Агенцијата за иселеништво со нова подобрена веб страница

Првпат, иселениците и иселеничките организации, имаат можност да учествуваат директно во креирањето на содржините и доработката на веб страницата.

Тимот на Агенцијата за иселеништво во изминатите шест месеци, работеше на изработката на новата официјална интернет страница на институцијата, наменета пред се за информирање на иселениците со секојдневните случувања во државата, како и со активностите на иселеничките организации ширум светот, информираат од Агенцијата.

Изработката на новата страница, се додава во соопштението, е со цел да се внесат новитети при информирањето на јавноста како во земјата, така и во дијаспората.

– Покрај досегашните рубрики, преку кои јавноста беше информирана за активностите на нашите иселеници, во нивните матични земји, сега имаме можност, преку новите рубрики, да ја информираме дијаспората за активностите и актуелностите од општините од каде што потекнуваат самите иселеници, за новини од областа на спортот, културата и наставата на мајчин јазик, прецизираат од Агенцијата.

Оваа замисла, како што посочуваат, е пред се, да се засили веќе воспоставената соработка помеѓу иселениците, иселеничките организации со земјава, а воедно и да се обезбеди нов, модерен обостран агрегат на информации, од земјата и дијаспората.

– Првпат, иселениците и иселеничките организации, имаат можност да учествуваат директно во креирањето на содржините и доработката на веб страницата, како нивен информатор, преку давање на можност за директни сугестии и предлози во однос на содржините, велат од Агенцијата и додаваат дека се отворени за соработка, предлози и сугестии од иселениците и иселеничките организации, преку кои, посочуваат, ќе можеме да црпиме информации, кои ќе ни користат во градењето на активностите и политиките на делување на Агенцијата.

Горештините допрва доаѓаат, расте бројот на повици кон брзата помош

Некој ја бара и најмалата сенка во парковите, други под клима и не излегуваат од дома, трети пак се разладуваат во Вардар.

Скопје веќе се „крчка“, а допрва следуваат вистинските горештини, граѓаните велат жештините полека стануваат неподносливи, одвај ги чекаат одморите, а им недостасува и оној препознатлив провев во Скопје кој веќе со години го нема.

Пеколните температури може да достигнат до 40 степени, од УХМР велат ја следат состојбата, не се исклучува можноста од повторно прогласување на жолта или портокалова фаза во одредени делови од Македонија...

-Од среда, времето под влијание на топла воздушна маса ќе биде стабилно и суво, во текот на целиот ден претежно сончево со високи вредности на УВ индекс и максималните температури очекуваме да бидат во покачување и прогнозата засега е тие да бидат во интервал од 31 до 39 степени, меѓутоа состојбата секојдневно ќе се следи за да можеме да прогласиме дали ќе има жолта или портокалова фаза во однос на високите температури,-Ивана Петровиќ – Синоптичар – УХМР.

Ваквите температури се аларм и за здравјето, поготово ризик е за оние со хронични болести. Веќе поинтензивно ѕвони и телефонот на Брза Помош, каде се пријавуаат вртоглавици, несвестици, мозочни удари и потешкотии со дишењето, а зголемен е бројот и на сообраќајните несреќи, како резултат на намалена концентрација поради жештините. Д-р Карамановски вели дека во вакви случаи клучна е првата помош, додека пристигнат екипите на терен.

-Да биде тргнат на страна, дали сам, дали од околината, да побара помош, да биде седнат, легнат, да се раскопча, да може слободно кожата да дише, во ситуација каде веќе се продлабочува губитокот на свеста, да се подигнат нозете, ако има нешто солено да се касне, автоматски се качува притисокот и настанува централизација на цел крвоток,-- Д-р Ѓорѓи Карамановски – Итна медицинска помош.

Помеѓу 10 и 17 часот да не се излегува, бидејќи температурите се тогаш највисоки, а доколку мора да се излезе во тој период, клучно е да се носи вода, светла и памучна облека, капа и сериозно да се внимава на храната.

Во овој период е лесно расиплива, треба да се избегнува храна што е помрсна, да се избегнува храна што побргу се обработува, да се зема повеќе зеленчук, особено е важно да се внимава кога се земаат сладоледи или хамбургери и каде што има повеќе производи кои се прават од јајца бидејќи се полесно расипливи и често поради тие салмонели поради кои се јавува труење со храна.

