Анкета за јавното мислење: Една година како Сојузник на НАТО

НЕКСУС Граѓански концепт спроведе истражување во кое се фокусираше на перцепциите на јавноста за НАТО, генералниот сентимент кон Алијансата и запознаеноста со активности кои таа ги спроведува во државата.  

Целта на оваа анкета e да се види „Какво е јавното мислење на граѓаните на Македонија во однос една година членство во НАТО Алијансата?“

За потребите на ова истражување, анкетата беше спроведена од страна на М-Проспект - агенција за истражување на јавното мислење, и тоа на репрезентативен примерок од 1.000 испитаници, постари од 18 години, со маргинална грешка од +/- 3% со ниво на доверба од 95%. Опфатени беа сите осум статистички региони, притоа земајќи ја предвид распределеноста по рурални и урбани средини.

Од 1.000 испитаници, 50,3 % беа машки, а 49,7 % женски, од аспект на етничката застапеност 70,8% од испитаниците беа Македонци, 24,1% беа Албанци, а другите етнички групи беа застапени со 5,1 %. Според местото на живеење, руралната популација беше застапена со 38,7%, додека урбаната со 61,3 %.

Оваа анкета е дел од проектот насловен: „Една година како сојузник на НАТО: Анкета за јавно мислење“, спроведуван од НЕКСУС Граѓански концепт и поддржан од Одделот за јавна дипломатија на НАТО во Брисел“.

Графикон 1

Дистрибуцијата на одговори покажа дека мнозинството (40,3%) сметаат дека доволно добро ја познаваат, наспроти третина (33,2%) кои кажуваат дека малку ја познаваат. Додека пак, (13,6%) сметаат дека многу добро ја познаваат организацијата. Жените, за разлика од мажите, многу помалку ја познаваат организацијата. 39,2% од жените одговориле дека малку ја познаваат, додека овој одговор го дале 27,2% од мажите.

Етничките Албанци, за разлика од етничките Македонци покажуваат поголемо познавање, односно 27,4% од етничките Албанци одговориле дека многу добро ја познаваат, наспроти 9% од етничките Македонци кои го дале истиот одговор. Се забележува дека оние со повисок степен на образование повеќе истакнуваат дека ја познаваат доволно добро.

Графикон 2

Повеќето испитаници гравитираат кон позитивно мислење за членството во НАТО. Повеќе од половина (50,7% акумулирано Целосно се согласувам и Донекаде се согласувам) сметаат дека е позитивна работа членството во НАТО. Додека пак, (28,9% акумулирани Донекаде не се согласувам и Воопшто не се согласувам), не сметаат дека е позитивна работа за нашата земја. Повеќе од две третини (71,8%) од етничките Албанци се согласуваат дека членството е позитивна работа, наспроти 42,1% од етничките Македонци.

Графикон 3

60,4% од испитаниците целосно или до некаде се согласуваат дека Македонија треба да брани друга земја на НАТО доколку биде нападната. Додека пак, 15,9% воопшто не се согласуваат со ова прашање. И овде процентот на согласност е поголема кај Етничките Албанци во однос на Етничките Македонци (46,1% наспроти 26,6%).

Графикон 4

Додека пак, на прашањето „Доколку некоја друга членка треба да ја брани Р.С. Македонија ако биде нападната“, овој процент се зголемува, односно 74.4% од испитаниците целосно или до некаде се согласуваат дека другите земји членки треба да ја бранат нашата држава доколку биде нападната однадвор.

Графикон 5

Мнозинството испитаници (64,5%) целосно или донекаде се согласуваат дека членството во НАТО ја зголемува безбедноста и стабилноста во земјата.

Поизразена согласност на ова прашања изјавуваат етничките Албанци, односно 50,6% целосно се согласуваат, наспроти 28,7% од етничките Македонци кои го дале истиот одговор.

Графикон 6

Телевизијата е главен извор за информирање за актуелни случувања во земјата и светот (44,8%). Повеќе од четвртина (28,7%) пак, се информираат преку социјалните медиуми. Весници преку интернет се извор за информирање на 14% од граѓаните кои учествувале во оваа aнкета.

Јапонската сонда, иако немаше добар старт, ги надмина сите очекувања-преживеа втора лунарна ноќ

Јапонската сонда SLIM немаше одлично слетување на Месечината - слета на нос и брзо остана без струја.

Сепак, таа ги надмина овие проблеми, успеа да оживее, а сега да ја преживее втората лунарна ноќ и да испрати нови слики на Земјата.

