Македонија

АХВ: Високите температури опасност од труење со храна и за здравјето на животните

Храна да се купува од одобрени оператори, да се води сметка за изгледот, рокот на употреба и нејзино соодветно чување, а лесно расипливите продукти да се купуваат исклучиво од објекти каде производите се чуваат во разладни уреди.

За да се елиминира можноста од труење со храна поради високите температури неопходно е да се направи правилен избор, набавка и транспорт на продуктите, советува Агенцијата за храна и ветеринарство и предупредува дека со порастот на температурите над 30 степени се зголемува опасноста од труење со храна, а тие можат да се одразат и на здравјето на животните.

-Храна да се купува од одобрени оператори, да се води сметка за изгледот, рокот на употреба и нејзино соодветно чување, а лесно расипливите продукти да се купуваат исклучиво од објекти каде производите се чуваат во разладни уреди. Да се избегнува купување и да не се користи храна со оштетена амбалажа (нагмечена, надуена или напукната), а оладените или замрзнатите производи да се купуваат на крајот од пазарењето. Месо, млеко и јајца да се купуваат на крај на пазарењето, а овие производи да се внимава не се чуваат долго време во автомобил и други транспортни средства каде температурите се многу високи, соопшти денеска АХВ.

Советува пред подготовка на храната добро да се измијат рацете, оладената храна да се чува на температура пониска од 5, а топлата храна на температура повисока од 60 степени Целзиусови. Овошјето и зеленчукот темелно да се измијат под млаз вода, месото, млекото и јајцата термички добро да се обработат. Ако по подготвувањето храната не се консумира веднаш, таа треба да се чува во фрижидер. Рацете често да се мијат во текот на подготовката на храната. Во фрижидер на најгорните полици да се чува зготвената храна, а на подолните суровата. Храната да се заштити од инсекти и глодари, но и од миленичињата и другите животни кои може да ја контаминираат.

-Доколку решите да консумирате купена веќе подготвена храна или да јадете во угостителски објект, одберете места кои имаат добра репутација. Доколку сте купиле топла, оладена или замрзната храна, треба што побрзо да ја донесете дома и веднаш да ја ставите во ладилник или замрзнувач. Проверете дали лицето кое послужува храна користи посебни штипки за различни видови храна, во објектите за брза храна, одбегнувајте ги додатоците кои не стојат во ладилник како што се мајонез, кечап, крем салати, сосови, преливи и сл, стои во соопштението.

Како што укажува АХВ, високите температури претставуваат голем стрес за секое животно кој може да се манифестира со намалено консумирање на храна, зголемена потреба за вода, намалено производство на млеко и слаб прираст. Доколку животните се држат во несоодветни услови, кога температурите се исклучително високи, во објекти каде има висок процент влага и недоволна вентилација, кај животните може да дојде до појава на топлотен удар. Сончаницата се појавува како последица на непосредно, директно изложување на сончевото зрачење. И во двата случаја, исходот може да биде фатален доколку не се делува на време и доколку животните се изложуваат на напорната работа, или транспортот при високи температури.

-Забрзано и плитко дишење, несигурен од (тетеравење), изразена зголемена телесна температура, забрзан пулс, исплашен поглед, зголемена жед, тикови и грчеви на мускулите се некои од симптомите по кои може да се препознае топлотниот удар кај животните. Во вакви услови неминовно е итно да се реагира. Животното да се смести во ладовина или во разладена просторија, каде има доволно количество на воздух, да му се даде доволна количина свежа вода. Телесната температура да се намали со туширање/прскање со умерено ладна вода, или со покривање на главата и вратот со ладна и влажна крпа, водејќи сметка ладењето на животното да не биде премногу брзо, советува АХВ.

Укажува и домашните миленици да не се оставаат во затворен автомобил што е директно изложен на сонце, како и да се избегнуваат прошетки во текот на најтоплиот период од денот.

-За да се избегне топлотен удар, животните кои се одгледуваат на фармите треба да се држат во проветрени простории (отворање на сите прозори и употреба на вентилација како и уреди за разладување), да се внимава на населеноста (густината) на единките во објектите. Тие треба да бидат заштитени од директните дејства на сончевите зрачења, односно, на испустите потребно е да има натстрешници или природни ладовини за нив. Излегувањето на животните да се врши во раните утрински, или вечерни часови, период во кој треба да се организира и нивниот транспорт, препорачува АХВ

Хороскоп

Дневен хороскоп за 23. април 2024 година

Дневен хороскоп за вторник, 23. април 2024 година. 

Бик 21.4- 20.5.

Љубов

Оние кои сеуште бараат сродна душа , денеска на лесен и пријатен начин би можеле да ја најдат меѓу колегите од работа или на место поврзано со работата.

Кариера

Слободно може да и се препуштите на работата , зашто во активностите ќе најдете се она што сте го очекувале.

Здравје и совет

Одличен ден за вработените.

Близнаци 21.5.-21.6.

Љубов

Во вториот дел на денот би можеле да доживеете вистинска љубовна екстаза и остварување на соништата што долго време сте ги сонувале.

