Според него, пациенти на лекување ќе бидат транспортирани во Бугарија, Турција, Грција и Белград, а третман понудиле и од Албанија и Холандија.

- Според нашите анестезиолози, 18 до 20 пациенти ќе има потреба да ги транспортираме надвор од државата за понатамошно лекување за тие што се покритични. Им оставив на екипата анестезиолози да одредат каде сметаат дека би било најдобро за натамошен третман за покритичните пациенти, рече министерот.

Во Штипската болница биле хоспитализирани 39 деца, кои како што кажа Таравари, се во релативно добра состојба. Генерално биле со изгореници, но имало и со скршеници.

- Доколку има потреба да се пренесуваат до Клинички центар - Скопје, ќе интервенираме, истакна министерот.

Во Болницата во Кочани биле хоспитализирани 30 пациенти, во хирушките клиники во Клинички центар во Скопје се 31, во Градска хирургија 28 и во „8 Септември“ има 24 хоспитализирани. Повеќето од хоспитализираните, посочи, дека се многу млади.

Болниците, според Таравари, располагаат со медицински материјали, средства и лекови и на пациентите им се дава се што е потребно, а располагаат и со доволни количини крвни деривати.

Од претпријатието изразуваат длабоко сочуство до семејствата на настраданите во синоќешниот пожар во дискотеката во Кочани, а на повредените им посакува брзо опоравување.

-ЈП „Градски паркинг"- Скопје со своите ресурсу стои на располагање за каква било помош и со таа цел претпријатието донесе одлука денес да не се врши наплата на услугата паркирање на јавните паркиралишта: Клинички центар Мајка Тереза, Градска општа болница и Градска општа болница 8-ми Септември, се посочува во објавата на ЈП „Градски паркинг“ - Скопје.

- Ве известуваме дека нашиот фудбалер Андреј Лазаров е надвор од животна опасност, иако се наоѓа на интензивна нега, откако се здоби со изгореници во пожарот и голема трагедија во текот на ноќта во Кочани. Оваа информација ја потврдивме откако контактиравме со неговото семејство и роднините. На Андреј му посакуваме брзо закрепнување и враќање во нашиот тим.

Во овој тежок момент, на сите им изразуваме најискрено сочувство. Нашите срца се со семејствата на жртвите и со целата наша земја.

Се надеваме дека вакви трагедии никогаш повеќе нема да се случат! – објави ФК Шкупи на социјалните мрежи.