Македонија

АА бара итна седница на Собранието за продолжување на пописот за уште 10 дена

Веќе се доближува крајот на пописот, а на наша адреса се пристигнати многу жалби од страна на граѓаните кои што се жалат дека во нивните домови не е пристигнат ниту еден од попишувачите за да ги попише. 

Ова е скандал, бидејќи законот обврзува да се посети секое домаќинство и да се попише секој граѓанин.

За жал, ваквите мрачни сценарија кои што ние како албанска опозиција ги најавивме дека ќе се случат, стануваат реалност и сето тоа заблагодарувајќи му на постојаниот вазал во владата на Северна Македонија, а тоа е ДУИ.

Пред 11 години го прекинаа пописот и не дадоа ниту едно објаснување за јавноста. Сега го одложија пописот со цел за да манипулираат со процесот и тоа можеби на секого му оди во корист, но, само на Албанците не.

Јасно е дека ние бевме единствените што се спротивставивме на одложувањето на овој процес и сега произлегува дека сме имале потполно право. Пописот се одложи, просто, за да спласне еуфоријата и мотивацијата на Албанците да се попишат. Дали некој е запознаен дека диајаспората од моментот на одложувањето комплетно го има игнорирано овој процес и не продолжи да се попишува. Значи, се докажува тоа што ние го велевме, дека ова е една политичка одлука преземена како одговор на масовното излегување на Албанците да се попишат.

Неважни се видеата со кои се рекламираат лидерите на политичките партии како се попишуваат, кога во овој процес останаа непопишани обични граѓани.

Заводот за статистика треба да работи 24 часа на ден, без прекин, ако тоа е потребно, со цел да не остане ниту еден граѓанин непопишан, а не да не им се дозволува на попишувачите да попишуваат по 5-6 домаќинства на ден со образложение дека не работи серверот- оваа информација доаѓа од попишувачите.

Собранието под итно да повика седница и да предвиди 10 додатни денови за пописот, што и беше предлог од парламентарната група на Алијанса и Алтернатива од јануари кога и се доведе законот за пописот.

Ги повикуваме граѓаните да ја искористат секоја можност за да се попишат, исто така и пријавувајќи се во центрите што ги одредил заводот за статистика, иако беше должност да се посети секое домаќинство за да се изврши пописот на населението.

Останати се уште само два дена до завршувањето на процесот на пописот и за жал уште продолжуваат проблемите на терен. На јавноста и текнува на нашите примедби кои што ги изнесувавме пред донесувањето на законот, дека заводот за статистика нема капацитет за да менаџира со еден релевантен процес. Имавме доволно аргументи. Ви текнува дека од страна на мнозинската поддршка се обија сите наши амандмани што беа поврзани со овој закон.

Исто така, јавноста многу добро знае дека ние бевме единствените што се спротивставивме на одложувањето на овој процес и сега произлегува дека сме имале потполно право. Пописот се одложи, просто, за да спласне еуфоријата и мотивацијата на Албанците да се попишат. Дали некој е запознаен дека диајаспората од моментот на одложувањето комплетно го има игнорирано овој процес и не продолжи да се попишува. Значи, се докажува тоа што ние го велевме, дека ова е една политичка одлука преземена како одговор на масовното излегување на Албанците да се попишат.

Ние знаеме дека од првиот ден пописот се одвиваше со потешкотии.

Вторио, третиот и четвртиот ден воопшто не функсионираа. Одговорот беше дека има проблем со системот или серверот, без разлика дека на седми септември директорот изјави дека сè се одвива во ред.

Примавме информации од терен дека често попишувачите чекаа пред куќите по 2-3 часа за да се рестартува системот и за да можат да ги попишат семејствата или домаќинствата.

Попишувачите на терен исто така изјавуваа дека примале наредби да ги затворат компјутерите и да не пробуваат да попишуваат со образложение дека работат на решавањето на проблемот со поправка на системот. Некои особи кои што се разбираат со функционирањето на системот, кажуваат дека системот нема капацитет да да попише повеќе од 700-900 домаќинства во исто време, а ние знаеме дека ангажирани беа 5 000 попишувачи.

И, главен проблем во последните денови, како што имаме информации, е дека во многу домаќинства немаат ниту отидено попишувачите за да ја завршат нивната задача. Уште два дена завршува пописот и ние сеуште имаме голем број на домаќинства што не се попишани.

Имаше повик/покана домаќинствата да отидат сами во општинските канцеларии, но, ова е смешно, неозбилно и покажува дека овој процес комплетно е неуспешен.

Но, што ќе се случи со тие домаќинства што немаа можност да ја добијат оваа информација!?

Значи, ве предупредуваме сите дека овој процес не се одвиваше и не се одвива за да се гарантира реализација на примарната цел на процесот на попишување. Имаше и продолжува да има многу пропусти. Ви текнува како не беше прифатен нашиот предлог со амандманот за да се има уште 10 додатни денови за да може во вакви проблематични ситуации да се одложи пописот со цел да се исполни законската одредба за попишување на целото население.