Кариера

Одличен ден за сите дејности поврзани со луѓе или со смисла за естетика. Работите се одвиваат се подобро и подобро.

Здравје и совет

Се чувствувате одлично.

Рак 22.6-22.7.

Љубов

Доколку во емотивните прашања се потпирате на вашиот внатрешен глас, денеска тоа може да ви донесе многу среќа и задоволство.

Кариера

Сите работи поврзани со алтернативното , како и оние поврзани со психологијата ,денеска ќе се одвиваат исклучително добро.

Здравје и совет

Бидете она што сте.

Лав 23.7-22.8.

Љубов

Неврзаните контакти денеска би можеле да ви донесат лично освежување. Оние кои се сами , нека излезат барем на кафе.

Кариера

На кусо службено патување ќе сфатите дека треба да прифатите она што другите ви го предлагаат , заедно со ризикот што оди со тоа.

Здравје и совет

Не анализирајте премногу.

Девица 23.8.-23.9.

Љубов

Вашата најдрага личност веројатно со недоличен потег или говор ќе навреди некого од вашето семејство. Обидете се да ја ублажите кавгата.

Кариера

Премногу размислувања за тоа како соработувате со други ќе ви го одземе скапоценото време.

Здравје и совет

Верувајте и на својата интуиција.

Вага 24.9.-23.10

Љубов

Нивото на вашата самодоверба ќе биде високо , а шансите за дружење отворени. Многумина осамени денеска ќе запознаат нови лица.

Кариера

Со добра финансиска поддршка денеска би можеле да дефинирате дел од работите со странство.

Здравје и совет

Одете до крај без двоумење.

Шкорпија 24.10-22.11.

Љубов

Додека минува денот, полека ќе сфаќате дека некои особини на саканата личност ве возмнемируваат. Прифатете ги , зашто чувството на немир е минливо.

Кариера

Некој од вашите надредени денеска би можел да застане на патот на вашите напредни идеи.

Здравје и совет

Издржете.

Стрелец 23.11.-21.12.

Љубов

На повеќето љубовни настани вие ќе најдете некаква забелешка. Обидете се работите да ги гледате со помалку строгост и опуштете се.

Кариера

Можни се неконтролирани финансиски издатоци. Држете се до зацртаниот план и правете минимални поместувања.

Здравје и совет

Некои ќе го изгубат гласот поради болки во грлото .

Јарец 22.12.-20.1.

Љубов

Денот е добар за неврзано дружење на кафе. Излезете на воздух, прошетајте се , а особено ако се уште сте сами.

Кариера

Нема ништо да се случи доколку само чекате. Треба да се покажете , дас е јавите , дасе претставите.

Здравје и совет

Комуницирајте.

Водолија 21.1.-19.2.

Љубов

Фазата на уживање во љубовниот живот ќе продолжи и денеска. Ќе имате речиси се што би можеле да посакате.

Кариера

За да успеете , потпрете се на самите себеси. Вие сте најдобар патоказ , како за себе , така и за луѓето околу вас.

Здравје и совет

Се враќате низ сеќавањата.

Риби 20.2.- 20.3.

Љубов

Партнерот ќе очекува нежност , а вие ќе бидете повлечени во својот свет. Се ќе биде подобро со малку поголема отвореност.

Кариера

Луѓето со кои соработувате денеска нема да бидат целосно сигурни во која насока да се продолжи со започнатото.

Здравје и совет

Кашлица.

Овен 21.3-20.4.

Љубов

Во емотивните прашања ќе имате големи очекувања. Ќе сакате другите да ве галат и чуваат. Како ќе биде , зависи од партнерот.

Кариера

Ќе продолжите да ги развивате своите инвентивни идеи , додека во исто време ќе наопредува и соработката со колегите.

Здравје и совет

Во добра форма сте.

Живот

Потрошила 1.400 евра на операција на очните капаци

Ѝ се случило нешто на што не се надевала, но одлучила да истрае

Џема Гилфо е шминкерка која никогаш не била задоволна од својот изглед.

Џема Гилфо (39) е шминкерка од англискиот град Ливерпул, која отсекогаш ги мразела своите спуштени очни капаци кои изгледале како „клапнати“. Како што стареела, тоа станувало се поочигледно, па на прагот од петтата деценија решила конечно да оди на операција на очните капаци.

Потрошила 1.400 евра за отстранување на вишокот кожа од очните капаци. Според неа, како некој што работи во индустријата за убавина веќе 19 години, порано не можела а да не се споредува со жените што ги шминкала.

- Очните капаци природно ми се спуштени и ги мразам од кога знам за себе. Не можев а да не им се восхитувам на жените со совршени очни капаци, бидејќи нивната шминка беше совршена. Направив операција за подобро да ми стои шминката и не се покајав - објаснила таа.

Операцијата ја направила во Амстердам, а несаканиот ефект е лузна од 5 сантиметри над десното око во периодот на закрепнување. И покрај лузната, Џема не се кае за интервенцијата и вели дека е многу возбудена што ќе може да ги нашминка своите „нови очни капаци“.

