Македонија

Владата ќе го пренаменува недовршениот споменик на Mајка Tереза

Наместо да се урива како што предложи комисијата за проектот „Скопје 2014“ недоградениот споменик на Мајка Тереза на плоштадот Македонија ќе се догради и ќе добие нова намена одлучи Владата.

Владата одлучи 32 метарскиот споменик на Мајка Тереза на плоштадот „Македонија“ во Скопје да се пренамени, бидејќи неговото рушење ќе чини поскапо... Во текот на месецов од владата ќе распишат конкурс за идејно решение во што да биде споменикот пренаменет и што да има на просторот.

Професорот од архитектонскиот факултет Мирослав Грчев, кој беше раководител на работната група „Скопје 2014“ која препорача рушење на неколку споменици поради законски прекршоци, за Канал 5 вели дека владата направила грешка со ваквата одлука и дека истата треба да се повлече, додавајќи дека рушењето на објектот чини повеќе од пренамена на иститот е само урбана легенда.

Грчев додаде дека со постоењето на градбата се кршат неколку закони, меѓу кои се и Законот за градба, законот за урбанизам и просторно планирање исто како и Законот за меморијалните споменици и спомен обележја, што значи дека споменикот претставува дивоградба.

За рушење на овој споменик се изјасни и градоначалникот на Скопје, Петре Шилегов, но сепак дел од граѓаните што ги анкетиравме на скопскиот плоштад се против радикални мерки..

Ревизијата на проектот Скопје 2014, кој според официјланите пресметки чинеше околу 700 милиони евра, беше едно од главните ветувањата на СДСМ... Сепак досега не беше поднесе кривична пријава против никој од креаторите, а единствено дислоциран беше спомникот на Ќосето, кој беше лоциран пред комплекот судови.

Култура

Проекција на „Големата вода и „Црвените булки над ѕидовите“ во Кинотека

На 27 април, во Кинотеката ќе се одржи проекција на „400 удари“ на Франсоа Трифо, снимен во 1959 година.

Во рамки на концептот на Кинотеката насловен „Разлики кои не обединуваат“, на 25 април ќе биде прикажан долгометражниот игран филм на Иво Трајков „Големата вода“ снимен во 2004 година, а следниот ден, 26 април, „Црвените булки над ѕидовите“ од 1976 година во режија на Димитер Анагности.

На 27 април, во Кинотеката ќе се одржи проекција на „400 удари“ на Франсоа Трифо, снимен во 1959 година.

Како што соопштија од Кинотеката, овие филмови се, пред сè, избрани поради своите „сличности и паралели“ во тематиките, како и во нивната филмска обработка и пристап.

-Но, исто така, битно е да се истакне и дека „Црвените булки на ѕидовите“ неодамна е дигитализиран во 4К резолуција, а „Големата вода“ оваа година го прославува дваесетгодишниот јубилеј од својата премиера. И, се разбира, дека филмот „400 удари“ на Трифо, според францускиот филмски магазин „Cahiers du cinema“ (Каје де Синема) е повеќе од ремек-дело и станува збор за еден од најaмблематичните филмови во поствоениот период на француската филмска продукција, потенцираат од Кинотека. /МИА

Формула

Верстапен ја освои пол-позицијата за ГН на Кина

Возачот на Ред Бул, Макс Верстапен, ја освои пол-позицијата во квалификациите за Големата награда на Кина.

Верстапен извози најбрз круг со време 1:33.660 минута. Неговиот тимски колега Серхио Перез го освои второто место, а возачот на Астон Мартин Фернандо Алонсо го освои третото место.

Луис Хамилтон од Мерцедес кој спринтот го заврши на второто место не успеа да излезе од првиот сегмент, завршувајќи на 18. позиција.

На спринтот победи Верстапен.

Големата награда на Кина од Формула 1 шампионатот ќе почне утре од 9 часот по македонско време. /МИА

Свет

Руски воен репортер загина во Украина

Воениот известувач на рускиот весник „Известија“ Семјон Еремин, загинал во напад на украинско беспилотно летало во југоисточна Украина, објави весникот.

Нападот се случил вчера кога 42-годишниот Еремин и неговата екипа се враќале од снимање од селото Прјутне, во близина на линијата на фронтот во регионот Запорожје.

Украина досега не го коментираше настанот.

Најмалку 15 новинари се убиени од почетокот на руската инвазија на Украина во февруари 2022 година, според Комитетот за заштита на новинарите, непрофитна организација која се залага за слобода на медиумите ширум светот. /МИА