Канал 5 во посета на Домот за стари лица во Злокуќани

Неизвесни утра, кафе-муабети на растојание од два метра, без заеднички игри и дружби.

Животот во време на корона за момент го промени секојдневието на 70-тина станари од домот за стари лица „Мајка Тереза“ во скопско Злокуќани. Со стравот успешно се борат, но прегратките од најблиските во моментов најмногу им недостасуваат.

Но и покрај ова, секој на свој начин и пркоси на монотоноста. Не поминува ден кај чичко Милан без весници. Наутро чита колумни, а попладне решава крстозборки. Вредните раце на Стојанка кројат заштитни маски за сите станари, а дел ги донира на оние на кои им е најпотребно. За неа не постои поубаво хоби во денот. А тетка Вера веќе 15-та година го разубавува дворот на домот со зеленило. Вљубена е во љубичиците.

„Појадуваме од 8 и пол до 9. Си земаме појадок и после си излегувам, наместо фискултура во соба – јас со копањето си вежбам. Имам 80 години ама не се предавам. Ништо не ме боли.“вели Вера Цветановска .

Дваесетина вработени се грижат за редот и мирот во домот. Се внимава на доставата на храна и лекови. Редовно се дезинфицираат површините и се води сметка да не седат повеќе станари во иста просторија. Дури и се организираат и едукативни предавања за водењето лична хигиена, вели раководителот на домот Дејан Петров.

.„Преку апликацијата Вибер се слушаат со своите најблиски. Лекарствата ги обезбедуваме ние. Нивната социјална дистанца сега е поголема, за жал немаме интеграција меѓутоа тие поединечно си творат и си работат. Направивме неколку парцијални, таканаречени социјално-едукативни клубови каде што на нашите корисници обавезно им е потенцирано миењето на раце и водењето на личната хигиена, изјави Дејан Петров, раководител на дом за стари лица „Мајка Тереза“ .

На станарите им е достапен и психолог два пати неделно. Петров вели дека изолацијата се одвива без проблеми, а физичкото и менталното здравје на корисниците и натаму останува приоритет број еден.

„Ги слушаат препораките, без разлика на нивната возраст, доба и местото од кое доаѓаат. Се уште нема паника меѓу нив. Се придружуваат комплетно до препораките и сега за сега, фала му на Бога, се е добро.“ изјави Дејан Петров, раководител на дом за стари лица „Мајка Тереза“.

По неочекуваниот снег и студеното време минатата недела, денешните сончеви зраци конечни ги изнесе станарите надвор од своите скромни живеалишта. Многумина од нив низ блага насмевка рекоа – преживеавме многу лоши работи, ќе помине и оваа.

„Секојдневието за овие лица мора да продолжи, дури и во вакви отежнати услови. Одовде бевме испратени со многу насмевки и апел – да си го чуваме здравјето, да се сакаме и да бидеме одговорни кон себе и своите најблиски.“

МВР: До 12 февруари следната година промена на регистарските таблички со ознаката „МК“ со „NMK“

Министерството за внатрешни работи ги информира граѓаните и правните субјекти, односно сопствениците на возила, на обврската дека заклучно со 12.02.2024 мора да извршат промена на регистарските таблички со ознаката „МК“ со ознаката „NMK“.

Министерството за внатрешни работи ги информира граѓаните и правните субјекти, односно сопствениците на возила, на обврската дека заклучно со 12.02.2024 мора да извршат промена на регистарските таблички со ознаката „МК“ со ознаката „NMK“.

Од МВР соопштуваат дека, согласно член 27 став (1) алинеја 5 од Законот за возила („Службен весник на Република Македонија” бр. 140/08; 53/11; 123/12; 70/13; 164/13; 138/14; 154/15; 192/15; 39/16 и 161/19) и согласно член 28 од Правилникот за форма и содржина на образецот на барањето за издавање на пробните таблици, формата и содржината на регистарските таблици и на пробните таблици, како и начинот и постапката на нивно издавање („Службен весник на Република Македонија” бр. 293/2020), сите сопственици на регистрирани возила се должни да ги заменат регистарските таблици кои ја содржат буквената ознака ,,МК”, издадени до денот на отпочнување со примена на овој правилник (15.01.2021 година), односно таквите таблички можат да се употребуваат најдоцна до 12.02.2024 година.

Бекер: Новак како дете си постави цел да биде најдобар и е на прагот да ја оствари

Шесткратниот грен слем шампион Борис Бекер смета дека победата на Австралија опен ќе му помогне на Новак Ѓоковиќ да ја оствари својата главна цел во кариерата.

- Новак има 35 години и знае дека на 40 нема да може да покаже такви резултати. Мислам дека по Австралија опен ќе има неверојатен период. Во Париз и на Вимблдон ќе има сосема поинаков настап и сосема поинаков обем на работа. Успехот е сон на неговиот живот, тој сака да стане најуспешниот играч во историјата. Како дете, рече: „Јас ќе бидам најдобар“, и беше во право. И сега тој е на прагот, изјави бекер.

Ѓоковиќ минатиот викенд го освои Австралија опен 2023. Србинот стигна до 22. Грен слем трофеј во кариерата. Според овој индикатор, тој се израмни со Рафаел Надал. /MИА

Алтернатива вечерва ќе одлучува за идните чекори при евентуален влез на Алијансата за Албанците

Најтесното раководство на владејачката Алтернатива вечерва на средба во Гостивар ќе одлучува какви чекори ќе преземат во однос на евентуалниот влез на Алијансата за Албанците (АА) во Владата.

Најтесното раководство на владејачката Алтернатива вечерва на средба во Гостивар ќе одлучува какви чекори ќе преземат во однос на евентуалниот влез на Алијансата за Албанците (АА) во Владата, потврдија за МИА од партијата.

Лидерот на Алијансата за Албанците, Арбен Таравари вчера по средбата со премиерот Димитар Ковачевски изјави дека влегувањето на Алијансата за Албанците во Владата не е дефинитивно, но шансите за тоа се огромни. Тој потенцира дека околу 90 проценти од програмските определби се синхронизирани, но дека за кадровските решенија воопшто не разговарале.

За кадровските решенија, како што посочи, ќе разговараат во текот на следниве денови, додавајќи дека еден од ресорите за кои партијата има „најдобри кадри“ е Министерството за здравство, со кое во моментов раководи Бесим Сали од Алтернатива.

И премиерот Димитар Ковачевски вчера напомена дека во најголем процент се усогласиле со Алијанса за Албанците, нагласувајќи дека во делот на сите други аспекти од можна соработка, разговорите ќе продолжат.

Извршниот одбор на СДСМ синоќа на седница избра работна група задолжена за понатамошни разговори со Алијанса та за Албанците, во која покрај партискиот лидер и премиер Ковачевски, членуваат и генералниот секретар на партијата Миле Зечевиќ, членот на Централниот одбор Љупчо Николовски, како и координаторот на Пратеничката група во Собранието, Јован Митревски.

притисни ентер