Алијанса за Албанците: Да се обезбедат формулари на албнаски јазик за изолирани граѓани во карантин во Струга

Никој нема право да присили некого да потпише нешто без да прочита и да разбере што треба да потпише. 

Ова право им е одречено на неколку изолирани лица на државната карантина во Струга, од кои е побарано да пополнат некои формулари и изјави на македонски јазик за организација на авионски превоз од Виена.

Лицата за кои станува збор со право се повикуваат на законот за употреба на јазиците, барајќи обрасците да бидат и на албански јазик за да бидат свесни и да го разбираат тоа што го потпишуваат. Тие исто така бараат подобри услови и похумано однесување од полицискиот персонал.

Ова барање доаѓа од изолираните луѓе кои на нивното барање за обрасци на албански јазик го добија следниот одговор: „Нека дојде Зиадин Села да ви помогне сега"!

Тоа што се случува во овој карантин е кршење на законот од страна на самата држава, повреда на правото за информирање на мајчин јазик и психичко малтреторање на изолираните лица!

Алијанса за Албанците ги повикува надлежните органи итно да реагираат и да ги исполнат своите обврски кон секој граѓанин без разлика! Исто така, секторот за внатрешна контрола треба да бара одговорност за однесувањето на полициските службеници кои не ги почитуваат граѓаните.

Владата мора да ги знае своите обврски и да биде одговорна за исполнување на истите. Изолираните граѓани во карантин не смее да се чувствуваат загрозени и несигурни за нивното здравје.

Алијанса за Албанците

притисни ентер