Власта и опозицијата далеку од договор за датумот за предвремени парламентарни избори

За власта нема дилеми датумот за избори е одреден, додека опозицијата останува на ставот избори во јуни не може да има.

Иако и двете страни не ја отфрлаат можност за договор за изборниот датум, сепак најава за нова лидерска средба се уште нема иако крајот на вонредната состојба се ближи.

Лидерот на ВМРО ДПМНЕ е за компромис, но вели доколку владата сака да ги исполни ветувањата кон граѓаните и бизнисот за субвенции и помош избори не може да има најдоцна до 30-ти јули. Мицкоски засега одбива да лицитира со можни датум за гласање, но дециден е дека 21 јуни како датум е неприфатлив.

„Ако е Владата чесна во намерата и ветувањата кои се дел од вториот и од третит сет на мерки, и ако навистина сака да ги испорача тогаш избори не може да се случат шеесет дена од престанокот на воонредната состојба. Што значи ако вонредната состојба прекине на 30 мај, најкасно до 30 јули избори не може да има. Тогаш не ја говорат вистината и се лицемерни и повторно ги лажат граѓаните. Нашите позиции се јасни. Доколку има аргументи кои ние би можеле да ги прифатиме, ние сме тука и подготвени сме за компромис. Ние со ултиматуми не работиме. Ултиматуми кои беа кажани на масата или 21 јуни или избори без опозиција слободно нека им се со среќа“, вели Христијан Мицкоски, Апретседател на ВМРО ДПМНЕ.

Техничкиот премиер Спасовски вели датумот за избори е одреден со владината уредба – 22 дена по завршување на вонредната состојба избори мора да има.

Додека главната битка за денот за избори се води меѓу СДСМ и ВМРО ДПМНЕ, од ДУИ повикуваат на консензус без притоа да појаснат својот став за датум, кој што може да биде и клучен во одлуката кога ќе се оди на избори.

Министер за здравство, Венко Филипче вели ако граѓаните на избирачките места ги почитуваат мерките и протоколот нема никакви пречки да се одржат избори што поскоро. Сепак неофицијални информации, говорат дека зад сцената се водат тивки преговори и дека можен е компромис за избори кон средината на јули.

Видео: Целосно функционален компјутер во форма на патика

Дали некогаш сте посакале да имате компјутер во форма на патика?

Се разбира дека не сте, но доколку се прашувате како тоа би изгледало, сега знаете.

Компанијата „NZXT“, која произведува хардвер, и компанијата „RTKFT“, која произведува обувки за е-спортисти, со меѓусебна соработка дошле до персонален компјутер во облик на патика.

Со оглед на тоа дека овде станува збор за целосно функционален компјутер, патиките не можат да се облечат. Иако би било интересно да се види како некој ги носи на своите нозе, сепак станува збор само за визуелна имитација на вистинскиот производ.

По 27 години е решено убиството на девојче во Германија

Убиството на 13-годишно девојче го потресе селото Висенфелд во северозападна Баварија во 1993 година. Имало и осомничени, но сторителот не бил фатен. До сега.

Девојчето Сабине Б. не се вратило дома на 15 декември 1993 година. Два дена подоцна, таа била пронајдена мртва во ѓубриво на блиската фарма за коњи, што била затворена со тешка бетонска плоча.

Откриено е дека била убиена на крајно брутален начин. Истражителите откриле траги на насилство на вратот и главата, а устата и била полна со слама.

Во тоа време имало тројца осомничени - 17-годишник од околината, 29-годишник од Визенфелд и 15-годишник, исто така од Визенфелд.

Овој најмладиот бил најсомнителен, неговите сведоштва биле полни со контрадикторни тврдења. Тој бил уапсен трипати и секој пат пуштен на слобода. Бил уапсен и за друго убиство во јуни 1994 година, но исто така е ослободен. Подоцна починал во сообраќајна несреќа. Случајот потоа полека се „оладил“.

Во меѓувреме, ДНК анализата станала понапредна. Полицијата открила нови траги што водат до еден од тројцата оригинални осомничени - еден млад човек од округот Мајн-Спесарт.

Врз основа на потерница распишана од истражен судија, полицијата го уапсила 44-годишникот, соопшти вчера јавното обвинителство. Станува збор за Торстен Е., кој имал 17 години за време на злосторството. Кој бил мотивот за убиството сè уште не е познато, пишува Зидојче цајтунг.

Маск нуди 100 милиони долари за изум за зафаќање јаглерод од воздухот

Сопственикот на Тесла Моторс, претприемачот Илон Маск, на Твитер вети награда од 100 милиони долари за развој на најдобрата технологија за зафаќање јаглерод.

„Давам награда од 100 милиони долари за најдобра технологија за зафаќање јаглерод“, напиша Маск, проследен со втор твит, ветувајќи повеќе детали следната недела.

Ко-основачот на PayPal, што го продаде, Маск денеска управува со некои од најфутуристичките компании на светот. Покрај Тесла, тој е сопственик и на SpaceX и Neuralink, старт-ап компанија која го поврзува човечкиот мозок со компјутерите.

Зафаќањето на емисиите од глобалното затоплување станува критичен дел од многу планови за борба против климатските промени, но до денеска е направен многу мал напредок во технологијата, со напори насочени кон намалување на емисиите наместо отстранување на јаглеродот од воздухот.

Меѓународната агенција за енергетика (ИЕА) кон крајот на минатата година соопшти дека е потребно нагло зголемување на употребата на технологијата за зафаќање јаглерод, доколку земјите сакаат да постигнат цели за нето-емисиите.

Американскиот претседател Џо Бајден вети дека ќе го забрза развојот на технологијата за зафаќање јаглерод како дел од неговиот сеопфатен план за борба против климатските промени.

притисни ентер