54 милиони евра годишно планира да собере државата од новите даноци

54 милиони евра годишно планира да собере државата од новите даноци. Министерот за финансии Фатмир Бесими на брифинг со новинарите ги презентираше даночните реформи кои според најавите треба да стартуваат од 1ви јануари.

Измените предвидуваат: Да се плаќаат придонеси за договорците на дело, укинување на највисоката месечна пресметка на социјалните придонеси... Да нема поволности за придонесите за доброволниот пензиски фонд. Укинување на преференции кај премиите за животно осигурување. Укинување на даночното ослободување по основ на реинвестирана добивка за фирмите. И воведување данок на каматите на штедните влогови.

„Ако на пример имам 100 илјади денари во банка со 2% годишна камата, тоа значи имам добивка 2 илјади денари годишно. И сега би платил 10% данок, значи 200 денари годишно, кон државата.“ кажа Фатмир Бесими, министер за финансии

Прогресивниот данок кој требаше повторно да се воведе од 1ви јануари, планирано е да биде одложен.

Планирани се реформи и кај ДДВ-то, но за сите овие решенија Бесими вели дека не се дефинитивни и допрва ќе се дебатира, што ќе се воведе, а што не. Секое решение ќе има рок за имплементација од шест месеци.

Стопанството прво ги слушна новите измени минатата недела и - веќе се изјасни дека е против воедување на нови давачки во време кога државата се наоѓа во повеќе кризи и ја очекува тешка зима. Апелираат надлежните најпрво да работат на сузбивање на сивата економија, а дури потоа да се разговара за било какви промени во даночната политика.

Во меѓувреме Статистика измери рекордна инфлација од 16%. Трошоците за живот во јули во однос на претходниот месец најмногу пораснале кај лебот и житата за близу 5%, сирењето и урдата 4,5%, млекото 3,6 отсто.

СДСМ: Проектите во Скопје стојат заради бизнис интереси на ВМРО-ДПМНЕ и шпицниот градоначалник

Цела година Скопје стои во место поради лични и бизнис интереси на шпицниот градоначалник и ВМРО-ДПМНЕ.

По 11 месеци локална власт на ВМРО-ДПМНЕ во Скопје, повеќе од јасно е дека приоритет им биле тендерите и личните интереси, а решавањето на проблемите на граѓаните на последно место.

Наместо за скопјани, се правеле планови за тендери, провизии, влијанија. На крајот кога очигледно не можеле да се договорот јавно се скараа.

Резултат од нивните кавги се стопирани проекти и негрижа за скопјани.

Проектот БРТ за брзиот автобуски транспорт во Скопје не се реализира, иако за него има одобрени средства.

Недоправена стои Универзалната сала, иако за реконструкцијата има одобрено средства.

Нема напредок ниту кај клучката во Момин Поток, не се гради мостот на Љубљанска, не е пуштен мостот што ги поврзува Аеродром и Керамидница, ниту улицата Есенинова.

Заглавена е пречистителната станица за која во ВМРО-ДПМНЕ расправаат околу провизиите за тендерот во вредност од 136 милиони евра.

Нема ниту нови автобуси, за кои Христијан Мицкоски како шпицен градоначалник јавно се пофати дека ги договарал.

И ред други проекти и ветувања во Град Скопје стојат, се откажуваат и не се реализираат.

Граѓаните знаат дека ВМРО-ДПМНЕ ја поддржа Арсовска, и ги собираше потписите, заедно тераа кампања и ветуваа проекти пред Скопјани.

Сега ја знаеме причината зотшо ништо не е релиаизрано - локалната власт на ВМРО-ДПМНЕ наместо да се занимава со решавање на проблемите на граѓаните, се занимава со тендери и лични интереси.

Ги повикуваме Мицкоски и градоначалничката Арсовска да ги исполнат обврските што ги презеле пред граѓаните или да излезат и им се извинат за тоа што ги излажаа на локалните избори во 2021 година.

Прес-конференција, Љубица Јанчева, координаторка на советничката група на СДСМ и коалицијата во Град Скопје

СДСМ

Вешти лица од Судска медицина сведочеа за убиството на Денис Тот

Со сведочење на вештите лица Александар Станков и Рената Јанкова од Судска медицина при Медицинскиот факултет во Скопје, денеска продолжи изведувањето на доказите на обвинението за убиството на хрватскиот ракометар Денис Тот.

Со сведочење на вештите лица Александар Станков и Рената Јанкова од Судска медицина при Медицинскиот факултет во Скопје, денеска продолжи изведувањето на доказите на обвинението за убиството на хрватскиот ракометар Денис Тот, кој беше претепан до смрт пред ноќен клуб во Градскиот парк во Скопје.

Вештото лице Александар Станков изјави дека повредите кои ги здобил сега покојниот се класифицирани како тешка телесна повреда со опасност по живот и тие се поврзани со смртниот исход.

– Како причина за смртта наведено е дека смртта настанала заради нагмечување на големиот мозок и нагмечување на рбетниот мозок, меѓутоа критична повреда за настапување на смрт, врз основа на целокупната клиничка слика кај сега починатиот, е повредата на почетен дел од рбетниот мозок, појасни тој.

Прашан дали постои причинско-последична врска помеѓу повредите кои ги здобил ракометарот и смртта, тој даде потврден одговор.

Вештото лице Рената Јанкова рече дека некои повреди може да се квалификуваат изолирано, па потоа да се зборува за севкупно дејство на повредите.

– Меѓутоа, ако ги разгледуваме поединечно, на пример една од повредите, да ја земеме повредата која што довела до неконкретна скршеница на носната коска, може да биде телесна повреда, меѓутоа, ако истата таа повреда довела до потрес на мозокот во тешка форма, тогаш е тешка телесна повреда, рече таа.

