Полицајци пукале при брканица со глисер и комплетна разочараност кај совесните граѓани. Ова е епилогот од празничнито продолжен викенд во Охрид. Тоа што медиумите предупредуваа дека може да се случи се оствари, а здравствениот епилог од неоговорното и себично однесување на некои наши сограѓани ќе го видиме за околу една недела...
По сликите и видеата од викендов што измина многумина се прашуваат кој и зошто, дозволи ваково однесување кое беше лесно да се предвиди. Полицијата смета дека тие сториле се што е во нивна надлежност, а и покрај тоа што охридската полиција изминативе денови поднесе вкупно 251 казна за неносење маска, најавија дека времето за апели и дефинитивно истече, а казнувањето ќе биде поинтензивно.
Не само елементарното непочитување на мерките за заштита, посистелите во Охрид демонстрираа и исклулително ниска еколошка, а некои кажаа и цивилизациска свест. Локалните комунални служби не можеа да го дочистат тоа што дел од граѓаните го оставија зад себе. Светол пример е ова момче, кое реши само да ги исчисти охридскиот кеј...
Инаку, полицијата на Охридското езеро викендов мораше и да пука во воздух во обид да запре глисер со албански ознаки, кои од водите крај Радожда се движел кон селото Лин во Албанија и предизвика граничен инцидент.
Според информациите на МВР во глисерот имало предмети за кој полицијата смета дека потекнуваат од кривично дело, но место да застанат на наредба на патролата двајцата мажи кои управувале со пловилото избегале.