„Чистота и Зеленило“ постави полуподземни контејнери на десетина локации во Куманово

Јавното претпријатие „Чистота и Зеленило“ постави полуподзмени контејнери на десетина локации во Куманово, соопштија денеска надлежните од претпријатието.

-Овој пат за разлика од претходно, почнавме со поставување на полуподземни контејнери во неколку населби во градот. Очекуваме граѓаните совесно да се однесуваат и да депонираат соодветен смет без да одлагаат запаливи материи, изјави директорот на ЈП „Чистота и Зеленило“, Даниел Стојчевски.

Досега во Куманово поставени се над 60-тина полуподземни контејнери. Полуподземните контејнери одат во пат и имаат значителен капацитет за собирање на смет, поедноставни се за одржување и се скратува времето на собирање на сметот со возилата на ЈП „Чистота и Зеленило“, што пак придонесува да не се создава сообраќаен метеж.

Овие садови за смет имаат капацитет од пет кубни метри и заменуваат шест обични контејнери.

Мицкоски: Згрозен сум од неморалниот чин на Маричиќ

Згрозен сум од неморалниот чин на Маричиќ, устата полна им е со Европа, а немаше ни извинување, Ковачевски не се ни огради.

Како човек сум згрозен, со гадење од овој сексистички и неморален чин на Маричиќ, човекот се прослави со се, само не со тоа што треба да го работи, изјави претседателот на ВМРО-ДПМНЕ, Христијан Мицкоски при денешната посета на Гази Баба одговарајќи на новинарско прашање за вчерашниот скандал во Собранието и сексистичкото однесување на Маричиќ кон пратеничката Дафина Стојаноска.

- Вчудоневиден сум како овие на кои полна им е устата со Европа, не излегоа и не собраа сили да извинат за тоа што го стори Маричиќ, па и тој самиот. А од Ковачевски очекував барем оградување од ова што го направи Маричиќ, но за жал тоа не го добивме, рече Мицкоски.

Мицкоски потенцираше дека уште некое време политичката сцена ќе се дели со вакви политички маргиналци како Маричиќ, а по дебаклот кој ќе и се случи на власта на парламентарните и претседателски избори, ќе се ослободиме од ваквите маргиналци.

Христијан Мицкоски, претседател на ВМРО-ДПМНЕ

Мицкоски: Идната влада на ВМРО-ДПМНЕ ќе ги поддржи општините со средства од централниот буџет, Гази Баба ќе добива околу 9 милион евра годишно

Задоволство и чест е што денеска на покана на градоначалникот на општина Гази Баба сум на отпочнување на вака значаен проект. Можеби чудно делува кога зборуваме за земја која кандидат за член на ЕУ, а на воздушна линија на неколку километри од центарот на градот, живее население кое нема вода за пиење во 21 век.

Денеска благодарение на општината, градоначалникот, советниците, пратениците кои доаѓаат од општина Гази Баба започнува проект во ова населено место во вредност од 8 милиони денари со кои ќе се реши овој децениски проблем, односно жителите на ова населено место ќе добијат вода, што е многу важно.

Сето тоа претставува само дополнителен мотив да направиме разлика помеѓу оние кои денеска седат во владата, а се дел од коалицијата СДС и ДУИ, и оние луѓе кои градат, а тоа се градоначалниците кои доаѓаат од редовите на ВМРО-ДПМНЕ и коалицијата, најголемиот дел од нив имаат речиси реализирана програма која беше ветувана на локалните избори во 2021 година, а некој просек од 60% веќе на половина од мандатот е на целата територија каде што има градоначалници кои доаѓаат од редовите на ВМРО-ДПМНЕ и коалицијата.

Имајќи предвид дека за неколку месеци од денес ќе имаме влада која ќе ја предводи ВМРО-ДПМНЕ, таа влада има намера да реализира од централниот буџет да децентрализира отприлика 9 милиони евра годишно само за општина Гази Баба.

Убеден сум не само што ќе биде предвреме исполнета програмата, туку и ќе бидат направени проекти кои не беа ветувани и не беа дел од програмата за локални избори.

Само можам да ги охрабрам луѓето кои овде тимски работат, градоначалникот, администрацијата, советниците, пратениците кои доаѓаат од ВМРО-ДПМНЕ и коалицијата така да продолжат да ги реализираме овие проекти затоа што мораме да покажеме и докажеме дека не се сите исти, дека има такви кои крадат како што се овие во владата и такви кои градат, а тоа се градоначалниците од редовите на ВМРО-ДПМНЕ и коалицијата.

