Мицкоски во Центар : Се обврзуваме за правна држава и ветинг за имотот на политичари

Вечерва претседателот на ВМРО-ДПМНЕ Христијан Мицкоски им порача на центарци дека правдата мора да завладее на секаде низ Македонија, во секој град на овие 25,000 квадратни километри, се наведува во партиското соопштение.

Тој пред жителите на Општина Центар рече дека несака многу да збори против опонентот СДСМ, иако за нив може да се говори цела вечер, за сите нивни неуспеси и срам кој што и го донесоа на Македонија и за сиот криминал и корупција. Но, Мицкоски рече дека е непотребно да се троши ни времето на граѓаните, ниту времето на македонската јавност. Тој искажа желба да говори за она што претстои, а тоа е обновата. И вети дека во програмата "Исправи се Македонијо, одбери обнова" граѓаните ќе можат да го прочитаат најбитното, а тоа е враќање на правната држава.

-Во нашата читанка "Обнова" ќе го најдете она што е можеби најзначајно. А тоа е како да ја вратиме правната држава. Многу внимателно тим составен од врвни експерти, работеше во делот кој што ќе понуди реформи во правосудството. Правни експерти од Сиљановска - Давкова, Тања Каракамишева, Наумовски, Сашо Климовски, Менинковски и многу други кои дадоа се од себе за реформи во правосудството. Програма во која императив ќе биде почитување на законите во државата. Кога ветуваа правда, мир нашиот политички противник заедно со оние припадници на т.н "Обоена револуција" се сеќавате кога го најавуваа оној бројчаник во центарот на градот, па Заев велеше ќе вртел бројчаникот ќе ги враќал милијардите. Тие до вчера што беа режим сега му се верни слуги. Дехидрираа од негативности кон мене и ВМРО-ДПМНЕ. Но, ние ветуваме дека овој пат тој бројчаник навистина ќе проработи. И ќе започнеме со она што најмногу ги боли нашите сограѓани. А тоа е да провериме дали ние политичарите тоа што го поседуваме сме го стекнале на законит начин или на грбот на граѓаните. Еве јас и моето семејство се пријавуваме први да бидеме дел од тој ветинг на политичарите на македонската политичка сцена. И тоа ќе го примениме во првите 6 месеци. А не да ја префрламе топката дека биле виновни судиите, обвинителите, администрацијата или народот.

Овие не се обични избори, порача Мицкоски. Не само затоа што се случуваат во време на пандемија, туку и затоа што овие се избори кои што ќе треба да ја детерминираат иднината на државата.

-Изборите ќе ја детерминираат иднината на нашите семејства, на нашите потомци, но исто така и ќе треба после овие избори да ги направиме горди и нашите претци кои што со живот го платиле ова што денеска ние го живееме. И тоа не е едноставно, бидејќи после 15-ти јули пред нас ќе дојде исклучително тежок период. Бидејќи ќе треба да си ја обновиме државата. Кога го слушате Никола Димитров како зборува за образ, или Заев како зборува за правда, тоа е исто како да го слушате Ал Капоне да зборува дека е невин. Тие и самите не си веруваат во тоа што го зборуваат, а камоли да ги убедат граѓаните. Но, да се вратам на суштината. Овие избори се ние да се одлучиме дали сме за корупција и криминал или за опција што ќе понуди решение за овие две многу проблематични рани кои што се протегаат изминативе години. Убеден сум дека народот, без разлика дали се Македонци, Албанци, Бошњаци, Срби, Власи, Турци и така натаму, секогаш се исправувал, обединувал пред предизвикот кога е најтешко. И заедно секогаш успевале да победат и појак и помногуброен противник. Така ќе биде и овој пат на 15-ти јули, порача Мицкоски.

Центар за комуникации на ВМРО-ДПМНЕ

Клиниката за неврологија: „Водич за справување со невролошки заболувања во услови на ковид 19“

Со растечкиот број заболени од COVID-19, се објавуваат и сознанија за директно и индиректно инволвирање на нервниот систем.

