Македонија

Арсовска: Ќе се врати сјајот на старата скопска чаршија

На денешната конференција за медиуми независната кандидатката за градоначалник на Град Скопје, Данела Арсовска најави проекти кои ќе ја заживеат културната сцена за Скопје да биде европски град.

„Скопје мора да ја заживее културната сцена, со поддршка за независните уметници и музичари и реновирање на инфраструктурата на објектите се основи за да го направиме Скопје центар на културата повторно. На Скопје му е потребна нова енергија, потребни му се културни случувања. Скопје ќе биде град на фестивалите. Планираме одржување на најмалку 12 фестивал, за секој месец во годината по еден фестивал. Златно славејче кое е симбол на Скопје и воедно е најстариот детски музички фестивал на Балканот, ќе се возобнови со силна поддршка на градот, за нашите деца и за идните генерации кои доаѓаат. Градот ќе ја зголеми и продолжи поддршката на Скопје Џез Фестивал, со што истиот ќе се афирмира и ќе се овозможи подем на овој фестивал кој го зазема своето место на листата на најквалитетни џез фестивали во овој дел од Европа“, – изјави Арсовска

Таа најави и дека заедно со младите од Скопје ќе го реализира проектот младите креираат во МКЦ со што ќе им се помогне на сите млади артисти со поддршка на нови и алтернативни настани со цел развој на домашната уметничка сцена. Арсовска најави и дека ќе го врати сјајот на Старата скопска чаршија која е симболот на соживотот во Скопје, преку реализација на проектот Ритамот на чаршијата и ќе посвети дополнителна грижа во рамки на своите надлежност за зачувување и популаризација на Куршумли Ан, Капан Ан, Сули Ан, Чифте Амам, Даут-пашин Амам и Безистенот.

Таа најави и уште еден проект, Меѓународно Биенале на Град Скопје кој ќе има за цел да се одржи во сеќавање како Скопје со солидарност се возобнови по земјотресот во 1963 година, преку организирање на ликовни колонии и изложби кои ќе дадат слика за развојот на Скопје преку уметничка призма.

„Приоритет на градската власт мора да биде враќање на сјајот на Универзалната сала и истата мора да профункционира во најкраток временски рок. Ветуваа реконструкција на Универзалната сала, па ветуваа нејзина дислокација, за сега повторно да ветуваат реконструкција. И само за потсетување, во ноември минатата година најавија дека почнува реконструкцијата, потоа во март оваа година повторно прес конференција и најава на оваа тема, и дури на 10 дена пред почеток на изборната кампања започна некаква реконструкција. За што се потрошија четири буџети, пари на скопјани ако четири години слушаме само најави на проекти без финална реализација? Проекти кои биле и останале само на хартија. Скопјани бараат брзи и сигурни решенија, а не 3Д анимации и сликички за решенија кои веќе еднаш беа ветени и сега се ветуваат повторно Веднаш треба да почнеме да ги менуваме работите. Скопје и скопјани немаат време за чекање“, – заклучи Арсовска.

Живот

Жена дошла во банка со мртов човек за да подигне кредит: Тој е молчелив (Вознемирувачко видео)

Неверојатна приказна доаѓа од Рио де Жанеиро, каде жена била уапсена откако наводно се обидела да добие кредит од банка, во друштво на мртов човек?!

Приказната за прв пат ја објави ТВ Глобо од Бразил, а видеото се појави на социјалните мрежи.

На видеото гледаме жена која стои покрај блед постар маж во инвалидска количка. Се гледа како го држи за врат и го нарекува „чичко“.

Таа наводно се претставила како внука на мажот и побарала кредит од 3.400 долари.

„Вујко, слушаш ли? Треба да го потпишете договорот за заем. Ако не потпишеш, нема шанси, бидејќи не можам да го сторам тоа за тебе“, вели таа.

Вработената во банката, која ја снимила снимката, одговара: „Изгледа не му е добро, неговата боја“.

Жената возврати: „Таков е тој. Тој не зборува ништо“.

Вработените во банката набрзо повикале полиција.

„Тој веќе беше мртов во банката. Главната работа е да се продолжи со истрагата за да се пронајдат членовите на семејството и да се дознае повеќе за случајот“, изјавил началникот на полицијата Фабио Луиз за ТВ Глобо.

