Во деветтата епизода на регионалното шоу „Коктел Мастер – Бадел Мастерклас“, натпреварувачите се соочија со нови предизвици кои ја тестираа нивната креативност и вештини во подготовка на коктели.

Напнатоста растеше како што се намалуваше бројот на учесници, а конкуренцијата стануваше сè посилна. Секој даде сè од себе за да го импресионира жирито и да си обезбеди место во големото финале.

Жирито ги подели во парови, а секој тандем имаше задача да направи четири идентични летни коктели со вотка Svarog.

Нè очекува десеттата, финална епизода, во која ќе се одлучи кој ќе ја понесе титулата најдобар коктел мајстор и ќе ја освои главната награда. Ќе има возбудливи креации, неизвесно натпреварување и спектакуларни коктели.

Погледнете што ни носи денешната епизода, посетете го официјалниот YouTube на Канал 5:

Две лица загинаа, а едно е тешко повредено во експлозија што денеска се случи во магацин во индустриска зона во близина на градот Исфахан, јави државната новинска агенција ИРНА.

Причината за експлозијата се уште е нејасна. Објектот му припаѓа на производител на огномет кој, според сопствените изјави, во минатото произведувал предмети за воена употреба. Познато е дека во областа се наоѓаат делови од иранската индустрија за оружје.

Во експлозијата во саботата во пристаништето Шахид Раџаи загинаа најмалку 70 лица, а повеќе од 1.000 беа повредени. Иако властите првично ја припишаа таа експлозија на несоодветни безбедносни мерки, експертите и корисниците на социјалните медиуми иницираа можност за саботажа. /МИА

Во Министерството за внатрешни работи се одржа средба на семејствата на настраданите во пожарот во дискотеката „Пулс“ во Кочани со министерот Панче Тошковски.

Тошковски, на средбата со семејствата, изрази уверување дека правда за овој случај мора да има ако сакаме да имаме нормална држава, посочувајќи дека во интерес на истрагата не може да изнесе повеќе детали во овој момент.

-Не сакам политика да правам од ова. Не сметам дека овие деца го заслужуваат ова. Верувајте. Истрагата е се уште во тек. 70 луѓе се досега осомничени. Ова што го говорите го разбирам и го разбирам гневот, изјави Тошковски.

Тошковски, меѓу другото, посочи дека за случајот досега осомничен е и актуелен министер, актуелен директор на ДЗС и актуелен градоначалник.

Средбата на Тошковски со семејствата на настраданите продолжува без присуство на медиумите.

Маршот на семејствата на настраданите во пожарот во Кочани, денеска од пред Обвинителство, продолжи пред Собрание.

Откако пред Собраните повикаа на одговорност и отставки од пратениците семејствата на загинатите, имаа средба со пратеници од Левица и СДСМ. Најпрво излегоа пратенците на Левица Борис Крмов и Јована Мојсоска, по што и пратениците од СДСМ, по што имаа разговор и со лидерот на опозицијата Венко Филипче.

Координаторот на пратеничката група на ВМРО-ДПМНЕ, Никола Мицевски, на 46-тата собраниска седница на која се расправаше за интерпелацијата за министерот Панче Тошковски, инфомираше дека министерот Тошковски ќе ги прими на средба семејствата на настараданите во пожарот.

Семејствата на настраданите во пожарот во дискотеката „Пулс“ во Кочани претходно пред Јавното обвинителство во Скопје повикаа на одговорност и побараа оставки од сите одговорни и формирање на експертска влада.

Дел од семејствата влегоа во зградата на Јавното обвинителство од каде вчера беше упатен повик за средба со државниот јавен обвинител и со обвинителите кои ги водат предметите за овој случај.

Маршот на семејствата на настраданите во пожарот во Кочани почна во 12 часот и 5 минути како симболика за, како што велат, задоцнетата реакција на институциите.