Американскиот БДП во третиот квартал пораснал за рекордни 33 проценти

Бруто домашниот производ на САД (БДП) скокнал за рекордни 33,1 процент во третиот квартал во споредба со истиот период минатата година, според првите проценки на Министерството за трговија.

Ова е најбрз раст на економијата на САД од 1947 година, кога владата започнала да собира податоци.

На квартално ниво, најголемата светска економија пораснала за 7,4 проценти, според првите проценки на Министерството за трговија.

Помеѓу април и јуни, БДП на САД потонал за рекордни 31,4 проценти на годишно ниво и на девет проценти од првите три месеци од оваа година, бидејќи владата нареди да се затворат компаниите, а граѓаните да останат дома.

Првите проценки за третиот квартал сведочат дека економијата во голема мера ги надокнадила огромните загуби забележани среде првиот бран на пандемијата на коронавирус.

Скокот на БДП во периодот од јули до септември го рефлектира, меѓу другото, и зголемувањето на личните трошоци за услуги, пред се, здравствена заштита, достава на храна и сместување. Американците трошеле и повеќе на моторни возила и делови, како и на обувки и облека, се вели во извештајот на Министерството.

Ќе биде ,сепак тешко да се ублажи човечката трагедија предизвикана од пандемијата на коронавирус, имајќи предвид дека десетици милиони Американци сè уште се без работа и повеќе од 222 000 граѓани починале како резултат на инфекцијата со коронавирус, забележува Ројтерс.

БДП на САД останува значително послаб отколку што бил пред пандемијата, а аналитичарите предупредуваат дека напредокот се забавува бидејќи САД повторно бележи нагло зголемување на бројот на нови инфекции.

Досега се надополнети нешто повеќе од половина од вкупно изгубените 22,2 милиони работни места поради пандемијата и отпуштањата продолжуваат, забележува Ројтерс.

Посебен извештај од Министерството за труд покажал дека минатата недела 751 000 граѓани поднеле барање за исплата на надоместоци за невработеност, 40 илјади помалку отколку претходната недела. Тоа е значително помалку отколку во март кога рекордни 6,867 милиони граѓани поднеле барање.

Сепак, бројката е поголема отколку во најтешкиот период на големата криза од 2007 до 2009 година, кога достигнала 665 илјади, потсетува Ројтерс.

Последните податоци за БДП внимателно се следат бидејќи тие се последниот важен економски показател пред претседателските избори на 3-ти ноември.

Двајт Хауард: Бен Симонс е младиот Леброн Џејмс

Популарниот Супермен новиот центар на НБА лигашот Филаделфија Двајт Хауард упати пофални зборови за својот млад соиграч Австралиецот Бен Симонс.

Бен е извонреден млад плејмејкер, поточно Point Forward",кошаркар кој некогаш студираше на престижниот ЛСУ Универзитет.

Неговите играчки квалитети никогаш не биле спорни но сега неговиот нов соиграч центарот Двајт Хауард го спореди со никој друг туку со големиот Леброн Џејмс.

„Бен Симонс е младиот Леброн Џејмс. Тој може да биде еден од најдобрите кошаркари на сите времиња.Обожувам да го гледам додека игра, сакам колку е несебичен и колку може да биде лош за другите тимови. Тој се уште се развива и тоа луѓето лесно го забораваат, изјавил Двајт Хауард.

Популарниот Супермен неодамна стана нов член на Филаделфија со порака дека само Док Риверс вистински сакал да го ангажира.

Српската влада ја повлече одлуката за повлекување на црногорскиот амбасадор од Белград

Српската влада, по вечерашниот состанок кај претседателот Александар Вучиќ, се предомисли и ја повлече одлуката за протерување на црногоскиот амбасадор во Белград, Тарзан Милошевиќ.

Премиерката Ана Брнабиќ, која заедно со министерот за надворешни работи никола селаковиќ, беа кај претседателот, изјави дека таа заедно со владата и целата србија, комплетно се согласуваат со изјавата на амбасадорот Владимир Божовиќ.

Црна гора го протера српскиот амбасадор Божовиќ, поради неговите изјава дека одлуката на подгоричкото собрание од 1918 година, за припојување на земјата кон кралството на СХС, била ослободување на Црна Гора и ја одразила слободната воља на црногорскиот народ.

Фото: Шерон Стоун со чудни модринки по нозете

Холивудската актерка Шерон Стоун отсекогаш го привлекувала вниманието на јавноста секако со својот беспрекорен изглед и стајлинг.

Но, сега 62 годишната ѕвезда ги изненади фановите со чудна фотка. Стоун уште еднаш покажа дека на социјалните мрежи воопшто не им робува на трендовите, да се објават фотографии на кој изгледате совршено, актерката редовно објавува фотографии на кои е без шминка и е во опуштено издание.

И во седмата деценија од животот Шерон изгледа одлично, сепак сега фановите се изненадени од нозете на атерката , тие на сликата излгедаат полни со модрици и рани. Никој не знае зошто актерката има повреди на нозете.

Без разлика на се Шерон за фотката доби илјадници лајкови и одлични коментари.

-Мојот пријател и брилијантен стилист ми го испрати ова денес. Не само што сум восхитена, туку сим и благодарна што и со 62 години и понатаму се занимавам со моделинг. Ви благодарам на сите што годинава ме ангажиравте, истакна Шерон Стоун во својата последна објава.

притисни ентер