Ако се покаже дека жената е виновна, таа може да биде одговорна за обид за измама.

Надлежните ги истражуваат околностите под кои мажот починал, а неговото тело е пренесено во Институтот за судска медицина.

Македонија

Јонуз: Полека но сигурни влегуваме во „бугарско“ сценарио

„За година и пол до две сум сигурен дека ќе имаме предвремени избори“

Тоа што некој е помудар од тебе и тоа што подобро игра од шах од тебе, не значи дека ги надминал границите. Легитимно право, законско право е да се поставува услов. Алал да им е на Албанците 100:0 тепаат наспроти Македонците. Полека но сигурни влегуваме во „бугарско“ сценарио. За година и пол до две сум сигурен дека ќе имаме предвремени избори. На овие избори тврдам дека ВМРО-ДПМНЕ ќе „растури“ на овие избори затоа што имаат доследност, кичмата крива ли е, ја држат, другите се камелеон. Во Македонија овде кога би не оставиле сами да го делиме парчето торта, очите ќе си ги извадиме. Албанците тоа што го имаат, Македонците го немаат, а тоа е едиство, рече Агим Јонуз во Само Вистина.

Свет

Нарко босот „Ел Чапо“ се жали дека во затворот не му дозволувале никаков контакт со семејството

Мексиканскиот нарко бос Хоакин „Ел Чапо“ Гузман, поранешен водач на картелот Синалоа, тврди дека не смее да прима телефонски повици или посети во максимално безбедниот американски затвор во Колорадо, каде што издржува доживотна затворска казна.

Гузман, кој неколкупати бегаше од затворите во Мексико, на крајот на март му напиша писмо на судијата на Окружниот суд на САД, Брајан М.

Тој е осуден за водење на операција за шверц на дрога од индустриски размери и отслужува казна во затвор со максимална безбедност во Флоренс, Колорадо, според АП.

„Во мај 2023 година, објектот престана да ми ги пренесува повиците на моите ќерки, а јас седум месеци немав повици од нив. Прашав кога ќе ми дозволат да разговарам со моите ќерки и вработените ми кажаа дека агентот на ФБИ кој ги надгледуваше повиците не одговара“, напиша Гузман.

Ел Чапо смета дека е изложен на „дискриминација без преседан“ и дека официјалните лица го казнуваат со тоа што не му дозволуваат контакт со семејството.

Гузман, исто така, побарал од судијата да ја посети неговата сопруга Ема Коронел, но не кажа кога последен пат му било дозволено да ја види.

Коронел, исто така, се изјаснила за виновна за обвиненијата за трговија со дрога во 2021 година, но подоцна беше ослободена.

„Ве молам на Коронел да ѝ дозволите да ме посети и да ги донесете моите ќерки да ме посетат, бидејќи тие можат да ме посетат само кога се на одмор, бидејќи студираат во Мексико“, додаде Гузман во писмото до судијата. .

Судијата Коган одговори минатата недела, велејќи дека по изрекувањето на пресудата на Гузман, сè е на американското биро за затвори и дека нема моќ да интервенира.

Во декември, 95-годишната мајка на Гузман почина во северната мексиканска држава Синалоа, а таа наводно не го видела својот син откако беше испратен во затвор во Колорадо во 2019 година.

Гузман го предводеше картелот Синалоа во борбата против нарко бандите, во кои загинаа илјадници Мексиканци.

Тој двапати избегал од мексиканските затвори, еднаш преку тунел долг километар ископан низ ќелијата во која престојувал.

Откако беше екстрадиран во Њујорк, неговото тримесечно судење вклучуваше приказни за убиства, политички исплати, кокаин скриен во лименки халапења и пиштоли со скапоцени камења.

Во 2023 година, Мексико екстрадираше еден од синовите на Ел Чапо, Овидио Гузман Лопез, во САД за да се соочи со обвиненија за трговија со дрога и перење пари.

Се вели дека Гузман Лопез го водел картелот Синалоа за време на операциите за производство и извоз на фентанил во САД, за кој се верува дека предизвикува 70.000 смртни случаи годишно.