Гилфо првпат слушнала за можноста за отстранување на вишокот кожа на очните капаци од своите клиенти. Жените во нејзиниот салон за шминка редовно разговарале на оваа тема. Џема претходно истражила некои клиники во Ливерпул, пред да одлучи тоа да го направи во Амстердам. Таа преку телефон имала триесетминутна консултација со специјалист, за да биде подетално информирана за постапката.

Операцијата била изведена со локална анестезија и траела околу 30 минути. Сепак, по операцијата, очите добиле модринки и имале оток во следните шест дена. Лекарите ѝ објасниле дека крајниот ефект од операцијата ќе го добие по четири месеци. Џема е воодушевена од резултатите, иако процесот на закрепнување е во тек.

- Се чувствувам одлично, ми се допаѓа што го направив тоа. Сосема е безболно и не ми е толку гајле за лузната, иако имам уште два месеци до целосно заздравување. Очите ги мијам со солен раствор, строго избегнувам сапун на лице, додека од аналгетици пијам парацетамол и ибупрофен. Конечно сум целосно задоволна од својот изглед и среќна сум што решив да направам нешто што долго време го посакував – објаснила таа за Дејли стар.

Извор: srecna.republika.rs

Здравје

Редовното земање на овие суплементи може да биде опасно

Токсиколозите предупредуваат на несаканите ефекти  

Диететските суплементи помагаат во подобрување на здравјето, зајакнување на имунитетот, но постојат и такви со кои треба да бидеме посебно внимателни.

Со продажбата на суплементи фармацевтските компании остваруваат голем профит бидејќи луѓето ги користат повеќе од кога и да е. Тие имаат позитивен ефект на целокупното здравје, но претераната употреба може да има и негативни последици, предупредуваат стручњаците.

Една студија од минатата година сугерира дека дури 89% од 57-те тестирани суплементи немале точно наведени состојки на етикетите.

Стручњаците препорачуваат хранливите материи да се внесуваат преку исхраната. Професорот Роб Чилкот, шеф на Одделот за токсикологија при Унивезитетот Херефордшир во Велика Британија, предупредува на долгорочните ризици од земањето премногу суплементи.

Магнезиум

Магнезиумот е многу важен за здравјето на нашите мускули и нерви, како и за регулирање на нивото на шеќер во крвта. Препорачаната доза за возрасни е помеѓу 310 и 420 милиграми, во зависност од полот и возраста. Ако сте земале повеќе од 500 mg на ден, тоа може да предизвика поспаност, губење на рефлексите, црвенило на лицето, а понекогаш и парализа и смрт. Консумирањето на овој додаток, според лекарите, може да го намали нивото на калциум, што може да предизвика цела низа други здравствени проблеми како депресија, аритмија и слично, наведува една клиника во Кливленд. Исто така, луѓето кои имаат слаба функција на бубрезите се особено изложени на ризик од предозирање со магнезиум.

Витамин Ц

Витаминот Ц му помага на имунолошкиот систем да функционира и му помага на телото да го апсорбира железото. Се смета за безбеден и предозирањето со овој витамин е исклучително ретко. Оптималната дневна граница е помеѓу 75 и 90 mg, но возрасните можат да земаат до 2.000 mg од овој витамин дневно. Земањето повеќе од оваа горна граница може да предизвика замор, проблеми со бубрезите и недостаток на витамин Б12. Луѓето кои страдаат од гихт, цироза и бубрежни заболувања особено треба да избегнуваат високи дози на овој витамин.

Витамин Д

Витаминот Д има повеќе улоги и е важен за нашиот имунолошки систем, мускулите и нервите и за коските. На луѓето им се советува да внесуваат по 15 mg на ден и не повеќе од 100 mg, што е иста количина како да сте изеле 13 јајца. Малку е веројатно дека ќе развиете симптоми од голема доза на витамин Д, доколку земате доза помала од 250 mg дневно. Овој додаток е еден од поризичните доколку се претера, но здравствените придобивки од овој витамин ги надминуваат неговите ризици. Предозирањето со овој витамин го зголемува нивото на калциум во крвта, што доведува до конјунктивитис, болка, треска, повраќање и губење на тежината, се наведува на bussinesinsider.com

Рибино масло

Иако лекарите и нутриционистите ја нагласуваат важноста на омега 3 масните киселини бидејќи тие се важни за функциите на срцето, крвните садови и белите дробови, и за овој додаток постојат ограничувања. Безбедно е да се земаат до 2 грама рибино масло, што е еквивалентно на една порција варен лосос. Главниот ризик поврзан со внесувањето рибино масло се тешките метали и живата што може да ги содржат рибите поради загадените води. Иако рибите се прочистуваат од тешките метали, една студија покажала дека суплементите со рибино масло не содржеле арсен, бакар, железо или жива, но истата студија потврдила дека неколку суплементи на рибино масло содржеле олово.

Извор: srecna.republika.rs

притисни ентер