Свет

18- годишниот расист од САД со часови патувал до супермаркетот, каде го извршил масакрот(ВИДЕО)

Најмалку 10 лица загинаа, а тројца се повредени во супермаркет во американскиот град Бафало, во американската држава Њујорк.

Полицијата соопшти дека осомничениот напаѓач бил приведен по нападот, кој се истражува како „злосторство од расна омраза“.

Комесарот на полицијата во Бафало, Џозеф Грамаглиа, рече дека единаесет од тринаесетте застрелани се од афро-американско потекло.

„Ова беше чисто зло“, рече шерифот на округот Ири Џон Гарсија на прес-конференција. „Тоа беше расно мотивирано злосторство од омраза од некој надвор од нашата заедница.“

Гувернерот на Њујорк, Кети Хочул, изјави: „Искрено се надевам дека овој поединец, овој белец кој штотуку изврши злосторство од омраза против невината заедница, ќе го помине остатокот од своите денови зад решетки. И нека рајот му помогне во следниот свет. "

Судските документи го именуваат осомничениот како Пејтон Гендрон, 18-годишник од Конклин, Њујорк. Неколку часа по пукањето, тој е обвинет за убиство од прв степен, за што се изјаснил за невин. Масакрот го пренесувал онлајн, а се истражува дали објавил манифест.

Градоначалникот на Бафало, Бајрон Браун, рече дека осомничениот патувал со часови до супермаркетот Топс Френдли на авенијата Џеферсон, кој се наоѓа на околу 5 милји северно од центарот на Бафало. Тоа е населба со мнозинско црно население.

Според достапните информации, убиецот имал панцир и бил вооружен со автоматска пушка. Тој влегол во супермаркетот, а очевидци велат дека слушнале десетици истрели.

Брејдин Кефарт и Шејн Хил, двајцата на 20 години, изјавиле за Асошиетед прес дека застанале на паркингот токму во моментот кога напаѓачот се обидувал да го напушти местото на настанот. Тие рекле дека носел маскирна облека, црн шлем и нешто што личело на пушка.

„Тој стоеше таму со пиштол кон брадата. Не разбравме што се случува и зошто тоа дете имаше пиштол на лицето“, рече Кефарт. Тој рече дека го виделе како клекнал на колена, а полицајците потоа го уапсиле.

„Слушнав истрели. Истрели, истрели и истрели“, изјавил тој за локалните весници. „Звучеше како работите да се распаѓаат“, изјавил Вил Г., вработен во супермаркетот Топс, за Buffalo News.

Еден од полицајците кои биле на местото на настанот им рекол на новинарите: „Тоа е како да влегувате во хорор филм, но сето тоа е реално. Тоа е како Армагедон. Беше толку интензивно“.

Фудбал

Артета по 5:0 над Челси: На моменти не бевме доволно дисциплинирани

Менаџерот на Арсенал, Микел Артета ја прокоментира победата на „топџиите“ со 5:0 против тимот на Челси во средбата од 29. коло на англиската Премиер лига.

Ова беше најголемиот успех во историјата на нивното ривалство, откако успеаја да го подобрат својот рекорд од 1930 година кога го победија истиот противник со 5:1.

-Многу сум среќен поради победата, бројот на шанси и постигнатите голови. Тоа што не примивме гол ја покажа и нашата постојаност оваа сезона. Во првото полувреме на моменти не бевме доволно дисциплинирани. Анализиравме на паузата и потоа имаше подобрувања и второто полувреме беше неверојатно, изјави Артета, цитиран од Би-Би-Си.

Благодарение на успехот, Арсенал излезе на првото место, три бода повеќе од второпласираниот Ливерпул и четири од третопласираниот Манчестер Сити. /МИА

Македонија

Во Делчево изборниот процес почна навреме, гласањето се одвива во најдобар ред

Во Делчево навреме се отворени вкупно 36 избирачки места на кои денеска 14.490 граѓани регистирани во Избирачкиот список имаат право на глас за еден од седуммината кандидати за Претседател на државата. 

Според информациите од терен избирачките места биле отворени на време, а гласањето се одвива во најдобар ред.

- Се наоѓаме на избирачко место 582/1, ладе гласањето започна навреме, се се одвива во најдобар ред. Првите бројки околу излезноста ќе ги соопштиме по 9:00 часот, истакна Благица Петровска, член на избирачкото место.

-Се наоѓаме на избирачко место 580, навреме започна гласањето и процесот си тече нормално, изјави Емилија Трајановска, член на избирачкиот одбор.

Своето право на глас вчера во Делчево го остварија 147 болно и изнемоштено лице кои гласаа во домашни услови.

Свет

Израел демантира дека неговите војници ги закопувале Палестинците во масовна гробница во Газа

Телата откриени во масовна гробница во Појасот Газа не биле закопани од израелски војници, туку од Палестинци, соопшти вчеравечер израелската амбасада во Женева.

-Тврдењето дека израелските одбранбени сили (ИДФ) закопале палестински тела е неосновано, наведува амбасадата.

Војниците, според амбасадата, „само ги прегледале телата во гробницата во потрага по израелски заложници, се почитувало достоинството на загинатите, а телата на Палестинците биле вратени на истото место“.

-Претресот беше извршен внимателно и исклучиво на места каде разузнавачките информации укажуваа на можно присуство на заложници, соопшти амбасадата.

Палестинскиот тим за цивилна одбрана во Газа во понеделникот извести дека масовна гробница со 283 тела била откриена во близина на болницата Насер во јужниот енклавен град Кан Јунис. Според канцеларијата на високиот комесар на ОН за човекови права Фолкер Турк, кој ја повика цивилната одбрана, на некои тела им биле врзани рацете.

Турк вчера рече дека е „згрозен“ од извештаите за откривање масовни гробници во близина на болниците во Газа и повика на независна истрага за причините за смртта.

Имаше извештаи и за пронајдени тела во болничкиот комплекс Ал Шифа во градот Газа. Според меѓународното право, болниците имаат право на посебна заштита. Турк, исто така, истакна дека „намерното убиство на цивили, затвореници и други лица кои се „надвор од борба“ е воено злосторство“. /МИА

притисни ентер