Ахмети: Дехари е градоначалник за сите и затоа да го дадете својот глас за него

Фатмир Дехари е градоначалник за сите и затоа да го дадете својот глас за него, повика вечерва лидерот на ДУИ Али Ахмети на предизборниот митинг на партијата на градскиот плоштад во Кичево.

Ахмети ги истакна досегашните резултати на Дехари како градоначалник за сите во оваа општина и потенцира дека тој ќе продолжи и понатаму да го гради и да го осовременува Кичево.

– Зад нас е времето на Охридскиот договор.Ние сега вртиме нова страница за зелено Кичево, за чист и развиен град, град на интелектуалци.Нашиот кандидат Фатмир Дехари низ овие осум години потврди дека бил градоначалник за сите во оваа општина и во тој правец нека потврди и проектот за изградба на капела кај православните гробишта во Кичево. До транзицијата немавме ниту еден универзитет, а сега ги имаме неколку. Најновиот Мајка Тереза, ќе се всели во новата зграда што ќе се изгради во скопската касарна. Уште еднаш апелирам до гласачите, до нашите граѓани, другари и пријатели да гласаат за Фатмир Дехари, кој како и во претходните два мандати ќе ги исполни вашите и наши очекувања, порача Ахмети од Кичево.

Кандидатот за градоначалник за трет мандат на овие локални избори Фатмир Дехари, најави забрзан развој на Кичево, град на задоволни граѓани, чист и привлечен за сите негови жители и без понатамошно иселување.

– Кога во 2013 година дојде до трансфер на власта, постоеше одредена резерва кај многумина како понатаму ќе функционира оваа општина и градот Кичево. Но и сами можете да бидете сведоци каков препород доживеа градот во изминатите осум години, рече Дехари и најави целосна транформација на градот и општината.

Дехари и најави враќање на дел од дијаспората во Кичево и нови инвестиции од нивна страна и ја повика младината да остане тука.

– Со неговите ресурси и богатство Кичево ќе инспирира и враќање на граѓаните од дијаспората да инвестираат во татковината и да го направат Кичево атрактивно место во сите правци.Столбот на општеството, напредокот, сплотени рамо до рамо, кичевска младино ве повикувам да бидете составен дел од градот кон нашата заедничка трансформација. Ве замолувам да не носите брзи одлуки, емотивни и депресивни одлуки за заминување, но ве охрабрувам да ги обедините желбите и заедно да ги надминете тешкотиите и да создадеме можности и вработување и во јавниот и во приватниот сектор, посочи Дехари во своето обраќање.

Најави и дека има визија за екомоски развој на градот и општината и за повисок стандард на неговите жители.

– Да се свртиме кон економски развој и сите да се сплотиме независно од политичка, верска и национална припадност и нашата општина да биде на врвот што ги исполнила условите и животните стандарди кои повикуваат и враќаат од очај. Ја враќаат среќата изгубена со децении и ги надминуваат намалените можности за достоинствен живот и здрава животна средина, рече Фатмир Дехари.

На митингот, пред голем број присутни членови и симпатизери на ДУИ, им се обратија и Крешник Бектеши, Артан Груби и Талат Џафери.

Руски боксер со голи раце убил мечка, која смртно го повредила неговиот пријател

Од Русија доаѓаат вести кои делуваат како приказна од хорор филмови.

Илја Медведев, 23-годишен руски боксер, со пријателот ловел риба во Сибир кога ги нападнала мечка. Пријателот Вјечеслав Дудник бил нападнат и убиен од мечката, а потоа се свртела кон Медведев. Боксерот извадил пиштол и пукал, но мечката му го исфрлила од рака. Сепак, Медведев успеал да извади нож и да го избоде животното.

„Имаше крици, а потоа и пукотници. Кога пристигнав, видов дека Вјачеслав е мртов“, рекол рибар кој бил во близина и кој го префрлил Медведев во болница.

Според Дејли Мејл, тој има сериозни повреди и е во критична состојба.

Полициско куче изгризало навивач во Холандија, неговите колеги го нападнаа полицискиот коњ

На синоќешниот натпревар во Лигата одигран во Ротердам помеѓу Феенорд и Унион Берлин, имало жесток судир помеѓу германските навивачи и холандската полиција.

Според германски Билд, претставниците на навивачите тврдат дека конфликтот настанал поради лошата организација. Наводно, имало премал број вработени кои ги прегледувале ковид-потврдитее, а некои скенери биле неисправни.

Потврдите за Ковид се разгледувале многу бавно, што резултирало со голема гужва пред влезот и нервоза кај околу 2400 фанови.

Полицијата во Ротердам известува за настаните сосема поинаку. Велат дека биле цел на група хулигани и се судриле со полицијата. При жестоката тепачка имало повеќе повреди. Еден навивач бил каснат од полициско куче, а хулиганите повредиле полициски коњ. Имено, фрлањето пиротехнички средства го исплашило, па паднал со полицаецот кој го јавал.

Портпаролот на Унион ги поддржал навивачите и тврди дека организацијата била навистина лоша и дека повеќето навивачи целото прво полувреме го поминале во ред пред стадионот. Снимките и сликите, вели, ја потврдуваат крајната бруталност на домашната полиција во пресметката со навивачите.

Позната холивудска актерка е уапсена за време на протестите пред Белата куќа (ВИДЕО)

Полицијата во Вашингтон ја уапси актерката Алиса Милано додека протестирала со група истомисленици пред Белата куќа, барајќи промени на правото на глас.

„Само што бев уапсена додека протестирав и барав од администрацијата на Бајден и Сенатот да го искористат своето право и да го заштитат правото на глас. Застанете со мене и кажете им гласно на Сенатот и Белата куќа дека секој мора да ги има тие права, без разлика каде живеат ", напишала актерката на нејзиниот профил на Инстаграм.

Полицијата прво ја предупредила актерката дека заедно со членовите на здружението People for the American Way мора да се тргне од областа, во спротивно ќе мора да ги уапсат според законот кој забранува собирање толпи и окупирање на улици и тротоари.

Патем, актерката пред протестот објавила дека може да биде уапсена. „Денес ќе ризикувам апсење бидејќи минатата година беа воведени 425 закони кои го ограничуваат правото на глас“, рече Милано во видеото објавено на Твитер. „Затоа ќе барам нашиот претседател да направи се` што е во негова моќ за да ги усвои Законот за слобода на гласот, Законот за правата на глас на Џон Луис и Законот за државност на ДЦ“.

Актерката од порано е позната по својот политички активизам, а во 2019 година зборуваше за своето лично искуство со абортусот во знак на протест против рестриктивните закони, кои ги нарече „напад врз женските тела“.

притисни ентер