Воените авиони ја пробиле звучната бариера над главниот град на САД за да стигнат до Cessna Citation, кој можел да превезе седум до 12 патници, соопштија официјални лица.
Околу времето кога го пробивале воздушниот ѕид, Цесната се урнала во ридско подрачје во југозападна Вирџинија, соопшти Федералната управа за авијација (ФАА). Цитирајќи неименуван извор, Си-Ен-Ен објави дека во малиот авион имало четири лица.
Службата за итна помош пристигнала на местото вчера вечерта, околу четири часа откако државните и локалните власти започнале потрага по соборениот авион. Надлежните соопштиле дека на местото на несреќата не се пронајдени преживеани патници.
Цесната била регистрирана во Encore Motors од Мелбурн. Си-Ен-Ен го контактирале Џон Румпел, кој изјавил дека неговата сопруга, сопственик на компанијата, е безбедна, но одбил да коментира повеќе. Барбара на својот Фејсбук профил коментирала: „Моето семејство го нема, мојата ќерка и внуката“.
Џон Румпел за Вашингтон пост изјавил дека членовите на неговото семејство, вклучувајќи ја неговата ќерка, внуката и нејзината дадилка, биле во авионот и се враќале дома во Њујорк по четиридневно патување. Тој додаде дека неговата внука имала две години.
Воените авиони не биле причина за падот, тврди неименуван функционер. Според информиран извор, се верува дека Цесната возела на автопилот и пилотот не одговарал на повиците.
Цесната полетала од аеродромот во Елизабеттаун, Тенеси и била на пат кон аеродромот Мекартур на њујоршкиот Лонг Ајленд, околу 80 километри источно од Менхетен, соопшти ФАА. Инцидентот ќе го истражува Националниот одбор за безбедност на транспортот, додаваат тие.
Според веб-страницата за следење летови Flight Aware, се чини дека Cessna се приближувала до пошироката област на Њујорк пред да направи круг од речиси 180 степени и да заврши во Вирџинија.
Воените авиони Ф-16 биле испратени од заедничката база Ендрјус, објави ABC News, цитирајќи неименуван официјален претставник. Најмалку еден воен пилот видел дека пилотот на Цесна се онесвестил, соопшти ABC.
Кршењето на звучната бариера вознемирило многумина во Вашингтон, кои твитнаа за силната бучава и тресење на земјата и ѕидовите. Неколку жители пријавиле дека ја слушнале вревата дури до Вирџинија и Мериленд.