– По претходно мапирање на сите пораки кои шират говор на омраза, денеска започна акцијата која ќе трае во текот на викендот. Во Тафталиџе 1 се отстрануваа натписите од амбулантата, која е во близина на гимназијата „Георги Димитров". Паралелно со оваа активност, се интензивира и одржувањето на хигиената на улиците, парковите и другите фреквентни зони, соопштуваат од Општина Карпош.

Изминативе денови, од Општина Карпош информираат дека организирале активности кои симболизираат хуманост, солидарност, заштита на животната средина, поттикнување креативност кај младите. – Затоа беше организирана акција за дарување на крв, започна садењето на 450 дрвја, беше распишан конкурс за пишување и цртање, а општинските служби подготвуваат и донација на 80 пакети за најранливите категории на граѓани, се наведува во општинското соопштение.

Оттаму посочуваат дека основната цел на локалната самоуправа, особено во време на пандемија е да презема низа активности, со што настојува да биде вистински сервис на граѓаните.