Ангелов: Нема потреба од прогласување на кризна состојба

Пожарникарите и армијата ја продолжуваат битката на неколку фронта против пожарите кои што беснеат ширум земјава, но во отежнати услови поради ограничените капацитети. 

Земјава располага со два хеликоптери во моментов, кои што можат да гасат наутро и пред вечер поради високите температури, вели директорот на ЦУК Стојанче Ангелов, кој кажа дека од Србија попладнево стигнуваат хеликоптери на помош. Но сепак земјената борба останува главна против огнот.

-На температури повисоки од 37 не е безбедно летањето на хеликоптер, едноставно ги загрозуваме животите на посадата, дали заради задоволување на нечии болни амбиции треба да ги ризикуваме животите на нашите пилоти, „safety first“, нека изгори се, нека бидат здрави и живи луѓето, вели Стојанче Ангелов.

Авионите кои што можат да послужат за гасење на пожарите не се сервисирани и се заглавени во тендерска постапка, но од дирекцијата за заштита и спасување уверуваат дека до октомври ќе ги имаме на располагање, иако во моментов се прекупотребни.

Ангелов вели дека пожарот во Кочани најверојатно е предизвикан од кабли од бандери, кој обвинувањата дека станува збор за истиот од пред неколку дена и не бил изгаснат ги нарече ноторна невистина. Тој побара зрелост од политичките чинители во земјава, да помогнат и да повикаат на смиреност, а не да ги разгоруваат страстите и да се бават со дневна политика на грбот на кризата.

-Републиката е во пламен и немам време да размислувам за неважни работи како што се барањата за моја оставка. Нека залади, па ќе размислувам за тоа, ќе се направат анализи и ако сум потфрлил, јас ќе си дадам оставка и ќе си заминам од овде. Ама ако не сум потфрлил, тогаш ќе барам извинување. Издржав куршум во војната ќе го издржам и гневот на јавноста, вели Стојанче Ангелов.

Ангелов информираше дека не е донесена одлука за прогласување на кризна состојба во одредени предели на земјава, но ситуацијата ќе се следи и понатаму, па согласно ќе се реагира. До утринава активни биле околу 15 пожари, од кои 10 се изгасени. Најголема опасност покрај оној во Кочани, преставува огнот од Старо Нагоричани.

Европскиот парламент одобри визна либерализација за Србите од Косово

За безвижен режим за патување во ЕУ гласаа 406 од 597 европратеници.

Европскиот парламент денеска изгласа либерализација на визите за имателите на српски пасоши од Косово, кои ги издава Координативната администрација на Србија, на предлог на европратеникот и известувач за укинување на тие визи, Матјаж Немец.

За безвижен режим за патување во ЕУ гласаа 406 од 597 европратеници - до 90 дена за имателите на пасоши издадени од Координативната управа на Србија, 97 беа против, а 94 беа воздржани.

Германецот, обраќајќи им се на членовите на ЕП пред гласањето, рече дека тоа е важно гласање и одлука која ќе го подобри животот на 18.000 српски државјани на Косово, кои се носители на специјални пасоши. /МИА

Вучиќ: Со кампањата во Македонија, Курти ја поткопува регионалната стабилност

Предизборната кампања во Македонија најде место и на седницата на Советот за безбедност на Обединетите нации, каде синоќа се расправаше за извештајот за работата на УМНИК на Косово.

Српскиот претседател Вучиќ во своето обраќање рече дека косовскиот премиер Курти се мешал во внатрешните работи на Македонија и дека бил вклучен во предизборната кампања во земјава. Косовската претсеателка Вјоса Османи, пак, обвини дека Белград со терористички тактики го поткопувал уставниот поредок во Косово.

Швајцарија замрзна руски имот во вредност од 5,8 милијарди франци

 Швајцарија замрзна руски имот во вредност од 5,8 милијарди швајцарски франци или 5,95 милијарди евра, соопшти денеска Државниот секретаријат за економски прашања на земјата (СЕКО).

Оваа бројка се однесува на вкупната вредност на руските средства замрзнати од Швајцарија од почетокот на војната во Украина до крајот на 2023 година.

Вредноста на замрзнатите руски средства во Швајцарија е помала отколку на крајот на 2022 година, кога изнесуваше 7,5 милијарди швајцарски франци.

„Вредноста на финансиските средства замрзнати во врска со санкциите против Русија изнесуваше 5,8 милијарди швајцарски франци на 31 декември 2023 година. Ова е за 1,7 милијарди швајцарски франци помалку од бројката пријавена за декември 2022 година. Покрај тоа, сега се блокирани 17 имоти во 7 кантони“ се вели во соопштението на СЕКО. /МИА

притисни ентер