Американските директори заработуваат 299 пати повеќе од вработените

Јазот помеѓу платите на извршните директори во американските компании и просечната заработка на вработените се зголеми во 2020 година, и покрај пандемијата на коронаавирусот и напорите да се намали тој јаз.

Просечната плата на директорите на компаниите од корпата за индекси S&P 500 е 299 пати поголема од просечната плата на нивните работници минатата година, според годишниот извештај на AFL-CIO за платите на менаџерите на највисоките позиции, јави Си-Ен-Ен.

Надоместокот за извршните директори во 2020 година во просек изнесуваше 15,5 милиони долари, заедно со бонусите, што претставува пораст од повеќе од 260.000 долари годишно во текот на изминатата деценија.

Во исто време, просечниот работник во производството заработи 43.512 долари минатата година, што претставува раст од само 957 долари годишно во период од 10 години.

Вкупниот просечен надоместок на управителите на американските компании се зголеми за повеќе од 700.000 американски долари во 2020 година, во споредба со претходната година, додека јазот меѓу нивните и платите на работниците се зголеми од опсегот од 264:1 во 2019 година.

Извршен директор со најголем приход во 2020 година беше Чад Ричисон од „Paycom", кој доби над 200 милиони долари плати и бонуси. На врвот на листата на најдобро платени директори се и извршните директори на General Electric, Hilton, T-Mobile, Nike, Microsoft и Netflix.

Изгоре Бугати на познат музичар, вредно 3 милиони долари (ВИДЕО)

Штетата е голема, а поправката ќе биде обемна и пеколно скапа.

На социјалните мрежи се шират снимки од црвено Бугати уништено во пожар, за кое се верува дека е во сопственост на познатиот музичар од Доминиканската Република, Емануел Ерера Батиста, познат под уметничкото име ЕЛ Алфа Ел Џефе.

Црвено-црниот Bugatti Chiron изгоре додека бил паркиран во гаража во Мајами. Двете снимки објавени на Инстаграм од supercar.fails јасно покажуваат колкава е штетата, но и дека огнот не го зафатил соседното црно Ферари.

На на Chiron ќе му треба нов преден капак, браник, тркала, возачка врата и стакло, како и сите делови што ќе останат црни од саѓите. Лесно е да се претпостави дека ќе биде многу поскапо да се поправи оштетувањето на деловите што не се видливи како резултат на изложеност на високите температури.

За среќа во несреќа, автомобилот не изгорел целосно, зашто некој го изгаснал со противпожарен апарат. Исто така, да кажеме дека се уште се трага по сторителот кој го подметнал пожарот.

Како изгледал овој автомобил вреден најмалку три милиони долари, може да се види во следното видео објавено пред неколку месеци. Ако се докаже дека е навистина тој автомобил, тогаш Ел Алфа нема да стане пешак. Имено, покрај Бугати, овој млад човек поседува и Ролс Ројс Кулинан во кој веќе доживеал напад со огнено оружје.

Борис Џонсон и неговата сопруга Кери го очекуваат второто дете

Британскиот премиер Борис Џонсон и неговата сопруга Кери очекуваат уште едно бебе, објавија денеска британските медиуми.

Нивното прво дете, синот Вилфред, се роди во април минатата година, објави Ројтерс.

Медиумите објавија дека Кери им напишала на своите пријатели на Инстаграм дека се чувствува „неверојатно благословена“ што е повторно бремена.

Хамилтон конечно дојде до пол позиција и шанса за стота победа

Британецот Луис Хамилтон (Мерцедес) беше најбрз во денешните квалификации за ГН на Унгарија, 11 -та трка на Светското првенство во Формула 1.

Неговиот тимски колега, Финецот Валтери Ботас, го имаше второто квалификациско време. Трет беше Холанѓанецот Макс Верстапен (Ред Бул), лидер во генералниот пласман, а четвртиот резултат го постигна Мексиканецот Серхио Перез (Ред Бул).

Во генералниот пласман, водечкиот Верстапен има 185 бодови, потоа Хамилтон со 177, додека на третото место е Британецот Ландо Норис (Мекларен) со 113 поени.

притисни ентер