„Одлучно за промени" во Куманово ја промовира кандидатката за градоначалник,Теодора Димитровска

Нудиме реални, ефикасни проекти, мерки што може да се реализираат со општинскиот буџет, рекоа претставниците на Движењето „Одлучно за промени" од ЛДП и ДОМ на вечерашниот митинг во Куманово.

Пред граѓаните Движењето ги промовираше изборната програма, кандидатката за градоначалник на Куманово, Теодора Димитровска и носителот на советничката листа Валентин Ефтимовски.

Лидерот на ЛДП, Горан Милевски рече дека се одлучиле за заеднички настап на локалните избори за да се смени триесетгодишната слика на како што истакна мегаломански предизборни ветувања.

– Не ветуваме огромни проекти, ветуваме реални, можеби и поефтини проекти, практични променливи со кои решаваме локални проблеми со кои секојдневно се соочуваат граѓаните. За сите проекти кои сакаме да ги реализираме очекуваме да добиеме финансиска поддршка од ИПА програмите, прекугранична соработка, други донации буџетот на државата. Она по што се разликуваме од останатите е дека не ветуваме нешто што не може да се реализира, истакна Милевски.

Во листите за советници, нагласи, има квалитетни, признаени и препознатливи луѓе од заедниците, кои имаат авторитет, достоинство, за разлика од политичките опоненти каде, потенцираше има само партиски лица.

– Теодора е вистинско изненадување не само за Куманово, туку и во целата изборна кампања, таа се соочи со искусни луѓе во политиката и со нив многу добро се справи, прв пат жена кандидат и во Куманово, горди сме на нејзината кандидатура се надеваме дека тоа ќе го препознаат кумановци и ќе дадат поддршка да се променат работите, рече Милески.

Зелената агенда останува приоритет во движењето, напомена лидерот на ДОМ, Маја Морачанин. Таа додаде дека и е драго што се повеќе партии и групации промовираат зелена агенда, бидејќи колку повеќе се поддржуваат зелените принципи, толку стануваат поостварливи.

Локалната власт има огромно влијание за решавање на проблемите од загадувањето, смета Морачанин и затоа, како што дополни, мора да се стави фокус на решавање на горливите проблеми со кои се соочуваат општините, аерозагадувањето, загадувањето од индустрија, од сообраќај, третманот со отпад.

– Најважно од се е да имате чесни искрени луѓе кои работат во интерес на граѓаните, а не во личен интерес, затоа што тоа е последниве 30 години што го гледаме слушаме во кампањи ветувања и кога тие луѓе доаѓаат во институции каде имаат можност, доверба од граѓаните да сработат, изостануваат резултати со оправдување дека немало финансии, немало време, тоа не е така, има работи кои можат да се завршат во еден мандат а граѓаните тоа со право го очекуваат, рече Морачанин.

Кандидатката за градоначалник од Куманово, Теодора Димитровска кажа дека програмата е пишувана од граѓаните за граѓаните. Таа ветува град за млади, скејтпарк, кино за сите.

– Урбана општина со подобрена економија, помош за мали и средни претпријатија до 200.000 денари за алати и опрема, ги помагаме селските стопанства и ги привлекуваме ИТ номадите да доаѓаат и да творат во државата, развој на руралниот туризам. Од друга страна ги отвораме фармерските зони кои се значајни за заживување на циркуларната економија. Предлагаме концепти со кои градот ќе стане модерен, европски и зелен град. Граѓаните треба да бидат одлучни за промени и веќе немаат право да кажат дека се е црно-бел свет, еве ја третата опција и тука сме да понудиме вистински граѓански концепт-рече Димитровска.

Во програмата е предвидена поддршка за граѓаните за поставување фотоволтаични системи, маркички за контејнери и мапирање зелени површини.

Руски боксер со голи раце убил мечка, која смртно го повредила неговиот пријател

Од Русија доаѓаат вести кои делуваат како приказна од хорор филмови.

Илја Медведев, 23-годишен руски боксер, со пријателот ловел риба во Сибир кога ги нападнала мечка. Пријателот Вјечеслав Дудник бил нападнат и убиен од мечката, а потоа се свртела кон Медведев. Боксерот извадил пиштол и пукал, но мечката му го исфрлила од рака. Сепак, Медведев успеал да извади нож и да го избоде животното.

„Имаше крици, а потоа и пукотници. Кога пристигнав, видов дека Вјачеслав е мртов“, рекол рибар кој бил во близина и кој го префрлил Медведев во болница.

Според Дејли Мејл, тој има сериозни повреди и е во критична состојба.

Полициско куче изгризало навивач во Холандија, неговите колеги го нападнаа полицискиот коњ

На синоќешниот натпревар во Лигата одигран во Ротердам помеѓу Феенорд и Унион Берлин, имало жесток судир помеѓу германските навивачи и холандската полиција.

Според германски Билд, претставниците на навивачите тврдат дека конфликтот настанал поради лошата организација. Наводно, имало премал број вработени кои ги прегледувале ковид-потврдитее, а некои скенери биле неисправни.

Потврдите за Ковид се разгледувале многу бавно, што резултирало со голема гужва пред влезот и нервоза кај околу 2400 фанови.

Полицијата во Ротердам известува за настаните сосема поинаку. Велат дека биле цел на група хулигани и се судриле со полицијата. При жестоката тепачка имало повеќе повреди. Еден навивач бил каснат од полициско куче, а хулиганите повредиле полициски коњ. Имено, фрлањето пиротехнички средства го исплашило, па паднал со полицаецот кој го јавал.

Портпаролот на Унион ги поддржал навивачите и тврди дека организацијата била навистина лоша и дека повеќето навивачи целото прво полувреме го поминале во ред пред стадионот. Снимките и сликите, вели, ја потврдуваат крајната бруталност на домашната полиција во пресметката со навивачите.

Позната холивудска актерка е уапсена за време на протестите пред Белата куќа (ВИДЕО)

Полицијата во Вашингтон ја уапси актерката Алиса Милано додека протестирала со група истомисленици пред Белата куќа, барајќи промени на правото на глас.

„Само што бев уапсена додека протестирав и барав од администрацијата на Бајден и Сенатот да го искористат своето право и да го заштитат правото на глас. Застанете со мене и кажете им гласно на Сенатот и Белата куќа дека секој мора да ги има тие права, без разлика каде живеат ", напишала актерката на нејзиниот профил на Инстаграм.

Полицијата прво ја предупредила актерката дека заедно со членовите на здружението People for the American Way мора да се тргне од областа, во спротивно ќе мора да ги уапсат според законот кој забранува собирање толпи и окупирање на улици и тротоари.

Патем, актерката пред протестот објавила дека може да биде уапсена. „Денес ќе ризикувам апсење бидејќи минатата година беа воведени 425 закони кои го ограничуваат правото на глас“, рече Милано во видеото објавено на Твитер. „Затоа ќе барам нашиот претседател да направи се` што е во негова моќ за да ги усвои Законот за слобода на гласот, Законот за правата на глас на Џон Луис и Законот за државност на ДЦ“.

Актерката од порано е позната по својот политички активизам, а во 2019 година зборуваше за своето лично искуство со абортусот во знак на протест против рестриктивните закони, кои ги нарече „напад врз женските тела“.

притисни ентер