Американец објавил дека е мртов за да избега од законот, го нашле на респиратор во Шкотска

Американски бегалец за кој се верува дека ја лажирал сопствената смрт е уапсен во болница во Глазгов. Сега му се заканува екстрадиција.

Николас Роси е баран од Интерпол и се соочува со обвиненија за силување во Јута, САД. Во декември, тој бил примен во Универзитетската болница „Кралица Елизабета“ во Глазгов поради инфекција со коронавирус, каде што го користел лажното име Артур Најт. Шкотската полиција соопштила дека тој бил приведен врз основа на меѓународна потерница.

Американските власти потврдиле дека 34-годишниот Роси бил познат и како Николас Алахвердијан во државата Род Ајленд, каде бил вклучен во локалната политика и бил критичар на државниот систем за згрижување деца, пишува Би-Би-Си.

Роси за американските медиуми во декември 2019 година изјавил дека има доцна фаза на Хочкиновиот лимфом и дека му преостануваат уште неколку недели живот. Некои медиуми објавиле дека тој починал во февруари 2020 година.

Во ин мемориамот објавен на Интернет бил прогласен за „воин кој две децении се бореше на првите линии за правата на децата“. Се пишувало и дека неговата пепел била расфрлана по морето.

Роси бил пронајден на одделот за интензивна нега во болницата во Глазгов каде бил на респиратор. Медицинскиот персонал не знаел дека е на црвената листа на Интерпол. Тој бил уапсен на 13 декември.

Судските записи покажуваат дека бил баран во САД поради наводно силување. Избегал од властите во неколку американски држави.

Новиот „Ford Mondeo“ не доаѓа во Европа

Новиот „Ford Mondeo“ ( кој е претставен во Кина) нема да пристигне во Европа каде продажбата на лимузини со средна големина со години опаѓа.

Од германски „Motor1.com “ ја контактирале локалната филијала на „Ford“ и портпаролот потврдил дека називот „Mondeo“ ќе продолжи да живее само во Кина.

Како што првично е најавено пред речиси една година, „Mondeo“ со евро-спецификација во сите три каросериски изведби, ќе биде официјално повлечен во март 2022 година кога ќе се заврши производството во фабриката во Валенсија.

Инаку тоа е еден од најстарите модели во својот сегмент со оглед на тоа дека автомобилит постои веќе со децении. Називот „Mondeo“ ќе биде укинат во Европа по 30 години откако „Ford“ со него пред три децении го замени моделот „Sierra“.

Ѓоковиќ купил данска фирма која развива лек против Ковид

Новак Ѓокович купил 80 отсто удел во данската компанија „QuantBioRes“, која развива терапија против Ковид-19, потврди генералниот директор на компанијата Инан Лочаревиќ за Ројтерс.

Според данскиот деловен регистар, Јелена и Новак Ѓоковиќ се вистински сопственици на данската компанија од 3 јули 2020 година. Уделот на Јелена во сопственост е 39,2 отсто, а на Новак 40,8 отсто.

Директорот на компанијата Иван Лончаревиќ изјавил дека инвестицијата била реализирана во јули 2020 година, но одбил да каже колкава е нејзината вредност, пишува Ројтерс.

„QuantBioRes“ вработува 11 научници во Данска, Австралија и Словенија, а примарна цел на компанијата е да се развие лек против Ковид, а не вакцина, вели Лончаревиќ.

Компанијата развива пептид што го спречува коронавирусот да ги инфицира човечките клетки и очекува да започне со клинички испитувања во Велика Британија ова лето, вели Лончаревиќ.

Портпаролот на Ѓоковиќ не одговорил на барањето за коментар, пренесува Ројтерс.

Инаку, Ѓоковиќ не е вакциниран против Ковид, а деновиве е депортиран од Австралија и не може да настапи на Австралија Опен, пишува Индекс.хр.

Србија: Над 17.000 нови случаи со Ковид-19, починале 28 лица

Во последните 24 часа се регистрирани уште 17.318 новозаразени со коронавирусот во Србија.

Од последиците на Ковид-19 починале 28 лица.

На респиратори се наоѓаат 112 пациенти.

Како што е наведено, во последните 24 часа се анализирани 36.434 примероци а 2.619 лица се наоѓаат на болничко лекување.

притисни ентер