Со почит,

Центар за комуникации на ВМРО-ДПМНЕ

АХВ: Трипуновски повторно лажно шири паника, млекото со афлатоксин се враќа во Србија

Мостри се земаат на граничните премини, односно пратките не се пуштаат во промет до добивање на задоволителен резултат од тестирањата.

Неосновано ширење паника и доведување на граѓаните во заблуда е последната објавена вест на претседателот на Комисијата за земјоделство, шумарство и водостопанство на ВМРО-ДПМНЕ Цветан Трипуновски, дека на рафтовите во продавниците се пласирани над 20 тони трајно млеко од Србија со афлатоксин М1 над максимално дозволените концентрации, реагира Агенцијата за храна и ветеринарство.

АХВ апелира, граѓаните да бидат спокојни зашто „канцерогено” млеко со афлатоксин по потекло од Србија, како што тврди Трипуновски, на полиците во маркетите нема. Денес, со согласност на извозникот, од граница, тоа се враќа во Република Србија согласно законски дефинираните процедури.

-За да нема идни шпекулации и замајувања на јавноста, дека граѓаните во земјава пијат небезбедно млеко со афлатоксин, одговорно тврдиме дека со цел спречување на ризикот по јавното здравје, поради утврдено зголемено присуство на афлатоксин М1, на сила е Решението за безбедносни мерки при увоз на млеко, производи од млеко и храна за исхрана на животни од 1 декември минатата година кое го донесе Агенцијата за храна и ветеринарство. Со него се врши задолжително лабораториско тестирање на присуство на афлатоксин М1 на секоја пратка со млеко и производи од млеко која се увезува во земјава, а е по потекло од Република Србија или од Босна и Херцеговина. Мостри се земаат на граничните премини, односно пратките не се пуштаат во промет до добивање на задоволителен резултат од тестирањата. Оттаму, небулозно е денешното тврдење дека небезбедно млеко по потекло од соседна Србија завршило на рафтовите во продавниците. „Веста“ на Трипуновски за афлатоксинот во сурово млеко по потекло од една од поголемите млекарници е стара неколку месеци, иако и со неа денес се обиде да манипулира. Ова млеко, во согласност со операторот, уште во април годинава нештетно е уништено и не стасано во прометот, наведува АХВ во реакцијата.

Брнабиќ: Продолжува теророт на Курти врз Србите на Косово

Теророт на Албин Курти врз Србите на Косово и Метохија, очекувано продолжува, согласно сето она што го кажуваме и она што со месеци го зборува претседателот на Србија, Александар Вучиќ, терор и малтретирање на Србите на Косово и Метохија.

Премиерката на Србија, Ана Брнабиќ, денеска изјави дека продолжува „теророт што го спроведува косовскиот премиер Албин Курти врз Србите на Косово и Метохија“, нешто што и таа и претседателот на Србија, Александар Вучиќ, до сега предупредувале, јави дописникот на МИА од Белград.

Брнабиќ на новинарско прашање за настаните на северот на Косово рече дека косовската полиција од утрово врши претреси во српските општини на северот од Косово, дека влегле во КБЦ „Косовска Митровица“.

-Теророт на Албин Курти врз Србите на Косово и Метохија, очекувано продолжува, согласно сето она што го кажуваме и она што со месеци го зборува претседателот на Србија, Александар Вучиќ, терор и малтретирање на Србите на Косово и Метохија, изјави Брнабиќ.

Таа посочи дека единствена цел и желба на Курти е да ги протера сите Срби од Косово.

-Ја следиме ситуацијата, разговараме и со КФОР, со меѓународната заедница, од утрово претседателот Вучиќ има средби на оваа тема, се слушнав и со директорот на Канцеларијата за Косово и Метохија, Петар Петковиќ, теророт продолжува, заклучи Брнабиќ.

На новинарско прашање дали има информации за тоа кои се вооружените лица во Бањска и каква е улогата на Милан Радојичиќ во тоа, Брнабиќ одговори дека медиумите кои и го поставиле тоа прашање го пренесуваат секој „збор на (министерот за внатрешни работи на Косово Џељаљ) Свечља како да е вистина“.

-Свечља вели дека некој се лекува во ВМА, а вие трчате да видите дали навистина е на ВМА. Верувам дека сите ги имате сите информации, па прашајте ја Приштина, рече Брнабиќ.

Премиерката на Србија во врска со предвремените избори изјави дека должината на нејзиниот мандат не ја одредува претседателот на Србија, Александар Вучиќ, туку дека Владата излегла во пресрет на опозицијата која побарала распишување парламентарни и избори во градот Белград.

Таа потсети дека уште во јуни понудила оставка и додаде дека верува и се надева дека изборите ќе се одржат во декември.

притисни ентер