Таков е примерот со поранешниот уругвајски претседател Хозе Мухика, кој го красеше епитетот најсиромашен лидер на светот. Десетина години откако си замина од функцијата со рекорден рејтинг од 70 проценти, славниот Пепе како што го нарекуваат и во деветата деценија од неговиот живот, се уште е доста популарен. Иако беше шеф на државата во краток период од 2010 до 2015 година, сепак постави нови стандарди за функцијата.

-Тие што сакаат многу пари, мора да излезат од политиката. Дали тоа значи дека треба да се казнат тие кои сакаат многу пари? Не. Тие треба да бидат во трговија, во индустриите каде богатството се зголемува, во секакви бизниси итн. Тоа е во ред, таму да. Но, не во политика. - Хозе Мухика

Познат по неговиот скромен животен стил, Мухика се откажа од 90 проценти од платата висока 12 илјади долари кои ги намени за добротворни цели. Наместо од претседателската вила, државата ја водеше од трошна колиба во предградието на Монтевидео, опкружен со животни и миленици, меѓу кои и Мануела, кучето со три нозе кое го спасил со сопругата. За разлика од многу негови колеги, Мухика стана познат и по тоа што на работа доаѓаше со сината буба која ја поседуваше од далечната 1986 година.

-Скромноста за нас е алатка за да имаме слобода. Ако имам многу материјални работи или врски, јас ќе го поминам животот барајќи ги тие приврзаности. - Хозе Мухика

Неговата популарност придонесе неговата сопруга Лусија Тополански, која исто така долги години е во политиката да стане и потпретседателка на Уругвај, само две години откако тој си замина од функцијата. Мухика по крајот на мандатот се откажа и од претседателската и сенаторската пензија, а останува и единствениот светски лидер кој за време на својот мандат ги легализираше, еднополовите бракови, марихуаната и правото на абортус.

Не е во училиште, туку во дворот на црквата Свети Спас во скопското село Кожле. Списокот на гласачи не е долг. Има вкупно 18 гласачи. Гласањето е во трпезаријата на црквата. Мирно пријатно со христијанските симболи граѓаните оние малкумина кои останале во оваа просторија гласаат на изборите претходно биле локалните. Училиште нема.

„Нема друго место единствена просторија е оваа црковна трпезарија“, вели Неал Абдул Ибраими од избирачкиот одбор.

Живко Добревски жител на селото Кожле е еден од 18 гласачи вообичано гласаат шестмина од селото другите се иселени низ европските земји. Тој по пензионирањето се вратил во родното Кожле. Знае дека местото на гласање е невообичаено но тоа единственото место. Претходно се гласало во приватна куќа.

Пред гласањето можност за граѓаните да заплат свеќа во старата црква Свети Спас изградена според пишаните податоци во 1847 година. Црквата со вековна убавина и уникатен иконостас оставен на времето и на неколкумината жители да го одржат духот на верата и убавината на старите фрески.

А до црквата од селото има 900 метри пат, по синоќшниот дожд поплавен и со кал, но жителите верни на изборниот ден и на посетата на црквата. Веруваат дека краткиот земјен пат до цркавата и гробишата каде е погребан и потекнува и од Кожле македонскиот бисер во книжевноста Гане Тодоровски ќе биде направен.

Избирачкиот одбор вели станале во четири часот изутрина за навреме да стигнат ќе бидат тука и во наредниот круг на гласање бидејќи воздухот и природата се нешто што го нема во урбаните гласачки места.

Програмерските плати повторно на врвот. Просечните примања на информатичарите во земјава изнесуваат 93.852 денари, објави Државниот завод за статистика, а највисоката просечна бруто плата исплатена во овој сектор изнесувала над 2300 евра (142410 денари)

После програмерите, следуваат вработените во Воздухопловен транспорт со просечна нето плата од над 1100 евра и Телекомуникации со 65.134 денари.

Нешто под илјада евра нето плата добиваат работниците во фармацевтската индустрија и вработените во стручните, научни и технички дејности.

ДЗС соопшти дека просечната бруто плата во земјава за февруари изнесува 58.967 денари, додека пак нето платата за истиот месец е 39.276 денари.

Од друга страна пак, вработените во заштитните и истражните дејности земаат најниски просечни плати кои изнесуваат 22.702 денари.

Гледано по сектори, најниска просечна плата е во објекти за сместување и сервисни дејности со храна, со 27.617 денари. А, под општиот месечен просек се платите во снабдување со вода; отстранување на отпадни води, управување со отпад и дејности за санација на околината – 30.953 денари, па во земјоделство, шумарство и рибарство – 31.362 денари, каде што најнизок, од 24.815 денари е во рибарство и аквакултура.- Државен завод за статистика

Трошоците за живот и натаму растат. Минималната синдикална кошница за првпат ја надмина и психолошката граница од 60 илјади денари со скок од 1.200 денари во однос на март.