Македонија

Националната платформа за женско претприемништво ќе делува за одржлив економски раст

Главната цел на платформата е зајакнување на капацитетите на граѓанските организации за јавна политика и застапување во областа на женското претприемништво.

Националната платформа за женско претпримништво, финансиран од ИПА Програмата (Програма за претпристапна помош) на Европската Унија за Граѓанско општество и медиуми, ќе ги интензивира дијалогот, структурната соработка и довербата помеѓу женското претприемништво, националата и локалната власт, граѓанските организации и деловната заедница со цел за економско зајакнување на жените, вклучувајќи ги и младите и жените од руралните подрачја.

Фокусот е насочен кон зголемување на еднаквоста и промовирање на инклузивен и одржлив економски раст во две насоки и тоа развој на средина за поддршка за женско претприемништво што ќе им помогне на жените да започнат и да ги зголемат своите деловни активности, како и да се справат со нивните повеќекратни улоги, како и поддршка на здруженијата и граѓанските организации преку подобрување на застапувањето и услугите за женско претприемништво.

Главната цел на платформата е зајакнување на капацитетите на граѓанските организации за јавна политика и застапување во областа на женското претприемништво со спојување во единствена мрежа што ќе претставува интерес на жените претприемачи на сите нивоа.

Исполнувањето на главната цел ќе придонесе за позиционирање на националната платформа и ќе резултира во подобри политики за женско претприемништво и неговиот удел во создавањето работни места, со што влијае врз зајакнување на економскиот развој.

Платформата ќе биде раководена од конзорциум од 4 члена, предводена од Здружението на бизнис жени, во партнерство со Фондацијата за менаџмент и индустриско истражување, Сојуз на стопански комори на Македонија и Националната федерација на фармери.

Регион

Потврдена смртта и на пилотот на грчкиот воен авион што се урна во понеделникот

Загинат е и пилотот на авионот Ф-4 фантом на грчката воено воздухопловство, што во понеделникот се урна во Јонското Mоре, според соопштението на Генералштаб на военото воздухопловство, што го пренесуваат грчките медиуми.

Според истите информации, операцијата за спасување и потрага по 31-годишниот пилот завршила, а од пронајдените остатоци и анализата била потврдена смртта.

Авионот се урна во морето во понеделникот наутро за време на едукативен лет, откако полета од градот Андравида во северозападниот дел на Пелопонез, а неколку часа по падот беше потврдена смртта на копилотот, а потрагата по пилотот траеше над 48 часа. /МИА

Македонија

20 години затвор за таткото што со клоци и тупаници уби тримесечно бебе

Обвинетиот Суад Бајрам од Скопје, таткото обвинет дека го уби тримесечното бебе доби затвор од 20 години.

Основниот Кривичен суд Скопје денес го прогласи за виновен за кривичното дело убиство при вршење на семејно насилство.

Бајрам призна дека го сторил убиството и пред судиите изразил жалење и каење за стореното. Но, денес по изречената казна затвор од 20 години тој негодуваше дека тоа се многу години затвор и кажа дека очекувал помала казна бидејќи, како што рече, немало сега кој да се грижи за другите 3 малолетни деца. Бебето почина поради повреди и крварење во мозокот од ударите на таткото.

Македонија

СДСМ: Магиите на ВМРО-ДПМНЕ и Мицкоски во општините: над 16 милиони евра долгови за граѓаните

​Скоро година и половина ВМРО-ДПМНЕ има градоначалници и мнозинство советници во најголем дел од општините во државата.

Тоа е година и половина на масовна партизација, на поскапи услуги за граѓаните и на задолжување на општините, тоа е учинокот на ВМРО-ДПМНЕ и шпицниот градоначалник Христијан Мицкоски.

Богати и финансиски стабилни општини како Гази Баба и Аеродром кои до пред 15 месеци имаа плус во буџетските каси се га се задолжуваат со обврзници.

Гази Баба ќе се задолжува со пет милиони, Аеродром со 5.4 милиони евра, Прилеп со пет милиони евра и општина Бутел со два милиони евра.

Ете ги магиите на ВМРО-ДПМНЕ и Мицкоски во општините: над 16 милиони евра долгови за граѓаните за ништо, за градоначалниците на ВМРО-ДПМНЕ да ги трошат на партиски вработувања и непродуктивни трошоци.

Локалната власт предводена од ВМРО-ДПМНЕ е најнеспособната и најнеуспешна локална власт досега.

Центар за комуникации со јавноста на СДСМ

притисни ентер