Ахмети: Во пресрет сме на донесување големи одлуки, се уште нема договор меѓу ДУИ и СДСМ

Лидерот на ДУИ, Али Ахмети денеска на годишнината од потпишувањето на Охридскиот Рамковен договор ги повика лидерите на другите партии на Албанците на средба, но тие не дојдоа во скопскиот хотел Парк.

Ахмети искажа разочарување што тие не дошле на овој ден, кога се одбележува годишнината од потпишувањето на Охридскиот рамковен договор. Тој рече дека договор за коалиција и формирање Влада со СДСМ се уште нема и дека тој и лидерот на СДСМ Зоран Заев и денеска ќе имаат средба.

– Ги повикав албанските политички партии за да им се заблагодарам за заедничката соработка при донесувањето на Законот за јазици, уставните измени и друго. Сакав да ги слушам и нивните предлози и забелешки. Многу ми е жал што тие не дојдоа на денешната средба. Би сакал нивното недоаѓање да не го користат за политички цели. Во пресрет сме на донесување на големи одлуки, истакна Ахмети на брифинг со новинари. Во изјавата потоа тој изрази жалење и разочарување што тие не одговорија на денешниот повик за средба на денот на потпишувањето на Охридскиот рамковен договор.

Ахмети истакна дека би сакал сите да преземат одговорност за „сето тоа што е пред нас и очекува решение од наша страна, од сите нас кои баравме поддршка од граѓаните".

– Овие заеднички постигнувања кои се постигнувања за сите Албанци и за сите граѓани на Република Северна Македонија, Македонци, Албанци, Турци, Срби, Власи, Бошњаци… затоа што над се доби нашата заедничка држава, доби мир, стабилност, сигурност, хармонија и доверба помеѓу заедниците дека во оваа земја може да има иднина, дека оваа држава може да се живее и може заеднички да живееме, рече Ахмети.

Според него, денеска е историски ден и затоа на овој ден ја свикал средбата со цел лидерите на партиите на Албанците да разговараат.

– Во врска со коалицирањето пред и по кампањата јас изјавував дека треба досегашните коалициони партнери да продолжат. На овие избори сите беа против ДУИ, но граѓаните одлучија ние да ги претставуваме. Изборната кампања да ја оставиме зад нас. Уште нема договор меѓу нас и СДСМ. Ако се забарикадираме не е добро за државата. Во ДУИ ќе преодвладува разумот и логиката, рече Ахмети на брифингот.

ДУИ, како што кажа, ги има поставено црвите линии, Охридскиот договор, Преспанскиот договор и Договорот за добрососедство, ветинг и премиерската позиција.

– Но, сакам од нив да слушам која е причината за неприфаќање на премиерот. Мислам дека ова прашање ќе биде разјаснето по завршување на овој процес, рече Ахмети, кој потврди дека денеска ќе има средба со лидерот на СДСМ, Зоран Заев.

Лидерите на Алијансата за Албанците и Алтернатива Зијадин Села и Африм Гаши, како и Билал Касами од Беса се изјаснија дека нема да одат на средбата, додека Мендух Тачи од ДПА не се изјасни.

Видео - НБА: Финале на Истокот, Мајами повторно подобар од Бостон

Кошаркарите на Мајами предводени од одличниот Горан Драгиќ се вратија од негатива од минус 17 кошеви и по втор пат во финалето на Истокот во НБА го победија фаворизираниот Бостон. 

Мајами со 106-101 го победи Бостон за водство во големото финале на Источната конференција од 2-0.

Во Орландо повторно словенечкиот бек Горан Драгиќ одигра уште еден маестрален меч . Искусниоит плеј со 25 поени и 5 асистенции беше најзаслужен за вториот триумф на „Жешките“ над Селтикси.

Кошаркарите на Бостон подобро го отворија дуелот и на полувреме заминаа со убедлива предност од 13 поени (60-47).

Но стартот на второто полувреме мина во знакот на кошаркарите на Мајами кој ја добија третата делница со плус 20 кошеви и го најавија резулатскиот пресврт.

Покрај одличниот Драгиќ кај Мајами солиден меч одигра и Бем Адебајо со 21 поен.

Во редовите на поразениот Бостон Кемба Вокер заврши со 23,а Џејсон Тејтум и Џејлен Браун уфрлија по 21 кош.

СДСМ: Уште повеќе инвестиции во инфраструктурата

Уште повеќе инвестиции во инфраструктурата, изградба и рехабилитација на над 2.000 километри патишта во новиот мандат на Владата предводена од СДСМ.

Владата предводена од СДСМ, во наредните четири години ќе се посвети на високо ниво на реализација на капиталните инвестиции како услов за заздравување на домашната економијата.

Инвестициите во инфраструктурата ќе се реализираат преку изградба и рехабилитација на над 2.000 километри патишта и тоа 250 километри автопатна мрежа, изградба на 300 километри експресни патишта, над 1.000 километри рехабилитација на регионални патишта и рехабилитација на околу 450 километри локални патишта.

Ќе се инвестира и во комуналната инфраструктура преку изградба на нови 500 километри водоводни и канализациони линии, а истовремено утврдена е динамиката на изградба на преку 700 социјални станови.

Фокус на Владата и понатаму останува изградбата на пругата на Коридор 8, со започнување на втората и третата фаза од железничкото поврзување со Република Бугарија, како и пуштањето во сообраќај на новата пруга од Битола до Кременица.

Приоритети се изградба на автопатот Кичево-Охрид, целосна реконструкција на патниот правец од Струга до граничниот премин Ќафасан, започнување со постапка за проширување на автопатот Тетово-Гостивар. Истовремено се врши проектирање за изградба на нов автопат од Гостивар до Кичево како и со изградба на автопатот Скопје-Блаце.

Во овој мандат ќе започне изградба на нови два експресни патишта: Смоквица-Струмица-Ново Село и Битола-граничен премин Меџитлија со обиколница Битола, а продолжува втората фаза на изградба на експресните патишта Штип-Радовиш, Штип-Кочани, Ранковце-Крива Паланка и Градско-Прилеп.

Со подобрување на урбанистичкото планирање ќе се обезбеди вистински развој на урбаните средини преку рационално и хумано планирање на просторот, каде нема повеќе да се дозволува узурпација на просторот.

Градиме по план, инвестираме во иднината на граѓаните.

СДСМ

513 санкционирани возачи во Скопје: 148 за пречекорена брзина, 82 мотоциклисти

Министерството за внатрешни работи во текот на вчерашниот ден (16.09) продолжи со засилените акциски контроли во областа на сообраќајот. 

На територија на град Скопје во текот на вчерашниот ден изречени се вкупно 513 санкции, меѓу кои возење без возачка дозвола 35 лица, пречекорување на дозволената брзина на движење 148 прекршоци, нерегистрирани и технички неисправни возила 39, 82 санкционирани мотоциклисти и четири одземени мотори, 75 мерки за непрописно паркирани возила и 72 возила подигнати со пајак (вкупно 147), а изречени се и 104 санкции за неносење на заштитна маска.

Засилените сообраќајни контроли продолжуваат и во наредните денови.

притисни ентер