Анастасов од Пробиштип: Јаловишната депонија ќе ја затвориме

​Градоначалникот на општина Пробиштип Драган Анастасов на граѓанската трибина под мотото „Најдоброто за нашата општина" се осврна на сработеното во изминатите четири години и плановите за наредниот период.

Општина Пробиштип во моментот кога почнав да ја раководам беше задолжена со два реални општински буџети, но сепак реализиравме голем број капитални проекти по пат на донации, бидејќи со општинските средства го сервисиравме долгот на мојот претходник, односно ги отплаќавме неговите проекти, за да ја направиме општината ликвидна, истакна Анастасов.

Меѓу капиталните проекти во патната инфраструктура, Анастасов ги издвои реконструкцијата на патниот правец Крупиште – Пробиштип, како главна артерија која го поврзува Пробиштип со Истокот, реконструкцијата на патниот правец Киселица – Ратавица – Злетово – Древено – Добрево – Пробиштип, патниот правец до Стрмош, а деновиве отпочнува реконструкцијата на патниот правец до село Лесново.

Тој најави санација на Јаловишната депонија, како една од најжешките еколошки точки во општината, а после санацијата на таа површина ќе бидат поставени фотоволтаични системи.

Најголемото жариште на болести, на кое освен што ќе инвестираме во обновливи извори на енергија, освен нови работни места, ќе обезбеди и приход за општината, со кој ќе реализираме проекти важни за граѓаните на општината, истакна Анастасов, нагласувајќи ја својата визија за Пробиштип во иднина како зелена општина.

Градоначалникот на Пробиштип најави скоро отворање на Домот за стари лица, во реконструираното крило на здравствениот дом „Нада Михајлова", отворање на првиот Научно туристички музеј за ретки минерали во нашата држава, реконструкција на голем број улици во градот.

За развој на туризмот, општината изготви ДУП за Пониква, каде се предвидени изградба на викенд куќи, мотели и хотели, се планира и изградба на пат преку Рудари – Шталковица – Ратковица до Пониква, а наскоро, со средства со Светска банка, ќе започне реализацијата на проектот за доградба и надградба на сместувачки капацитети во Лесново, со што за првпат општината ќе може да понуди соодветно сместување во едно од најрепрезентативните места во општината – Лесново познато по Лесовскиот манастир, истакна Анастасов.

Градоначалникот на општина Пробиштип Драган Анастасов порача дека ќе продолжи да работи посветено за целите и интересите на сограѓаните, останувајќи достапен за секоја нивна сугестија, проблем или идеја.

Центар за комуникации со јавноста на СДСМ

Во чест на Мирко Попов промоција на винил издание - ПОП КУЛТУРА

 Во Eдукативниот културен центар „Лабораториум“ вечер ќе се одржи промоција на првата винил компилација посветена на современата поп продукција од млади македонски музичари - ПОП КУЛТУРА, во рамки на платформата „Силата ЕУ Младите“.

Настанот е во чест на неодамна починатиот Мирко Попов, кој ја основа платформата „Силата ЕУ младите“, која ја издаде плочата.

Како што соопштија од тимот „Силата ЕУ Младите“, компилацијата претставува значаен историски документ и запис за времето и квалитетот на македонската поп музичка сцена на докажано најквалитетниот носач на звук и се уште најценетиот во светот на музиката (винил), што е куриозитет на домашната сцена.

Компилацијата опфаќа селекција песни од најрепрезентативните млади автори на македонската поп музичка сцена: Аудио Цигла (Audio Cigla), Миа Перевска (Mia Perevska), Дина Јашари (Dina Jashari), Андреја Салпе (Andreja Salpe), Зи (Zee), Јанг Дади (Young Dadi), Матеј Фолтц (Matej Foltz) и веќе признаениот музичар Слаткаристика (Slatkaristika).

Музичкиот избор оваа вечер ќе биде на диџеите на младиот колектив Македонско Улично Радио: Скам, Аудио Цигла и Демиџ Контрол. Промотивниот настан се реализира во соработка помеѓу Силата ЕУ Младите“, Македонско Улично Радио и Лабораториум.

Платформата „Силата ЕУ Младите“, е еден од низата проекти иницирани и програмски уредени од Мирко Попов, кој континуирано и посветено работеше за поддршка на младите и креирање простор за нивно изразување, работа и препознавање како креативна и надоаѓачка сила во музиката и културата. Како продуцент и куратор го реализира и ова, 13-то по ред винил издание за дискографската куќа „ПМГ Рекордингс“.

- Во издание на „ПМГ Рекордингс“, Попов реализираше 300 изданија македонска музика од македонски автори на македонски јазик. Затоа Мирко Попов е еден од најголемите чувари на македонскиот идентитет. Ако Југославија го имаше „Пакет Аранжман“ во 1981, како пресек на тогашниот нов бран, Македонија денес го имановиот бран на поп музика на компилацијата ПОП Култура, чија историска вредност ќе се покаже во годините што доаѓаат. Голема радост за Мирко беше оваа плоча, чија промоција за жал не успеа да ја дочека, а во негова чест ќе ја промовираме овој петок во Лабораториум, се вели меѓу другото во соопштението од тимот на „Силата ЕУ Младите“.

Битолскиот театар на меѓународен фестивал во Рума, Србија

Актерите на НУ Народен театар-Битола, Викторија Степановска Јанкуловска и Никола Стефанов вечер во Рума, Србија на тамошниот меѓународен театарски фестивал ќе ја одиграат претставата „Кислород“ во режија на Иван Јерчиќ.

Фестивалот е со натпреварувачки карактер и освен македонските актери во конкуренција се и актери на театри од Унгарија, Романија, Словенија, Хрватска, Босна и Херцеговина и домаќинот Србија.

Театарската претстава „Кислород“ е фокусирана на проблемите во животот, потребата на човекот да живее, или како што велат битолските актери, да се живее живот полн со љубов, среќа, емпатија и солидарност.

Претставата „Кислород“ почнува во 21 часот и ќе се одигра на сцената на Градски театар во Рума. /МИА

Бајден со помош на Обама и Клинтон собра рекордни 25 милиони долари за својата кампања

 Кампањата за собирање средства за американскиот претседател Џо Бајден со поранешните претседатели Барак Обама и Бил Клинтон генерира над 25 милиони долари, најголема собрана сума досега во историјата на САД.

Бајден синолќа со Обама и Клинтон учествуваше во дискусија во познатата њујоршка „Радио сити мјузикл хол“, модерирана од водителот на „Лејт шоу“ (The Late Show) Стивен Колбер.

Но, настанот неколку пати беше прекинуван од демонстрантите во салата, кои скандираа против политиката на Бајден за поддршка на Израел во војната со Хамас. Еден од демонстрантите извика „Срам да ти е, Џо Бајден“. Тие исто така го прекинуваа и говорот на Обама.

Демонстрантите го прекинаа и настапот на музичарите Квин Латифа, Лизо, Бен Плат, Синтија Ериво и Леа Микеле.

Влезниците за вчерашниот предизборен митинг на Бајден чинеа од 250.000 и 500.000 долари. Дел од донаторите позираа со претседателите, а фотографиите ги направи славната фотографка Ени Лејбовиц. /МИА

притисни ентер