Во музичкиот дел рецитал ќе има баритонот Ристе Велков, првенец во Македонската опера и балет. Во пијано придружба на Иван Еминовиќ, Велков ќе изведе неколку композиции од македонските автори Прокопиев, Фирфов и Скаловски, како и неколку традиционални македонски песни.

Во вториот дел од музичката програма ќе бидат изведени популарни неаполитански песни. Во литературниот дел од програмата авторот Томе Велков ќе интерпретира стихови од стихозбирката „Чудно време", а во ликовниот дел од програмата со 14 дела од циклусот „Порти“ ќе се претстави ликовниот уметник Марјан Ѕин.

Македонската вечер се остварува во соработка на КИЦ на Република Македонија во Софија и Музичкиот центар „Борис Христов" во Софија,  кои во изминатите три години имаат заеднички реализирани десетина музички настани. Проектот е поддржан од Министерство за култура на Република Македонија. /МИА

Датум на објава: понеделник, 12 јуни 2017 во 09:56
www.kanal5.com.mk

коментари

остави коментар