Анкета на „Пју": Имиџот на САД се подобрил откако Бајден е претседател

Меѓународниот имиџ на САД се подобрил по изборот на демократот Џо Бајден за претседател, но останува загриженоста за здравјето на американската демократија. Тоа се резултати од ново истражување.

Извештајот на истражувачкиот центар Пју, кои анкетирале во 16 земји, е објавен додека Бајден е во Европа на својата прва посета во странство како претседател.

САД генерално не беа почитувани во анкетите направени за време на претседателот Доналд Трамп.

Од 12-те анкетирани земји годинава и во 2020-та година, Пју соопшти дека просечно 75 проценти изразуваат доверба во Бајден да ја направи вистинската работа во светските работи, наспроти 17 отсто за Трамп минатата година.

Во Франција, 65 проценти од испитаниците изјавиле дека позитивно ги перцепираат САД што е зголемување за 31 процент од лани.

Слични подобрувања од 25 процентни поени или повеќе се во Германија, Јапонија, Италија, Холандија и Канада.

Другите анкетирани земји – Австралија, Велика Британија, Грција, Јужна Кореја, Шпанија и Шведска – исто така, забележаа пораст во корист на САД.

Во 12 држави каде се правени анкетите во просек 77 проценти го опишале Бајден како добро квалификуван за претседател, во споредба со само 16 проценти кои така мислеа за Трамп.

Според анкетите, 67 отсто се со став дека САД се „многу" или "донекаде" надежен партнер, а 57 отсто очекуваат односите д аостанат исти, додека 39 отсто – очекуваат подобрување на односите. Седумнаесет отсто се со став дека демократијата во САД е „добар пример" за другите држави додека за 57 отсто – „претходно биле добра приме, но не и во изминатите неколку години". Дваесет и три отсто нагласиле дека американската демократија „никогаш" не била добар пример.

Анкетите се направени во март и мај во 12 од 16 држави во зависност од прашањата – Австралија, Белгија, Велика Британија, Канада, Франција, Германија, Грција, Италија, Јапонија, Холандија, Нов Зеланд, Сингапур, Јужна Кореја, Шпанија, Шведска и Тајван.

Министерот Јетон Шаќири оствари работна средба со градоначалникот на Дебар, Хекуран Дука

,,Денес ми беше чест, во просториите на Министерството за информатичко општество и администрација да го чекам на работен состанок, градоначалникот на Општина Дебар, Хекуран Дука.

За време на состанокот разговаравме за можноста за дигитализација на услугите на оваа општина и нивно вклучување во националниот портал за е-услуги. Го уверив градоначалникот Дука дека Министерството што го водам е подготвено да ги стави на располагање сите свои капацитети за да помогне во овој процес.

Исто така се дискутираше за можноста за поврзување на оваа општина со системот за управување со документи (ДМС). Со поврзување на овој систем, меѓуинституционалната комуникација станува побрза и поефикасна.

Состанокот го завршивме со ветување дека ќе ја продлабочиме меѓуинституционалната соработка и комуникација, со цел да постигнеме конкретни резултати во иднина, во корист на граѓаните“, истакна министерот за информатичко општество и администрација Јетон Шаќири.

МЗ: Дарувањето крвна плазма највисок чин на хуманост, досега обезбедени 1732 единици

Од Институтот за трансфузиона медицина информираат дека се обезбедени вкупно 1732 единици конвалесцентна плазма за третман на пациенти заразени со Ковид-19.

Од нив 157 единици се собрани преку аферезна процедура а останантите единици конвалесцентна плазма се обезбедени преку стандардно дарување. Со крвна плазма досега се третирани 1431 пациенти.

Со ваквиот највисок чин на хуманост, граѓаните кои се оздравени имаат можност да им помогнат на тие кои во моментот се борат со коронавирусот.

Преку даруваната конвалесцентна плазма, антителата на оздравените пациенти се користат во сузбивање на болеста кај друго лице со Ковид-19.

Лицето дарител на конвалесцентна плазма треба да има документиран лабораториски доказ дека било болно од Ковид-19, да биде минимум 21 ден без симптоми, по што се прави дополнителен тест за потврда дека нема присуство на вирус.

Потсетуваме дека Институтот за трансфузиона медицина е достапен во секое време и сите оздравени пациенти кои ги исполнуваат условите за дарители, може да се јават за детални информации и закажување во Институтот за трансфузиона медицина, да ја покажат својата хуманост и да помогнат во лекувањето на другите заболени со Ковид-19. ​

Одделение за односи со јавност

Министерство за здравство

Црвениот крст им додели благодарници на крводарителите

Црвениот крст на Македонија по повод 14 Јуни - Светскиот ден на крводарителството, се приклучи кон глобалната кампања за промоција на крводарителството под мотото „Дарувај крв и придонеси светот да продолжи да се движи“.

Црвениот крст заедно и Институтот за трансфузиона медицина, денес им доделија благодарници на Министерството за здравство, Министерството за внатрешни работи и Министерството за одбрана во знак на благодарност за досеганата соработка на полето на крводарителството. Благодарници добија и министерот за здравство Венко Филипче, министерот за внатрешни работи Оливер Спасовски и министерката за одбрана Радмила Шекеринска за личен пример, поддршка, поттикнување и соработка.

Воведно обраќање имаше и Генералниот секретар на Црвениот крст Саит Саити каде истакна дека пристапот до безбедна крв за сите оние кои имаат потреба, и понатаму останува највисок императив на земјите во светот, па и кај нас. Во текот на пандемијата со Ковид-19 и покрај ограничената мобилност и другите предизвици кои таа ги донесе со себе, дарителите на крв продолжија да даруваат крв и плазма за пациенти на кои им е потребна трансфузија. Овој извонреден напор за време на пандемија, ја нагласува клучната улога на добро организираните, посветени, доброволни и неплатени дарители во процесот на снабдување со крв во тековни и вонредни околности.

На самиот настан преку ЗООМ платформата директно се јавија од Дневниот центар за дарување крв каде даруваа крв припадниците од АРМ и од Институтот за трансфузиона медицина каде даруваа крв припадниците од МВР.

притисни ентер