Тие беа уапсени вчера и се осомничени дека овие дејствија ги правеле од крајот на јануари до средината на овој месец. При претресите полицијата открила лабораторија за производство на амфетамин, како и раздновидна дрога, која на „црниот пазар“ има вредност од половина милион евра.. Осомничената наставничка, како што дознава Канал 5, била вработена во училиштето повеќе од една деценија и предавала германски јазик. Таа ќе биде суспендирана од работа, со оглед на тоа што веќе и е определен притвор, информираше градоначалникот на општина Аердром Тимчо Муцунски. Тој вели дека општината и училиштето соработуваат со МВР и ги поддржуваат сите дејствија кои се преземеаат за расчистување на случајот..

„ Бидејќи е определена мерка притвор веднаш ОУ ќе мора да пристапи кон суспензија на ова лице до правосилна судска пресуда, која очекуваме во одреден период да произлезе и понатаму врз основа на таа пресуда ќе се презeмат дополнителни чекори и мерки , но ова лице секако ќе биде отстрането од наставниот процес. Без никаков сомнеж тоа што ни беше кажано од МВР е дека овие состојби се случувале надвор од работниот процес и од училиштето, но тоа не е никаков изговор тој што е просветен работник има обврска да биде пример во општеството и пример за најмладите генерации во работното време, но и по работното време.“- Тимчо Муцунски – Градоначалник на о. Аеродром

Загриженост заради информацијата дека во групата дилери е вклучена и наставничка изразија и од СДСМ. Од таму ги охрабруваат институциите целосно да го расчистат случајот со цел да заштита на учениците од потенцијални штетни влијанија, но и угледот на наставничката професија.

За ваквите појави никогаш да не се повторат потребно е институциите најстрого да одговорат, но и работат на поголема превенција, вели во изјава за Канал 5 универзитетскиот професор Илија Ацевски.

„ Ова само покажува сигунализира дека некој кој е во процес на образование на младите си дозволил себеси да се бави со таа дејсност тоа начин дека за мене иситуциите кои се одоговрни да преземат силна акција во тој поглед, да укажат дека понтаму вакво нешто не може да се случи, задчудувачки е професор наставник да го прави тоа што апсолутно се коси со едно нормално општество. “-Илија Ацевски – Универзитетски професор

Освен дрога, кај еден од осомнчените во оваа петчлена група биле пронајдени автоматска пушка,667 куршуми и останатите делови од огнено оружје.