„67 години Моја Кисела Вода“ – Роденденско одбележување со седум капитални проекти

„67 години Моја Кисела Вода“ – Роденденско одбележување со седум капитални проекти и богата забавна програма за Културно лето 2022.

„Со седум капитални инфраструктурни, комунални проекти, и седум музичко-забавни случувања, ќе го одбележиме 67-миот роденден на најстарата скопска општина, Кисела Вода,“ изјави градоначалникот на општината, Орце Ѓорѓиевски на денешната прес конференција, каде беа промовирани бројните роденденски активности кои ќе се одвиваат под мотото „67 години Моја Кисела Вода“.

Започнувајќи од 27.06. до 03.07.2022, секој ден во 10 часот наутро ќе се промовира по еден капитален комунален проект.

„Тоа се седум инфраструктурни решенија на децениски проблеми на нашите жители, кои заедно со нив ги дефиниравме како приоритетни. Како ново раководство кое во прв план ги става потребите на граѓаните, одлучивме не со еден- туку со седум капитални проекти да го одбележиме почетокот на новата година од постоењето на Кисела Вода, бидејќи утрото го најавува денот, а ова ќе биде динамична и плодна година за нашата општина. Ќе се интервенира и инвестира во сите сфери, храбро, одлучно и плански ќе се решаваат крупни проблеми. Да го креираме ликот на општината по мерка на граѓаните, бидејќи ова место веќе 67 години е наш дом во кој треба сите ние убаво и квалитетно да живееме, а потоа и да го оставиме на нашите поколенија.“ дополни градоначалникот Ѓорѓиевски.

Денес воедно беше најавена и богатата забавна програма на претстојното ново издание на Културно лето 2022, на којашто е најавен настапот на голем број на домашни македонски ѕвезди, - ДНК, Влатко Лозаноски, Теа Трајковска, ДЈ Оги, Куд Китка, Филип Шурбевски Езгија Квартет, Ефто Пупиноски, Боби Павловски, Златно Славејче, Миле Кузмановски, како и настап на Наум Петрески, Зуица Лазова, Владимир Поповски + Бенд.

Во вечерните часови, од 29ти јуни (среда), па сѐ до 02ри јули (сабота), со почеток од 20 ч.па сѐ до полноќ, присутната публика ќе може да ужива во музичките настапи и концерти на три различни локации и тоа, Парк Македонија (29.-30.06.2022 г.), Три Круши во Драчево (01.07.2022 г.) и Расадник (02.07.2022 г.). Неколкудневната програма на Културно лето 2022, ќе биде затворена на 2-ри јули, со спектакуларен вечерен музички концерт на големата балканска ѕвезда, - Жељко Самарџиќ.

Во рамките на Културно лето 2022, на првиот ден пред официјалната вечерна програма, со почеток во 18 часот во Парк Шопен, ќе се оддржи и Хуманитарна Коријада, кадешто традиционално, голем број пензионери ќе се вклучат во собирање средства за хуманитарни цели со подготовка на домашни национални пецива, а сето ќе биде пропратено со весела атмосфера и пеење на омилените народни песни. На последниот ден во сабота, 02.07.2022 г. во Расадник, покрај настапот со почеток во 11 часот на славејчињата од „Златно Славејче“ и изненадувањата за присутните дечиња, за прв пат во организација на Општина Кисела Вода, од 18 часот истиот ден премиерно ќе се одржи и „Битка на бендови“, каде што победникот ќе биде награден со концерт во организација на општината.

Влезот за сите настани ќе биде бесплатен.

ЕМА: Новите вакцини против омикрон би можеле да ја зголемат заштитата

Вакцините против коронавирус што ја вклучуваат варијантата омикрон може да ја подобрат заштитата кога се користат како т.н бустер доза, објави Европската агенција за лекови (ЕМА).

По вчерашниот состанок, ЕМА објави дека глобалните регулатори се договориле за клучните принципи за надградба на вакцината против „Ковид-19“ за да одговори на новите варијанти на вирусот.

Додека постоечките вакцини против коронавирус сè уште обезбедуваат добра заштита од хоспитализација и смрт, ефективноста на вакцината е ослабена како што вирусот еволуирал, велат регулаторните власти.

Бивалентната бустер доза значи дека вакцината е направена за новата варијанта на вирусот, како и за оригиналната варијанта на вирусот што предизвикува ковид-19, и како таква може да ја зголеми и прошири заштитата, се вели во соопштението за печатот на ЕМА. Тоа се однесува конкретно на mRNA вакцините. Pfizer и Moderna тестираат верзии на нивните вакцини за да делуваат специјално против омикрон.

Вакцините кои вклучуваат други варијанти, како што е бета варијантата, исто така може да се земат предвид за употреба како засилувачки дози доколку податоците од клиничките испитувања покажат соодветно ниво на неутрализација против омикрон, се вели во соопштението.

Ова е во согласност со упатствата на Светската здравствена организација (СЗО) дека специфичните бустер дози би можеле да обезбедат заштита од нови варијанти на Ковид-19.