- Синоќа добивме порака од СЛИМ, која потврди дека леталото по втор пат ја преживеа лунарната ноќ. Откако изгреа сонцето, сè уште беше високо, а опремата премногу жешка, па направивме само неколку снимки од необичниот пејзаж со навигациската камера - објави JAXA, јапонската вселенска агенција, на Икс (Твитер), додавајќи:

- Според собраните податоци, некои температурни сензори и неискористени ќелии на батерии почнуваат да откажуваат, но повеќето од функциите што ја преживеаја првата лунарна ноќ успеаја да преживеат и по втората лунарна ноќ.

На 19 јануари SLIM успешно слета на Месечината, со што Јапонија стана петта земја (по СССР, САД, Кина и Индија) која успешно изврши таканаречено меко слетување. Иако ја постигна целта и слета на само 55 метри од целта, сондата слета на нејзиниот нос, предизвикувајќи проблеми со напојувањето поради што таа се исклучи по помалку од половина час работа на површината на Месечината. Повторно беше вклучен по околу една недела, но беше исклучен на 1 февруари поради почетокот на лунарната ноќ.

На SLIM неодамна му се придружи американското вселенско летало Одисеја, прво испратено на површината на Месечината од 1972 година, но не успеа да ја преживее лунарната ноќ. Дури и индиското вселенско летало Викрам, кое слета во август, но престана да работи откако ќе се стемни, не можеше да ги преживее екстремно ниските температури во текот на лунарната ноќ.

Хаос во Брисел: Сточарите фрлија арско ѓубре на улиците и прскаа по зградите (ВИДЕО)

Земјоделците неделава ги блокираа улиците во Брисел, во близина на седиштето на Европската унија, протестирајќи против прекумерната бирократија, глобалните трговски договори, новите еколошки мерки и евтиниот увоз од Украина.

На патиштата биле забележани трактори и цистерни, а земјоделците фрлале зеленчук и арско ѓубриво, пренесува АП.

Кога ситуацијата ескалира, полицијата употреби солзавец и водени топови за да ги држи подалеку земјоделците и нивната механизација.

Надлежните апелираа до граѓаните што повеќе да избегнуваат да доаѓаат во градот и да работат од дома.

Смрдеата на ѓубриво, запалени гуми и сено се рашири низ улиците на Брисел, но протестот вроди со плод.

Харис Џиновиќ и официјално е разведен: Мелина е никаква жена, важни ѝ се само парите

Пејачот Харис Џиновиќ денеска пристигна на првото рочиште за разводот од сопругата Мелина Џиновиќ.

Рочиштето се одржало во Белград, а Мелина не се појавила. По излегувањето од судот, Џиновиќ изгледал скршено, како што пренесуваат српските медиуми, а не ја поштедил сега веќе поранешната сопруга, тврдејќи дека таа е „никаква жена“.

„Прашајте ја зошто не дојде, немам никакво сознание. Двете страни се договорија, судот ја прифати и ја донесе пресудата. Официјално сум разведен. Се чувствувам одлично. Ова е сосема нормална работа, нема причина за славење, луѓе се согласија да не живеат заедно. Поддршката на мојот син ми значи многу“, изјавил пејачот, пишува Блиц.

"Не им верувам на жените. Мелина не е жена. Јас сум виновен што се потпирам на туѓата свест. Самата рече дека е материјалистка, ја интересираат само парите. Не ми е гајле со кого ме изневерувала. Син ми е многу лут на неа, не се каам, купував сè за неа, таа е материјалистка“, додаде тој.

Да потсетиме дека Харис и Мелина се запознале во 2003 година. Првпат ја видел во кафуле во родното Сараево, но не бил мирен додека не го добил нејзиниот телефонски број. Се венчаа по 11 години заедно во Дубровник на спектакуларна едрилица долга 88 метри. Пејачот не дозволи разводот да влијае на неговите деловни обврски и продолжи со концерти низ регионот.

Пејачот неодамна за прв пат проговори за причините за разделбата. "Таа ја знае причината, ме остави, јас не ја оставив. Не знам ништо, обично сопругот кој е изневерен последен дознава", рекол Харис.

„Луѓето велат дека разводот после смртта е најтешката работа. Јас малку би го негирала тоа. Ако не ти се допаѓа да бидеш со мене, ниту јас не сакам да бидам со тебе“, заклучил пејачот. Тој додаде дека разводот не бил тежок за нивните деца Џина (20) и Кан (18), бидејќи тие се веќе полнолетни.

притисни ентер