Најголем дел од децата во САД ги учат на правилото да се сокријат под маса, или популарно наречената техника Дроп, кавер енд холд он (Наведни се, сокри се и држи се цврсто). Истото правило важи и во фирмите и административните простории, па дури и во случај ако потресот се случи надвор од објектот.
Што треба да направите за време на земјотрес? Да останете таму каде што сте. Да се наведнете, да се сокриете под маса и да се држите цврсто, вели Том Џордан, директор на Сеизмолошкиот центар во Калифорнија
Но, за разлика од повеќето американски експерти, шефот на американскиот меѓународен тим за спасување од катастрофи, Даг Коп мисли поинаку.
Неговите искуства за време на спасувачките операции во дури 60 земји покажале дека криењето под мебелот е погубно.
Тој инсистира на правилото Триаголник на животот, односно луѓето да се склупчат во ембрионална форма до кревет или до маса. Се е до празниот простор меѓу елементите, уверува Коп, кој вели - на тој начин, урнатините не ви можат ништо.
Пред 20 години во Истанбул го тестирал својот метод, преку симулирано изведен земјотрес. Во два објекта поставил 20 кукли, од кои 10 биле во Тригалник на животот.
- Ние конструиравме училиште и куќа во Истанбул, а потоа предизвикавме симулирано уривање. Тестот не доведе до заклучок, дека ако легнете на кревет, ќе бидете згмечени, ако легнете под кревет исто така ќе бидете згмечени, а ако легнете покрај него или меѓу два кревета, ќе останете целосно неповредени, тврди Даг Коп.
Тој се сеќава и на како што вели ужасот од Мексико Сити пред 30 години, кога консатирирал дека најголем дел од деца во училиште загинале зашто наставниците им рекле да се скријат под училишните клупи.