Дали Љупчо Николовски, вицепремиер за борба против корупцијата е всушност најголем корупционер во власта ?! Додека инспекциите затвораат фирми на граѓани и за најмал пропуст, фирмата на братот на Љупчо Николовски наплаќа во кеш, без притоа да издава фискални сметки.

Братот на Николовски врши криминал и нелегално зема готовина.

Николовски наплаќаат кеш спротивно на Законот за регистрирање на готовински плаќања, наплаќа на одредени правни субјекти. Фамилијата Николовски го кршат законот и работат спротивно на прописите.

Имено според чл.12 од Законот за регистрирање на готовински плаќања се вели -„Не е дозволен промет на добра и услуги кои не се вршат преку монтиран и воведен во користење одобрен фискален систем на опрема освен во случаи кога е потребен ремонт или поправка на фискална апаратура односно надворешниот GPRS уред“.

Доколку било кој друг граѓанин беше на местото на братот на Љупчо Николовски, првин ќе добиеше глоба од 5000 евра, а потоа ќе имаше и постапки против него од страна на УЈП. И така човекот глава немаше да крене од инспекции и казни, но кога се работи за личните бизниси на врвот на СДСМ, вклучително тука за вториот човек во СДСМ и во власта, закон не важи, важно е само да се прават пари.

Ова се каса прими издадени од страна на фирмата на братот Николовски, Лариком Импекс, како доказ дека наплаќаат во кеш, без да издадат фискална сметка.

Ја повикуваме јавно Сања Лукаревска и УЈП веднаш да постапат согласно законот и да влезат во фирмите на семејството Николовски, но и да каже зошто до сега не постапиле согласно закон. Каде се пропустите, и дали Љупчо Николовски влијаел со својата функција за неговиот брат да може непречено да работи нелегално, спротивно на законот?

Ја повикуваме ДКСК веднаш да отвори случај против Љупчо Николовски и да ја испита неговата вмешаност влијание дали го има, како и дали била злоупотребена неговата функција и влијание во корист на фирмата на неговиот брат. Но и како додека 6200 фирми во Македонија пропаднаа заради корона кризата, фирмата на Николовски има раст на приходите од 2100%.

Го повикуваме уште еднаш, јавно да соопшти Љупчо Николовски дали и како се случило ова и веднаш да си даде оставка од позицијата вицепремиер за борба против корупцијата, како институциите непречено без страв од него и неговата позиција и влијание и моќта која му ја пружа позицијата ќе го истражат случајот. Дали семејството Николовски преку фирмата Лариком Импекс наплаќале во кеш, преку каса прими спротивно на законот. Одговорност мора да има и одговорност ќе има. Институциите да си ја завршат својата работа, ние ќе го следиме случајот.

Новинарско прашање: Ваш став околу случајот Монструм и протестите кои се случија?

Одговор: Околу случајот Монструм и протестите кои се случија, неколку пати јавно кажавме и ќе повторам уште еднаш дека премиерот од СДСМ, Зоран Заев си играше со чувствата на граѓаните, ги лажеше и Албанците, ги лажеше и Македонците, односно ги лажеше и семејствата на оние кои што трагично беа погубени на тој настан, а ги лажеше и граѓаните и семејствата на оние коишто беа обвинети и осудени. Практично тој подгреваше меѓуетничка тензија меѓу граѓаните. И за сето ова што се случува изминатиот период е виновен единствено Зоран Заев.

Факт е дека е ноторен лажго и во однос на било какви инциденти кои што се случуваат во Македонија, осудуваме секаков вид на насилство и инциденти.

Новинарско прашање: Коментар за нападот врз академик Илија Чашуле?

Одговор: од она кое што може да се види низ медиумите, вклучително и изминатиот период, еминентни лица од општеството се брутално тепани, малтретирани да не речам масакрирани физички низ улиците низ Скопје и останатите градови. И тоа наназад трае неколку години, а тоа е затоа што постои неказнивост од институциите вклучително Оливер Спасовски не си ја работи својата работа.

Од она коешто сакам да го потенцирам е дека неказнивоста којашто постои само повеќе ги стимулира луѓето да бидат вршат напади, а вакви еминентни личности да бидат предмет на напад.

Не сакам ни да помислам дека е вистина, но сите факти укажуваат на истото, а тоа е дека ова можеби е порака од власта до господинот Чашуле заради она дека МАНУ одби да ја внесе северна во својата институција.

Затоа сакам најостро да ги осудам нападите врз господинот Илија Чашуле, сторителите веднаш да бидат најдени. Бидејќи ако отсекаде се говори и се слуша дека оваа порака му е пратена од власта, многу лесно власта ќе може да ги најде сторителите и веднаш тие да се најдат зад решетки. Доволно е самоволие, доволно е сеење страв и доволно е тепање на луѓе низ улиците, особено на вакви еминентни лица од општеството и државата како господинот Илија Чашуле.

Затоа уште една го осудуваме насилството и повикуваме веднаш да бидат најдени сторителите, а вклучително како морален чин на одговорност и Оливер Спасовски и Зоран Заев да си поднесат оставки. Дали за овој случај, дали Заев за лежењето за случајот Монструм, морална одговорност е да си дадат оставки.

Новинарско прашање: Коментар за кинеските вакцини, министерот Филипче кажа дека ќе доцнат?

Одговор: ако се вратиме наназад периодот ќе видиме дека и Венко Филипче и владата на Зоран Заев постојано лажат за набавката на вакцини. Најпрвин велеа дека ќе стигнат стотина илјади, па 50 илјади, па 200 илјади, па биле нарачани. Даваат датуми како 15 февруари, доаѓа 1 март, се уште нема вакцини. Имам информација дека е вратен авансот кој владата го платила до кинеската фирма, па затоа прашуваме јавно дали е вистина дека е вратен авансот за кинеските вакцини и воедно кои се причините доколку е вистина дека е вратен, иако нашите информации говорат дека е вратен и не само што ќе доцнат туку ние нема да добиеме вакцини од кинеската фирма во идниот период

Димче Арсовски, портпарол на ВМРО-ДПМНЕ