Но, тоа не е во согласност со позицијата на регулаторите во САД. Американската Администрација за храна и лекови (ФДА) вчера соопшти дека ќе бара вклучување на особено поновите омикронски соеви BA.4 и BA.5, кои предизвикаа пораст на случаите на глобално ниво, во сите нови домашни вакцини.

ЕМА вели дека ќе даде повеќе детали во наредните денови.

Бајден: Сенатот не може да го избегне „супермнозинството“ и да го заштити правото на абортус

Американскиот претседател Џо Бајден им порача на група демократски гувернери дека нема доволно гласови во Сенатот за да се избегне институцијата „филибастери“ (тактики на опструкција) со цел да се заштити правото на абортус .

Бајден го повика Сенатот да се ослободи од филибастерот, супермнозинство за кое е потребна поддршка од 60 од 100 сенатори за донесување закони, со цел споменатата пресуда од 1973 година да стане закон.

Во современите демократии, потребно е едноставно или двотретинско мнозинство во парламентот за да се донесе закон, додека во САД има супермнозинство од 60 гласови во Сенатот за усвојување на сите закони освен буџетот, бидејќи секој претставник има моќ да ја одложи секоја законодавна иницијатива доколку кај другите партии нема мнозинство кое би гласало за прекин на опструкциите.

Бајден поминал 36 години во Сенатот и сесрдно ја поддржувал институцијата филибастер, но тој е сè повеќе склон да го промени тоа, бидејќи републиканците веќе блокираа неколку негови главни иницијативи, вклучувајќи го и законот за гласачко право.

„Како што реков вчера, тоа не треба да ни застане на патот да го претвориме Рое против Вејд во закон“, рече Бајден на виртуелната средба со демократските гувернери, вклучително и оние од Калифорнија и Њујорк.

Бајден е уверен дека некои американски држави ќе се обидат да ги уапсат жените поради преминување на државните граници за да абортираат откако Врховниот суд го укина уставното право на земјата за абортус.

Тринаесет држави предводени од републиканците го забранија или строго го ограничија абортусот по одлуката на Уставниот суд. Жените во оние држави кои сакаат абортус можеби ќе треба да патуваат во држави каде што е сè уште легален.

Претседателот смета дека „луѓето ќе бидат шокирани кога првата земја ќе се обиде да уапси жена што ја преминала државната граница за да добие здравствена заштита“. „И не мислам дека луѓето веруваат дека тоа ќе се случи. Но, тоа ќе се случи и ќе испрати порака до целата земја дека ова е огромен договор што оди подалеку од тоа; мислам, тоа влијае на сите ваши основни права“, додаде тој.

Бајден рече дека федералната влада ќе дејствува за да ги заштити жените кои треба да ги преминат државните граници за да абортираат и да се осигура дека имаат пристап до лек во државите каде што е забранет.

Историјата на САД ја покажа длабоката поделеност на американското општество, а институтот филибастер дополнително придонесе за фактот дека тенкото мнозинство по изборите речиси никогаш нема доволно моќни парламентарни алатки за да го промени американското општество според неговата волја и волјата на мнозинство што го претставува.

Поранешната судијка на Врховниот суд на САД, Рут Бадер Гинсбург, која почина во 2020 година, не сметаше дека Рое против Вајд е добро решение за воспоставување на правата за абортус.

Таа постојано сугерираше дека заштитата на правата за абортус ќе беше потрајна доколку се заснова на клаузулата за еднаква заштита од Уставот, односно ако се фокусирала на родовата еднаквост, за што таа силно се залагала, а не на правото на приватност што сега го нагласија судиите.

Жерар Пике барал да се одложи натпревар со шпанската репрезентација поради концерт на Шакира

Шпанската фудбалска јавност деновиве е окупирана со два интересни случаи по приватна преписка.

Најпрво се објавени аудио снимките од разговорот помеѓу тогашниот стопер на Реал Мадрид, Серхио Рамос и претседателот на Федерацијата Луис Рубиалес од 2020 година, во кои Рамос го повикува да ги искористи своите врски и да даде сѐ од себе за да потврди дека „Златната топка“ не се откажува.

Иако фудбалскиот свет во 2020 година речиси едногласно одлучи дека Роберт Левандовски е најоштетен од откажувањето на наградата „Златната топка“, Рамос верува дека и тој имал шанса да го освои престижниот трофеј, па му порачал на Рубиалес дека не бара само за себе, но и за доброто на шпанскиот фудбал.

Сега во јавноста протекоа и разговорите на Рубиалес со уште еден познат стопер, Жерар Пике. Всушност, во 2019 година, долгогодишниот столб на одбраната на Барселона побара од Рубиалес да го одложи пријателскиот натпревар со Романија неколку дена пред да се одржи, бидејќи неговата тогашна девојка Шакира истиот ден настапувала на отворањето на Дејвис купот во Мадрид.

Рубиалес ветил дека ќе направи што може, но на крајот натпреварот не бил одложен и одигран во првично предвидениот термин. Шпанија победила, но Жерар Пике не се запишал на листата на стрелци на натпреварот.

притисни ентер