​Заев од Радовиш: Нашата понуда нуди нова развојна економија

 „Се обврзуваме за четири години да обезбедиме 2,2 милијарди евра јавни инвестиции и 1,2 милијарди евра директни приватни инвестиции.“

Лидерот на СДСМ Зоран Заев денеска во Радовиш ќе се сретна со претставници на бизнис секторот, со младите, со земјоделците, со спортистите со кои, како што најави ќе разговараат за понудата на СДСМ и коалицијата „Можеме" ја нуди за решенија за граѓаните.

– Понуда која носи нова развојна македонска економија, која ќе обезбеди нови инвестиции, работни места и повисоки плати за сите наши граѓани. Се обврзуваме за четири години да обезбедиме 2,2 милијарди евра јавни инвестиции и 1,2 милијарди евра директни приватни инвестиции, најмалку една милијада евра странски инвестици за четири години, инвестиции засновани на иновации и одржливост на бизнисните, рече Заев.

Тој најави продолжување на поддршката за инвеститорите за домашните и за странските компании во износ од 600 милиони евра и тоа 300 милиони евра од домашни средства и 300 милиони евра од европските фондови што се отвораат пред нас само за реализација на нови инвестиции во државата.

– Мерките и политиките што ги носиме обезбедуваат дополнителен пад на невработеноста. Стапката на невработеност ќе ја намалиме по три отсто годишно, со цел во 2024 година стапката на невработеност да биде едноцифрена, изјави Заев во Радовиш.

Лидерот на СДСМ рече дека ќе покажат дека платите може да растат уште повеќе и оти нивна цел за 2024 година е просечна од 34.000 денари и минимална плата од 20.000 денари.

СДСМ и коалицијата, како што потенцираше тој, како одговорни продолжуваат да го реализираат концептот враќање на парите назад кај граѓаните, додека ВМРО-ДПМНЕ нуди само обнова на режимот кога парите завршуваа во „белиот дворец" и во нивни лични џебови.

– Граѓаните знаат дека ВМРО-ДПМНЕ беше против зголемената минимална плата, против покачувањето на пензиите и затоа нема дилеми. На 5 јули граѓаните ќе ја поддржат нашата коалиција која носи повеќе пари во семејствата, но нема да дозволат обнова на режимот кој само земаше од граѓаните, рече Заев во Радовиш.

Лидерот на СДСМ зборувајќи за нивната програма за земјоделството, кажа дека овој земјоделски регион но и индустриски регион, со незагадувачка индустрија, ќе биде заштитен, пред се, еколошки, платите ќе бидат зголемени како и понудата на работните места.

– Паралелно како растат платите ќе се качуваат и пензиите затоа што само со силна економија може државата да враќа назад кај своите граѓани, рече Заев.

Земјоделството, додаде тој, ќе се унапредува од секој можен свој аспект.

– Покажавме дека субвенциите се поголеми и стигаат кај вистинските индивидуални земјоделци, 30 милиони евра повеќе субвенции стигаат кај земјоделците отколку во периодот на режимот, истакна Заев. /МИА

Ќерката на Мадона направила профил на Инстаграм за жестоко да ги навредува фановите (ФОТО)

Ќерката на Мадона, Лурдес направила профил на Инстаграм каде во моментов ја следат нешто повеќе од 60.000 луѓе.

24-годишната девојка под прекар Лола моментално има три објави, сите три реклами, но она што е многу поинтересно од самите објави се нејзините коментари под нив.

Имено, Лурдес не престанува да ги навредува коментаторите кои и поставуваат потполно невини прашања од типот: „Кога мајка ти ќе издаде нов албум?“

„Што би помислила твојата мајка за оваа фотографија? прашал еден придружник под фотографијата на огласот за Juicy. „Дали мајка ти знае дека не си го миеш задникот?”, одговорила Лурдес. „ОМГ, ќе го врамам ова“, додаде тој.

Една придружничка ја прашала кога ќе има музичко деби. „Ќе ти запеам на погреб“, и напишала кратко Лурдес.

Се разбира, ова ги натерало многумина намерно да поставуваат незгодни прашања или да ја задеваат Лурдес во надеж дека ќе одговори на нив, но се чини дека ќерката на Мадона повеќе не е заинтересирана, бидејќи веќе не се огласила со коментари.

Science: Шпанскиот лек покажа силна ефикасност против короната

Шпанската фармацевтска компанија PharmaMar денеска објави дека во списанието „Сајанс“ е објавен труд со кој се потврдува дека нивниот лек Plitidepsin поседува „силна предклиничка ефикасност“ во третманот на ковид-19.

Набргу по отворањето на берзата, акциите на „ PharmaMar “ пораснале за 13 проценти на 98,5 евра.

Студијата in vitro и in vivo спроведена од тим научници од Њујорк, Сан Франциско и Париз покажала дека лекот ја намалува репликацијата на вирусот, што резултира со 99 процентно намалување на вирусното оптоварување во белите дробови на животните третирани со Плитипепсин, објави „Science“.

„Веруваме дека достапните податоци и првичните позитивни резултати од клиничките студии на „PharmaMar“сугерираат дека Плитипепсин треба да се земе предвид кога станува збор за проширени клинички испитувања во третманот на ковид-19“, објави угледното списание „Science“.

Лекот, кој е веќе одобрен на некои пазари за третман на тумори, го блокира протеинот поврзан со вирусот ковид-19.

Способноста на лекот да предизвика токсични ефекти врз еден орган, органски систем или повеќе е добро позната во минатото, а досега спроведените студии покажале дека пациентите ги толерираат употребените дози, објасни компанијата.

ФармаМар објави дека е во преговори со разни регулаторни агенции што ќе и овозможат да ја започне третата фаза од тестирањето на лекот.

Проф. Д-р Пановски: Сите вакцини се проверени, не треба да имаме предрасуди кон кинеските

Воопшто не треба да имаме дилеми за ефикасноста и безбедноста на вакцините од кинеските фармацевтски компании, уверува микробилогот доктор Никола Пановски  во разговор за Канал 5.

Пановски појасни дека кинески „Синофарм“ докажал дека нивната вакцина е 80% ефикасна

Според професор Пановски источниоте земји поминале полесно со ковидот , а во врска со успешноста на вакцините вели дека најважна вакцина е онаа што постои.

Иднината на вакцините ќе зависи и од самиот вирус, смета професор Пановски ,а за себеси вели дека нема да бира, ќе се вакцинира со првата вакцина што ќе пристигне. Тој смета дека Ковид пасошите се штетна идеја .

Мирјана Мирчевска Јовановиќ разговараше со професорот Пановски.

притисни ентер