Македонија

Ангелов: Активни се девет пожари, нови пожари во охридско и скопско

Во моментов во државата активни се девет пожари од кои најтешкиот е на Осоговските планинини кој е на недостапен терен, а нови пожари се регистрирани на териториите на Охрид и Скопје, вели во видео порака директорот на ЦУК Стојанче Ангелов.

-За жал дури и денес на Илинден, на територијата на државата беснеат девет пожари на отворено и шумски пожари. Пожарот на Осоговските планини, кој беснее на територијата на Општина Пробиштип, во атарот на селото Зеленград, бидејќи се одвива на исклучително тешко пристапен терен и повеќе денови ни задава главоболка, иако дејствувавме во повеќе наврати во воздухоплови, дејствувавме и од земја, денеска одлучивме да го нападнеме со концентриран број на хелихоптери. Во текот на утрово, но и во текот на остатокот на денот овде ќе делуваме со осум хелихоптери – три македонски (два армиски и еден полициски), еден српски, два унгарски, еден словенечки и еден чешки, кажа Ангелов.

Тој наведе дека тежок пожар има и во општина Македонски Брод, во атарот на селата Тажево и Брезница, кон Јасен, кој се одвива неколку дена на тешко пристапен терен.

-Овде утрово го испративме да дејствува полицискиот хелихоптер МИ 171, но и тимот од Унгарија кој пристигна како помош од странство со ЕУ механизмот, составен од 46 искусни пожарникари, од кои некои користат специјални теренски возила со кои можат да се пробијат на најтешко пристапните места. Исто така, од земја гасат и 50 припадници на Армијата со поддршка на 20 локални пожарникари и месно население, вели Ангелов.

Според него, тешко оди гасењето и на пожарот на Илинска Планина, каде утрово интервенираат три ертрактори, а се дејсвува и од земја.

Во Пробиштип има уште еден пожар, кадешто дејствуваат Армијата со поддршка на локалното население.

Во Пласница огнот е ставен под контрола и се работи на негово догаснување, а исто така и пожарот во борова шума во Пехчево од утрово е под целосно контрола и се делува на догаснување на огнените точки.

Предмалку избил силен пожар и на територијата на Општина Охрид, во атарот на селото Косел, којшто има опасност да влезе во борова шума, поради што ЦУК таму пренасочиле еден хелихоптер.

Пожари има и на територијата на Скопје – во општина Зелениково и кај селото Љубанци.

-Планот којшто го изготвуваме за употреба на леталата, но и другата странска помош и домашните сили, е еластичен и го прилагодуваме на моменталната состојба. За жал ова лето имаме рекорден број на пожари. Во текот на јули дури 620 пожари на отворено и шумским пожари од кои 611 се изгаснати. Рекордот беше на 29 јули кога имавме 66 пожари во еден ден, вели Ангелов.

Тој упати благодарност до сите држави кои ни помагаат во справувањето со пожарите, како и до домашните пилоти, пожарникари, припаднци на плицијата и армијата и доброволците.

Свет

Огромен пожар беснее низ Калифорнија: Илјадници се евакуираат, зафатен е и универзит (ВИДЕО)

Пожарникарите се борат со опасниот шумски пожар во Калифорнија кој рапидно се шири.

Сè уште не е познато како настанал пожарот наречен Френклин.

Противпожарната служба на округот Лос Анџелес процени дека пожарот зафатил најмалку 6,7 квадратни километри, а загрозени се куќи и згради. На шест илјади жители им е наредено да се евакуираат.

Напојувањето е исклучено за да се намали влијанието на познатите калифорниски ветрови Санта Ана, сувите и топли налети на ветер што дуваат од внатрешноста на Јужна Калифорнија кон брегот. Овие ветрови обично се појавуваат во текот на есента и траат во текот на зимата до рана пролет.

Националната метеоролошка служба издаде црвен аларм со ретка напомена дека е особено опасна ситуација за окрузите Лос Анџелес и Вентура. Пожарот се наоѓа северно од Малибу, град популарен меѓу познатите личности. Се прошири и во близина на Универзитетот Пепердајн, кој ги откажа часовите и ги насочи студентите и вработените да се засолнат во библиотеката или центарот на кампусот.

Студентката Габриел Салгадо, која се засолнила во библиотеката, рече дека е страшно да се гледа како пламенот расте, пренесува Sky News. Универзитетот во соопштение на интернет соопшти дека најголемата опасност од пожари поминала, но имало помали пожари на кампусот кои не претставуваат сериозен ризик за животот или зградите.

Противпожарни возила го изгаснаа пожарот во кампусот, а хеликоптери собраа вода од езерото во универзитетскиот парк и помогнаа во гаснењето. Калифорнија е подложна на разорни шумски пожари.

Свет

Расте бројот на жртвите во експлозијата во рафинерија во близина на Фиренца

Бројот на жртвите во експлозијата во рафинеријата на енергетската компанија Ени во Каленцано, во близина на Фиренца, се искачи на четири, откако рано утринава беа пронајдени телата на уште две жртви, изјавија извори за Анса.

Уште едно лице е исчезнато по вчерашната експлозија, во која беа повредени девет лица.

Тројца од деветте се во многу тешка состојба, соопштија локалните здравствени власти.

Експлозијата се случила во делот на рафинеријата каде што резервоарите се полнат со гориво, но резервоарите не биле зафатени од пламен.

Истрагата за причините за експлозијата е во тек.

Регион

Како на филм: Турски мафијаши се убиваат пред црква во Грција, двајца загинати (ВИДЕО)

Сцени како од холивудските филмови се случиле вчера наутро во близина на црква во Глифада, Грција, кога турските напаѓачи поставиле смртоносна заседа за своите жртви, исто така со турско потекло, и убиле две лица, а едно е повредено.

Според информации, Турците ги чекале своите жртви на локацијата и штом ги виделе го извадиле оружјето и ги застрелале. На снимката која е објавена на грчките медиуми се гледа како напаѓачите ги бркаат жртвите и пукаат во нив.

Според медиумите испукани се повеќе од десет куршуми. Еден напаѓач во црна облека трча на сред улица, крева пиштол и пука во непознати кои стојат пред црквата Воведение на Пресвета Богородица.

Во исто време, вториот напаѓач во црна јакна и бели панталони е снимен како доаѓа од спротивната насока и со пиштол во рацете брка лице кое трча кон игралиштето.

На видеото се гледа уште еден напаѓач во црна облека и со маска на лицето.

Се појави и ново видео на кое се гледа како еден од наводните сторители бега од местото на настанот, вели сопственикот на продавницата кој бил присутен на местото на настанот.

„Куршуми летаа на сите страни, се исплашив и влегов во продавницата. Потоа излегов надвор и слушнав дека има двајца сторители, еден видов бидејќи помина пред продавницата“, изјавил сопственик на продавница во околината. .

Грчките медиуми јавуваат дека полицијата уапсила двајца осомничени, се работи за турски државјани со курдско потекло, на возраст од 22 и 26 години. Се вели дека едниот од нив е еден од напаѓачите, додека другиот имал споредна улога. Двајцата преку реката Еврос илегално пристигнале во Грција, додека еден од нив, кога бил лоциран поднел барање за азил.

Се трага по нивните соучесници. Првите докази собрани од местото на пукањето укажуваат на конфликт меѓу членови на турската мафија.