Универзитетската клиника за неврологија изготви Водич за справување со невролошки заболувања во услови на Ковид-19 пандемија, кој содржи стручни препораки и насоки во однос на следење на одложени имунолошки посредувани компликации, невропсихолошки последици, и евентуално одложен развој на невродегенеративни заболувања кај заболените со Ковид-19. Препораките се направени врз основа на досегашните искуства и известувања од повеќе медицински центри, стручни асоцијации на невролози и мислења од експерти, а во согласност со иницијативaта на Европската академија за неврологија (EAN).

Водичот содржи посебни поглавја во однос на невролошките заболувања и ковид-19, како и генерални препораки за имуносупресивна/имуномодулаторна терапија кај пациенти со невролошки заболувања, како што се пациенти со мултипла склероза, миастенија гравис, невромускулни заболувања и неинфламаторни заболувања на централниот нервен систем.

- Со растечкиот број заболени од COVID-19, се објавуваат и сознанија за директно и индиректно инволвирање на нервниот систем. Со оглед на фактот дека ACE-2 (angiotensin converting enzyme-2), рецепторот за SARS CoV-2 е присутен во мозокот, јасно е дека вирусот може да ги инфицира невроните и да предизвика директни и индиректни невролошки компликации. Од друга страна, пациентите со некои невролошки заболувања и терапијата која ја примаат за третман, спаѓаат во групата лица со зголемен ризик за развој на компликации од COVID19. Сознанијата за COVID-19 секојдневно се збогатуваат и менуваат, што значи дека ставот за третман, постапување и процена на ризик кај пациенти со невролошки заболувања во услови на COVID-19 пандемија не е дефинитивен. Се наоѓаме на турбулентен терен со постојани динамични промени кои бараат следење и збогатување на знаењата и токму тоа е основната идеја за изработка на овој краток водич, кој треба да биде рамка во која неврологот со своето знаење и искуство ќе направи процена и ќе донесе одлуки за третман запазувајќи го индивидуализираниот пристап кон секој пациент, се посочува во воведот на овој водич.

Во Софија повторно демонстрантите со шатори го блокираа сообраќајот

Откако полицијата ги отстрани шаторите од клучните раскрсници во Софија во петокот наутро, група демонстранти синоќа повторно поставиле шатори  и го блокирале сообраќајот на најмалку три места.

Овојпат полицијата не ги отстрани шаторите. Главниот инспектор Красимира Стојадинова од управата за внатрешни работи изутринава изјави дека полицијата ќе продолжи да се обидува да ги убеди демонстрантите да ги отстранат блокадите. Никој не е приведен во текот на ноќта.

Претседателот Румен Радев прокоментира на Фејсбук дека Владата ја вклучила полицијата во судир со илјадници демонстранти.

„Подготвеноста да се жртвува социјалниот мир во името на политичкиот опстанок е чин на досега невидена политичка ескалација за време на бугарската транзиција. Кризата на бугарската демократија не може да се реши со репресивни и полициски мерки, може само да се продлабочи“, наведе Радев.

Тој смета дека оставките на Владата и на јавниот обвинител ќе бидат првиот чекор кон враќањето на Бугарија во владеењето на правото и демократијата.

24

СДСМ: Јакнењето на економскиот стандард на сите граѓани главен императив на новата Влада предводена од СДСМ

Продолжување на растот на платите и обезбедувањето постојана поддршка на домашниот приватен сектор се меѓу главните принципи на новата македонска економија.

СДСМ започна сериозни, темелни преговори со претседатели и високи претставници на политички партии кои се дел од новиот собраниски состав, за формирање на демократска, политичка, одговорна Влада, која на прво место од својата агенда ќе ја има новата македонска економија.

Продолжување на растот на платите и обезбедувањето постојана поддршка на домашниот приватен сектор се меѓу главните принципи на новата македонска економија.

Тука се вложувањата во младите и во рамномерниот регионален развој и продолжуваме да водиме посебна грижа за најсиромашните граѓани.

Јакнењето на економскиот стандард на сите граѓани ќе биде императив на новата Влада.

За две и пол години покажавме дека платите и економскиот стандард со СДСМ растат многу побрзо. Во следните 4 години ќе покажеме дека тие ќе растат уште повеќе, за да биде уште подобро.

Граѓаните ни ја дадоа довербата, бидејќи знаат дека во наредните четири години ќе работиме уште повеќе и уште подобро.

СДСМ

притисни ентер