Додека Македонија и официјално го одби францускиот предлог како неприфатлив, комисијата за надворешна политика во бугарското Собрание заседаваше за него. Помеѓу меѓусебните обвинувања и напади за национално предавство, шефицата на бугарската дипломатија во оставка Теодора Генчовска со порака дека не може да излезе со став за предлогот, бидејќи како што кажа, имало малку информации за предлогот.
„Ние располагаме со многу малку време за да донесеме едно исклучително важно решение. Знам дека има проекти кои се внесени за решение во Народното Собрание за да може тој процес да се придвижи напред. Ние, не сме запознаени официјално, бидејќи тие проекти не ни се испратени. Можеме да дадеме чисто експертско мислење.
Позицијата на официјална Софија за земјава сепак, пред самитот на ЕУ ја кажа бугарскиот премиер Петков, кој истакна дека нема ниту хипотетичка можност за нешто да се промени до крајот на самитот. Петков повтори дека одлуката треба да е во рацете на народното собрание и кажа дека според него францускиот предлог е најдобриот кој Бугарија до сега го добила, а упати и остри критики кон опозицијата, но и кон Претседателот Радев кого го нарече кукавица.
„Има ли хипотетичка можност, сепак нешто да се случи до крајот на советот? / Не, нема хипотетичка можност бидејќи јас стојам на мојот збор. / Ако си Претседател на место ќе го свикаш консултативниот совет, ќе ги викнеш сите служби, ќе ги викнеш сите партии, седнуваме сите заедно, разгледуваме и излегуваме. Но, не пак, тоа било на Владата, било на Премиерот, маските паднаа, смачено ми е од плашливци. Јас ќе си го запазам моето ветување пред бугарскиот народ и се надевам дека ќе имаме една отворена дискусија бидејќи е историски момент кој не треба да го испуштиме. Тој предлог (францускиот) е многу убав, прашањето е да се направи на вистински начин.
Спорно за политичките партии во бугарскиот парламент се процедурите, односно дали францускиот предлог и билатералниот протокол треба да поминат во комисијата за надворешна политика или на пленарна седница во Собранието. И додека ја блокираат работата на комисијата, пратеничките групи на ГЕРБ и на ДПС доставија два нацрти до народното Собрание за решавање на спорните прашања меѓу Софија и Скопје. Токму на решение во Собранието повика и екс премиерот Борисов кој го повика Петков да не ја урива и Владата во Македонија.
„Да не ја урнеме и Владата на Македонија и да нанесеме штета. Ако тоа се случи вие господине Петков сте сојузник на Митрофанова, тој го искористи името на амбасадорката, вие сте сојузник на Путин на Балканот. Затоа Ве молам, наредете и на вашата партија да го внесе предлогот, да биде водечка, ние ќе ја поддржиме.
Во меѓувреме, Еврокомесарот Вархеји преку социјалната мрежа твитер порача дека Унијата ги зема доста сериозно бугарските грижи и тие сега се дел од преговарачкиот процес. Моментот за сериозни одлуки како што напшиша Вархеји е сега, и Западен Балкан треба да е дел од ЕУ. Вархеји го повика и бугарскиот парламент да ја исполни својата обврска и да го изгласа предлогот за Македонија и Албанија.