Но, категорично беше одбиен и сега кога е евидентен фактот дека многу семејства ќе останат непопишани, се поставува прашањето-Кој ќе биде одговорен за нивното непопишување? Кој ќе ја сноси одговорноста за овој неуспех? Бидејќи тие имаат законска одговорност ако не се попишат.

Не е доволен медиумски шоу на лидерите на ДУИ и останатите во власта.

Алијанса за Албанците

Македонија

Сончево, попладне со услови за краткотраен дожд

Времето денеска е сончево со мала до умерена облачност.

Попладне наместа ќе има зголемена облачност со услови за краткотраен дожд и ретки грмежи. Ќе дува слаб до умерен, а во западните делови повремено засилен ветер од југозападен правец. Во втората половина од ноќта ќе има зголемување на облачноста и на повеќе места ќе има врнежи од дожд. Максималната температура ќе биде во интервал од 16 до 25 степени Целзиусови.

И во Скопје е сончево со мала до умерена облачност. Кон крајот на денот облачноста ќе се зголемува и во втората половина од ноќта ќе има повремени врнежи од дожд. Максималната температура ќе достигне до 21 степен Целзиусов.

Според најавите од Управата за хидрометеоролошки работи (УХМР), утре ќе има повремени врнежите од дожд, а на планините повремен снег. Локално врнежите повремено ќе бидат поројни, проследени со појава на ретки грмежи. Минималната температура ќе биде во интервал од 0 до 10, а максималната од 5 до 18 степени Целзиусови. Во Скопје минималната температура ќе биде 8, а дневната ќе достигне до 15 степени Целзиусови.

Од петок следува период на претежно стабилно и потопло време со пораст на температурите на воздухот.

Македонија

Повеќе скопски села и населби утре без струја

Без струја утре од 8:30 до 14:00 часот ќе бидат дел од корисниците од улицата „Максим Горки“ и реонот Дом на градежници во општина Центар.

Во периодот од 9:00 до 14:00 часот утре без струја ќе останат поголемиот дел од потрошувачите на улица „Ринхини“ во општина Ѓорче Петров, а од 9:00 до 10:30 часот дел од корисниците од селата Визбегово, Мирковци, Бразда, Глуво, Чардак, Оризари.

Без електрична енергија од 9:00 до 15:00 часот утре ќе бидат корисниците од улица „Кавалска“ во општина Кисела Вода, а од 9:00 до 12:00 часот корисниците на патот за Долно Лисиче, од Кодакопласт, кон Паци Петрол до реката, од црлвата „Св.Петар и Павле“ по патот кон Долно Лисиче во општина Аеродром.

Без струја утре од 9:00 до 10:00 часот ќе бидат дел од корисниците од улица „4031“ во село Марино, општина Илинден, а од 9:00 до 13:00 часот корисниците од булевар „Борис Трајковски“, од Техноскоп до кружниот тек пред Драчево.

Во периодот од 10:30 до 12:00 часот без струја ќе бидат корисниците од селата Сандево, Бањане, Горњане, дел од Мирковци, а од 13:00 до 15:00 часот дел од корисниците лоцирани на улиците „Исаија Мажовски“ и „Воин Драшкоци“ во општина Ѓорче Петров.

Како што информира РЦУК - Скопје, прекините се поради планирани технички зафати во електродистрибутивната мрежа на Град Скопје.

Свет

Фон дер Лајен: Исходот од војната во Украина ќе ја предодреди нашата иднина

Исходот од војната во Украина ќе ја предодреди нашата иднина, предупреди денеска претседателката на Европската комисија, Урсула фон дер Лајен.

Во говорот што го одржа на свечената пленарна седница на Европскиот парламент во Стразбур, посветена на најголемото проширување на ЕУ во историјата - со 10, главно поранешни комунистички земји од истокот на континентот - таа ја опиша Русија како „егзистенцијална закана “ во Европа.

„Ако Русија ја добие војната, Европа повеќе нема да биде иста“, нагласи Фон дер Лајен и повика на продолжување на помошта за Украина.

„Рускиот претседател Владимир Путин ја разбира само силата. Путин мислеше дека Европа нема да и помогне на Украина, но згреши. Мислеше дека американскиот Конгрес нема да гласа за доделување нова помош за Украина, но згреши, рече Фон дер Лајен.

Таа посочи дека Украина го направила својот европски избор, а ЕУ го направила својот избор еден ден да ја прифати земјата како нејзина членка.

Фон дер Лајен посвети внимание на клучната улога на земјите кои се приклучија на Европската унија во 2004 година во помагањето на земјата нападната од Русија.

„Да живее Европа“, додаде Фон дер Лајен. /МИА

притисни ентер