прифатлив за општеството.

Важно е дека иконата на американската моќ е повторно тука и дека е многу препознатлив. Сега е со забележливо помодерен изглед, со минимизирана предна решетка и LED светла. GMC одлучи да го понуди Хамерот во форма на камион, а естетски сè уште е најблизу до поранешниот модел H2. Важно е дека ќе го препознаете од поголема далечина.

Ветробранското стакло на Hummer е фиксирано, но може да се отстранат панелите на покривот и да се чуваат во предниот багажникот.

35-инчните теренски гуми Goodyear Wrangler All Territory MT јасно кажува дека ова возило не е само шминка, туку и прилагоден на секаков терен. Преминува вертикални пречки високи до 457 мм, а не се плаши ниту од вода - преминува пречки длабоки до 610 мм. И се нудат уште поголеми гуми од 37 инчи.

Во кабината целосно изненадување во форма на дигитален кокпит. Пред возачот е стандарден 12,3-инчен екран, а во средината е инфо-забава со лебдечки екран од дури 13,4 инчи. А во него е и системот за надгледување на животната средина преку камери, од 18 различни погледи. Тие гледаат сè, дури и она што го чека подот на возилото. На поле, специјална апликација ќе го следи аголот на возилото, не само искачувањето, туку и ги следи сите ротациони движења во просторот. Приказната за логистиката е заокружена со автономен систем за управување што овозможува возење без раце на над 321.000 км патишта во Северна Америка.

Конечно што е со погонот. Има три електромотори и нивниот синергетски ефект е навистина над илјада коњи, или 1014 КС, но и неверојатни 15.592 Nm. Во превод, ова значи дека во патриотски режим, се катапултира до 96 км на час за помалку од три секунди. Режимот CrabWalk ја комплетира уникатноста на ова возило. Тогаш сите тркала се вртат во една насока и Хамерот вози скоро настрана. Одлично на земја, исто како и воздушната суспензија што го крева подот за 150 mm.

Добрата вест не застанува тука. Пакетот батерии обезбедува опсег од 563 км и може да се полни на полначи до 350 kW. Ова значи дека за 10 минути полнење се нуди опсег од околу 160 км.

И цената. Изданието 1 започнува на крајот на следната година во износ од 112.595 долари, но ова е скоро со врвна опрема. За 2022 година е најавена основна изведба од 99.995 долари, со помала моќност (811 КС и 12.880 Нм) и поскромен дострел (483 км).

И тоа не е крај, затоа што тогаш ќе има 2X верзија со послаб електромотор (634 КС, 10.033 Nm) и цена од 89.995 долари. И некаде во 2024 година, исто така ќе понудат 400 км перформанси со намален дострел по цена од 79.995 американски долари.

Списокот со резервации е отворен и се што е потребно е да се потврди интересот со лични податоци и плаќање од 100 долари.


PayPal воведува плаќање со криптовалута

Американската компанија за дигитално плаќање PayPal Holdings денеска објави дека на клиентите ќе им понуди услуга за купување, продавање и чување биткоин и други виртуелни пари што исто така ќе можат да ги користат за плаќање во продавниците.

Носителите на сметки во САД ќе можат да купуваат, продаваат и чуваат криптовалути во своите паричници во PayPal веќе во наредните недели, а во првата половина на следната година PayPal има намера да ги понуди овие услуги на платформата за плаќање на мобилни телефони Venmo и во некои други земји.

PayPal веќе доби почетна, условена лиценца од одделот за финансиски услуги на државата Њујорк и првично ќе дозволи само купување на биткоини, етереум, биткоин готовина и литекоин, се вели во соопштението. Услугата ќе се обезбеди во соработка со Paxos Trust.

Од почетокот на 2021 година, корисниците на PayPal исто така ќе можат да плаќаат со криптовалути на 26 милиони трговци во мрежата на PayPal, објави американската компанија.

Плаќањата во крипто-валути на Paypal ќе бидат порамнети во утврдени валути, како што се долари, што значи дека трговците нема да добиваат плаќања во виртуелни пари, нагласи компанијата.

Вредноста на криптовалутите силно осцилира, што ги прави привлечни за шпекулантите, но многу помалку за трговците и купувачите. Трансакциите во моментов се побавни и поскапи отколку во конвенционалните платни системи, забележува Ројтерс.

PayPal има 346 милиони активни сметки ширум светот и ги обработува плаќањата во вкупна вредност од 222 милијарди долари во вториот квартал од оваа година.

,,Се надеваме дека услугите ќе ја зголемат глобалната употреба на виртуелните пари и имаме намера да ја подготвиме нашата мрежа за нови дигитални валути што би можеле да ги развиваат централните банки и корпорации, изјави претседателот и извршен директор Ден Шулман.

„Ние работиме со централните банки и размислуваме за сите форми на дигитални валути и потенцијалната улога на PayPal“, рече Шулман.

Многу централни банки најавија развој на дигитални верзии на домашните валути во наредните години, а во 2019 година Фејсбук го започна проектот крипто-валута либре. PayPal беше еден од основачите, но се откажа по неколку месеци.

притисни ентер