Дневно на 194 и 112 поради потреба од итна помош се јавуваат стотици граѓани, но не сите имаат вистинска итност, па некогаш повиците се завршуваат и со одредени совети. Но од Брза Помош апелираат, доколку нема навистина потреба да не се јавуваат граѓаните, за да може да се помогне на оние на кои навистина им треба, бидејќи во период на одмори недостасуваат и екипи.

ВМРО-ДПМНЕ вечерва ќе ги потврди кадровските решенија во идната влада

Според најавите се очекува ВМРО-ДПМНЕ вечерва да ги потврди кандидатите за министри во идната влада.

Синоќа и Алтернатива одлучи Орхан Муртезани да биде кандидат за министер за европски прашања.

Мандатарот Мицкоски најави дека предлогот за новата влада во Собранието ќе биде испратен во вторник на 18 јуни.

Пред седиштето на ВМРО-ДПМНЕ е Ивана Стојановска.

Кога се очекуваат седниците на Централниот и Извршниот комитет на ВМРО-ДПМНЕ?

Ивана се чини дека во најголема тајност се крои составот на министрите од ВМРО-ДПМНЕ , но и одговорноста на идната влада со оглед на дадените ветувања е исклучително голема?

Целиот извештај погледнете го во видеото.

Бауш: Неоправдано е поскапувањето на лебот, очекувам заздравување на економијата

Откако за околу 10 % скокна цената на одредени видови леб – експертите велат нема реална причина за растот на цената.

Откако за околу 10 % скокна цената на одредени видови леб – екпертите велат нема реална причина за растот на цената, според познавачите бизнисот го користат вакум периодот на смена на власта, новиот закон за нефер трговски практики, а влијание според професорот Абил Бауш имаат и некогашните владини мерки за замрзанти цени и маржи.

Според Бауш непотребно се создава паника, вели очекува во следниот период заздравување на македонската економија.

„Ако гелдаме на глобално ниво и ако ги читаме резутатите, ни цената на енергенсите не е покачна нешто драматично, ниту цената на нафтените деривати, а не е нешто многу покачена ни цената на житото. Ова сега се се случува во момент кога се очекува да ги даде првите резутати и законот за нелојална конкуренција и таа предонсот од една во друга влада, некој тоа го чека за да направи паника за да се направат тие притисови за покачување на цените,“--изјави Абил Бауш – економски аналитичар.

Според Бауш, како држава имаме цел сет на одлуки со кои може да се контролира инфлацијата и да се заштити стандардот на граѓаните.

„Од Ценатраланата банка, па се до министерстовто за финансии, има централни политики на кои може да се направат среднорочни и долгорочни, кои може да ја зауздаат таа економија, иако кажав дека полседниот кваратал ние може да очекуваме и да бидеме во некој вид на економско оппоравување и да почне да се мисли на економски раст и развој.“-изјави Абил Бауш – економски аналитичар.

Во меѓувреме се крои и новата цена на струјата за домаќинствата. Според неофицијални информации минатата недела на затворена владина седница било прифатено државните електрани да ја продаваат произведената струја на универазлниот снабдувач по повисока цена, односно наместо досегашните 57 цената да изнесува 60 евра за мегават. Но какви сметки од 1 јули ќе плаќаат граѓаните ќе се знае конечно за околу 15 тина дена, во меѓувреме треба да помине и аукцијата на тендерот за набавка на струја.

Граѓаните стравуваат од нов ценовен шок.

„Скапо е скапо е претерано. Пензионерскиот живот е тежок... со 16 илјади денари каде ќе одиш.... се потешко и потешко е ... сиромаштија.... “

„Би било лудо сега струјата да се покачува кога ни зима видовме, и се штеди и не се троши многу струја, ете се направија таму тие групи скапа евтина и оние што трошат повеќе ќе си платат повеќе, тоа можда беше логично нешто направено... ајде лебот 1 2 денари не е нешто страшно... “

„Нема да се издржи, треба ли да јадат овие деца, треба струја да се пплати, а ти викаплати тоа, плати ова со што да платам.. кредити, кратички.... треба да се качат, најмалку 500 евра....кога ќе имаш пари ќе можеш да платиш и струја и вода и се и ќе има и за јадење....“

За основните трошоци за живот на едно четири члено семејство, месечно потребни му се минимум 1000 евра, покажуваат последните пресметки на синдикатите, износ кој е еднаков на две ипол минимлани плати. Предупредуваат дека ако има раст на цената на струјата тоа ќе биде нов удар врз џебот на граѓаните. Од ССМ во повеќе наврати најавија дека ќе бараат од новата влада, минимална плата од минимум 450 евра.

притисни ентер