АА-А: МЕПСО и ЕЛЕМ да се откажат од покачувањето на цената на електричната енергија

За жал, дури и во време на пандемија, владата преку регулаторните тела донесува одлуки со кои ги штити монополите и олигополите, додека постојано ја влошува состојбата на граѓаните! 

Повеќе од иритирачки е фактот што нашата држава сè уште игра со судбината на своите граѓани!

Зголемувањето на цената на електричната енергија за 7,4% е драстично зголемување што не би се оправдало дури и во нормални времиња, а уште помалку може да се оправда во услови на криза кога граѓаните имаат намалени приходи.

Наместо да им помагаат на граѓаните, тие се повеќе се соочуваат со дополнителни трошоци.

Образложението дека ова зголемување се должи на намалените приходи во овој сектор е скандалозно, бидејќи граѓаните платиле и продолжуваат да плаќаат сметки за електрична енергија дури и во услови на криза без никакви разлики.

Револтирани како и секој граѓанин на нашата земја, коалицијата АА-ААА бара итно повлекување на одлуката на Регулаторната комисија! Државата има обврска да им помогне на граѓаните наместо да ги оптоварува со неосновани поскапувања.

Како земја што се стреми кон Европската унија, ние имаме обврска да се однесуваме во европски дух и да се прилагодиме на европските практики кои секогаш го ставаат Граѓанинот на прво место!

Во овој поглед, коалицијата АА-ААА бара цената на електричната енергија да се намали за 20% минимум, со цел да се олесни состојбата на граѓаните додека не се надмине пандемијата, а исто така да се разгледа и индустриската тарифа за деловните субјекти. Ние како коалиција сме подготвени да ги поддржиме граѓаните по секоја цена и целосно ги поддржуваме нивните барања.

Коалиција Алијанса за Албанците и Алтернатива

Се отвори огромна дупка среде Рим и „проголта“ два автомобила (ВИДЕО)

Бездна длабока и широка околу 10 метри проголта два автомобила среде ноќ во Рим, поради што интервенираше полицијата.

Инцидентот се случил околу еден часот по полноќ, а две возила Дачија и Рено завршиле во дупката.

Полицијата веднаш реагирала, ја затворила улицата и го обезбедила просторот, јавуваат италијанските медиуми.

Поставен е кордон, а се уште не се знае зошто се урнал асфалтот.

Не се знае дали има повредени во инцидентот.

Најмалку 45 загинати во автобуска несреќа во Јужна Африка

Најмалку 45 лица загинаа во сообраќајна несреќа во Јужна Африка во која учествувал автобус, соопшти јужноафриканското Министерство за транспорт.

Едно лице е тешко повредено.

Несреќата се случила во близина на Маматлакала, во провинцијата Лимпопо, јавува Ројтерс.

Дејвид Бекам објави снимка како вежба: Не сакам ова да го види жена ми (ВИДЕО)

Дејвид Бекам се пофали на Инстаграм со видео на кое вежба без маица и ги воодушеви своите фанови.

48-годишниот поранешен фудбалер покажа дел од своите напорни тренинзи, а неговите стомачни мускули, како и бројните тетоважи на телото ги привлекоа погледите на фановите.

„Ти си како виното, се подобруваш со годините“, „Секогаш си силен“, „Ова ми го разубави денот“ и „Не сакам жена ми да го види ова“, се само дел од коментарите на обожавателите.

Да потсетиме, неговата сопруга Викторија неодамна покажа подарок што го доби од него, а кој целосно ја воодушеви.

притисни ентер