Јанкова дополни дека заради севкупната слика од здобиените повреди не може да ги разгледуваат како посебна повреда секоја за себе, меѓутоа, како што рече, со севкупното дејство се квалификуваат како тешка телесна повреда со конкретна опасност по живот.

Јанкова, исто така, одговори дека постои поврзаност помеѓу здобивањето на повредите и смртниот исход.

Вештите лица беа вкрстено испрашани и од одбраната на обвинетите во однос на подробни прашања во врска со наводите од извештаите за вештачење и обдукција.

Обвинетиот Анџело Ѓоргиевски праша дали е утврдено кој удар довел до ротација на главата и повреда на рбетниот мозок.

– Не можеме да го конкретизираме тоа. Ние можеме да знаеме само тоа што ќе го видиме и да ги знаеме механизмите, тоа е во доменот на нашата струка, одговори вештото лице Јанкова, дополнувајќи дека ако можело да се утврди, вештите лица би се произнеле по тоа.

Одбраната во своите воведни зборови рече дека не смета оти правната квалификација за кривичното дело „убиство“, кое им се става на товар на обвинетите за смртта на хрватскиот ракометар, е одржлива и дека ќе докажува оти не постои умисла за истото.

Обвинителството, пак, на првото рочиште истакна дека располага со две ЦД-а од безбедносни камери од кои јасно може да се види целиот настан кој се случил критичната вечер, а пред сѐ, поединечно, дејствијата на секој од обвинетите кои ги презеле тој ден.

Обвинетите за убиството на хрватскиот ракометар пред Судечкиот совет во Основниот Кривичен суд – Скопје, изјавија дека не се чувствуваат виновни за кривичното дело кое им се става на товар.

Основното јавно обвинителство Скопје ги гони обвинетите Анџело Ѓоргиевски, Клементина Левковска и Андреј Костовски за кривично дело „убиство“ од член 123 став 1 во врска со член 22 од Кривичниот законик.

Согласно обвинителниот акт, обвинетите се товарат дека на 7 април, пред ноќен клуб во Градскиот парк во Скопје, заеднички го лишиле од живот оштетениот Денис Тот.

– По кратка расправија, сите тројца му нанеле повеќе удари и тешки телесни повреди од кои кај оштетениот најпрво настанала коматозна состојба, а следниот ден починал, се вели во соопштението од Обвинителство објавено на 21 јули годинава.

Процесот го води судијката Елена Илиевска Јосифовиќ, а застапник на обвинението е обвинителката Тања Трајчевска.

Николовски: Во 2023-та ќе влеземе без никакви долгови кон сточарите

До 31 декември ќе биде се исплатено, во 2023-та ќе влеземе без никакви долгови кон сточарите.

Сите основни субвенции во сточарството се исплатени, оние што се по грло, а за предадено млеко се исплаќаат согласно утврдената динамика и доцнат само две фази, но тоа не се две години, туку неколкумесечен период. Уште тие остануваат за исплата. До 31 декември се ќе биде исплатено за во новата 2023 година, прв пат по 15 години, да влеземе без денар долг кон сточарите, рече денеска министерот за земјоделство, шумарство и водостопанство Љупчо Николовски.

Како што информира Николовски, со интервентната мерка што утре ќе помина на Влада, за сточарите ќе се обезбедат уште два милиона евра поддршка, а паралелно се носи и новиот закон за пасишта.

Николовски уште еднаш потсети дека во 2017 година, кога станал министер, девет фази од поддршката за млекото не биле исплатени.

-Сега, со ребалансот на Буџетот, обезбедивме вкупно 2,7 милијарди денари за директни плаќања, за сите фази во земјоделството за кои државата должи, а целта е сите заостанати субвенции, особено кај сточарите, да бидат комплетно исплатени до 31 декември 2022. До 31 декември ќе ги исплатиме сите средства, и кон сточарите и кон сите останати производители и во 2023-година ќе влеземе без никакви долгови кои успеавме да ги изменаџираме, а ги наследивме од претходната власт. Точно е дека од основањето на Платежната агенција до денес најмногу се доцни со исплата на субвенции за сточарите. Ние сме постојано на нивна страна и на страната на производителите на млеко, но не сме институција која може да кажува колку ќе биде цената на млекото, ниту како држава сме единствените што сме погодени од кризата. Слушам паушални информации дека е намалено производството, а само четири проценти е намалено годинава во однос на лани, подвлече министерот, одговорајќи на новинарски прашања по по примопредаваето на униформите и опремата за шумската полиција од Италија.

Николовски е сигурен, како што рече, дека мерките креирани со Интервентиот фонд и сите останати што беа преземени пред кризата, денес ги даваат резултатите во секој сектор.

-Рекорди рушиме со мерката за набавка на приплоден добиток. Во јуни се склучени договори за 3 700 грла со 400 различни апликанти кои сега го набавуваат добитокот. Постојано креираме нови мерки кои значат раст и развој, а тука е и новиот модел на субвенции, потенцира Николовски.

На прашањето дали ќе имаме доволно храна, тој уште еднаш кажа дека се вложуваат максимални напори и се прави се што може за зголемено домашно производство. Се менува и моделот на поддршката, па покрај основните, се воведуваат и дополнителни субвенции са стратешките култури кои, според бројките, покажуваат раст.

-Јас не носам одговорност за кризата, туку за навремено предвидување мерки и политики кои се носат и креираат во соработка со науката и со земјоделците, нагласи Николовски.

Тој се наврати на некои од мерките, рече дека сме единствена земја во регинот која дава субвенции за „зелена нафта“ и подвлече дека субвенционирањето на сончогледот ќе продолжи и идната година зашто дава резултати – и производството и површините под сончоглед се удвоени.

притисни ентер